اسمبلی انتخابات: ڈی ایم۔ایس پی نے ڈسپیچ و کاؤنٹنگ سنٹر کا لیا جائزہ

(پی این این)
سونپور :ڈسٹرکٹ الیکشن آفیسر کم ڈی ایم امن سمیر اور ایس ایس پی ڈاکٹر کمار آشیش نے اسمبلی انتخابات کے متوقع ڈسپیچ و کاؤنٹنگ سنٹر کے لیے پلیس ویریفیکیشن کیا۔انہوں نے نیاگاؤں واقع گوگل سنگھ ہائر سیکنڈری اسکول کا معائنہ کیا۔اس دوران انہوں نے آئندہ اسمبلی انتخابات کی تیاریوں کے پیش نظر ضروری ہدایات دیں۔عمارت کی حالت کا جائزہ لیتے ہوئے انہوں نے محکمہ تعلیم اور بلڈنگ کنسٹرکشن ڈیپارٹمنٹ کو ضروری مرمت اور تعمیر کا حکم دیا۔انہوں نے اسکول کے کھیل کے میدان کم اسٹیڈیم کا معائنہ کرتے ہوئے اسے ٹھیک کرنے کی ہدایت کی۔
انہوں نے باؤنڈری وال اور داخلی گیٹ پر اطمینان کا اظہار کرتے ہوئے کہا کہ داخلے اور خارجی راستوں کے لیے علیحدہ گیٹ نشان زد کیے جائیں۔ساتھ ہی مرکزی سڑک کا داخلی اور خارجی راستوں سے رابطہ درست کرنے کی ہدایت کی۔انہوں نے قسکول فیملی کو عمارت اور کھیل کے میدان کی صفائی کا حکم دیا۔معائنہ کے دوران ایس ایس پی ڈاکٹر آشیش نے موقع پر موجود ایس ڈی پی او عبدالرحمن دانش کو ہدایت کیو کہ کھیل کے میدان اور اسکول کے احاطے کو سماج دشمن عناصر سے پاک رکھا جائے۔انہوں نے کہا کہ اس بات کو یقینی بنایا جائے کہ کوئی ناپسندیدہ عنصر یا جانور کیمپس میں داخل نہ ہو۔معائنہ کے دوران افسران نے اسکول میں کلاسز کے آپریشن کا بھی مشاہدہ کیا اور اطمینان کا اظہار کیا۔
دوسری جانب ڈی ایم مسٹر سمیر نے بازار سمیتی میں جاری تعمیراتی کام کا معائنہ کیا۔انہوں نے اب تک تیار کیے گئے دکان کے کمروں،شیڈ ایریا،سڑک،باہر نکلنے اور داخلے کے راستہ وغیرہ کا مشاہدہ کیا۔انہوں نے تعمیراتی ایجنسی برج کنسٹرکشن کارپوریشن کے ایگزیکٹیو انجینئر کرشنا کمار اور اسسٹنٹ انجینئر امن سنگھ سے پروجیکٹ پلان کو سمجھا اور تعمیر میں درکار وقت کا حساب لیا۔انہوں نے ایگزیکٹو انجینئر بلڈنگ کنسٹرکشن مکیش کمار کو ہدایت دی کہ وہ کارپوریشن کے افسران اور انجینئروں کے ساتھ تال میل پیدا کریں اور وقت پر کام مکمل کریں۔اس موقع پر ڈپٹی الیکشن آفیسر جاوید اقبال،ایس ڈی ایم صدر نتیش کمار،ایس ڈی ایم سونپور اسنگدھا نیہا،ڈی اے او اوم پرکاش،ڈی سی ایل آر سونپور رادھے شیام کمار مشرا،سب الیکشن آفیسر اخلاق انصاری،او ایس ڈی منٹو چودھری وغیرہ موجود تھے۔