(پی این این)
ریول گنج :بلاک بی جے پی صدر اور 20 نکاتی چیئرمین دھرمیندر سنگھ چوہان کی قیادت میں پارٹی کارکنان نے سارن ٹیچرس حلقہ سے نومنتخب قانون ساز کونسلر ڈاکٹر راہل راج کی رہائش گاہ پر پہنچ انہیں مبارکباد دیا اور نیک خواہشات کا اظہار کیا۔انہیں شال،گلدستہ،گیتا اور مٹھائی سے نوازا گیا۔
اس موقع پر دھرمیندر چوہان نے بتایا کہ ڈاکٹر راہل راج کے ساتھ ان کا پرانا خاندانی اور سیاسی رشتہ ہے۔وہ پچھلے دس سالوں سے ریول گنج بلاک پرمکھ کے طور پر خدمات انجام دے رہے ہیں۔وہ 2001 میں پنچایت راج انتخابات کے بعد سے اپنے والد اور سابق پرمکھ بپن کمار سنگھ کے ساتھ بھی جڑے ہوئے ہیں۔
انہوں نے بتایا کہ ڈاکٹر راہل راج نے وزیر اعلی سمراٹ چودھری اور سابق مرکزی وزیر اور سارن کے رکن پارلیمنٹ راجیو پرتاپ روڈی کی رہنمائی میں پارٹی کو اپنی حمایت کا یقین دلایا ہے۔ریاستی بی جے پی صدر سنجے سراوگی اور وزیر اعلیٰ سمراٹ چودھری نے بھی ان کا استقبال کیا۔
انہوں نے ڈاکٹر راج کی جیت کا سہرا ان کی محنت،اساتذہ کے ساتھ اچھے تعلقات،سڑک سے لے کر سیکرٹریٹ تک اساتذہ کے لیے لڑنے اور سارن و چمپارن سے ملنے والی حمایت کو قرار دیا۔ انہیں مبارکباد دینے والوں میں گاما سنگھ،ددن سنگھ،روی بھوشن مشرا،پریا کانت کشواہا،منوج ترپاٹھی،شتروگھن پرساد،امیت کمار سنگھ،راکیش سنگھ،مہیش گپتا،گڈو تیواری،اکھلیشور سنگھ، سوشانت کمار،سدھیر سنگھ،انوپ یادیو سنگھ،انوکھا سنگھ، شتروگھن پرساد وغیرہ شامل تھے۔
