لوک جن شکتی پارٹی (آر) کی سارن ضلع سطحی میٹنگ کا انعقاد

(پی این این)
سارن :لوک جن شکتی پارٹی (رام ولاس) کے اسمبلی انچارجوں اور بلاک صدور کی ایک اہم میٹنگ اتوار کو ضلع دفتر میں منعقد ہوئی۔میٹنگ کی صدارت ضلع صدر دیپک کمار سنگھ نے اور ماجھی اسمبلی کے انچارج دگ وجئے سنگھ نے نظامت کی۔میٹنگ کا بنیادی مقصد آئندہ اسمبلی انتخابات کی تیاری اور تنظیم کو بوتھ لیول تک مضبوط کرنا تھا۔
سنگھ نے اپنے خطاب میں کہا کہ پارٹی کے قومی صدر چراغ پاسوان کے “بہار فرسٹ،بہاری فرسٹ” ویژن کو زمین پر لانے کے لئے تمام کارکنوں کو متحد ہو کر کام کرنا ہوگا۔انہوں نے پارٹی کے اتحاد،سالمیت اور نظم و ضبط پر خصوصی زور دیتے ہوئے کہا کہ ہم سب ایک ہیں اور پارٹی سے ہماری وفاداری ہماری پہچان ہے۔
میٹنگ میں طے پایا کہ تمام دس اسمبلی حلقوں میں بوتھ کمیٹیوں کو مزید مضبوط اور فعال بنایا جائے گا تاکہ آنے والے انتخابات میں پارٹی کو مضبوط کیا جاسکے۔اس موقع پر اسمبلی انچارج بھانو پرتاپ سنگھ،راجیش کمار سنگھ،دگ وجے سنگھ،روشن سنگھ بھوانی،ہیمنت سنگھ سمن،کملیش پانڈے،نند کشور پاسوان،رتیش سنگھ سگریوال،امن سنگھ،ڈاکٹر نیرج دوبے،پرمود شرما،انجینئر کوشل کشور سنگھ،بلاک صدر روی پاسوان،شیو کمار سنگھ،بھوشن سنگھ،بھوشن سنگھ،پرمود سنگھ،سنیل سنگھ،سونو ساگر،سونو ماجھی،رماکانت سنگھ،وکاش سنگھ،گڈو پاسوان،دیویندر سنگھ،کنہیا رام،آلوک کمار،ارجن رام،سنجے کمار ماجھی وغیرہ موجود تھے۔اس میٹنگ نے تنظیمی نقطہ نظر سے ضلع سارن میں پارٹی کو نئی توانائی دینے کا کام کیا ہے۔