پی ایم کی ریلی کے لیے سرکاری مشنریوں کا کیا جا رہا ہےغلط استعمال: آر جے ڈی

(پی این این)
چھپرہ:سارن ضلع انتظامیہ 20 جون کو سیوان کے پچرکھی میں ہونے والی وزیر اعظم نریندر مودی کی ریلی میں بھیڑ جمع کرنے کے لیے اپنے مشنریوں کا غلط استعمال کر رہی ہے۔آر جے ڈی کے ضلعی ترجمان ہرےلال یادو نے مذکورہ بات کہی۔انہوں نے کہا کہ اپنے اختیارات کا غلط استعمال کرتے ہوئے جیویکا دیدی،پبلک ڈسٹری بیوشن سسٹم کے دکانداروں اور وکاس متروں پر غیر قانونی دباؤ ڈال کر بھیڑ جمع کرنے کی کوشش کی جا رہی ہے۔
آر جے ڈی کے ترجمان نے کہا کہ یہ عام لوگوں میں پی ایم مودی کی گرتی ہوئی مقبولیت کی علامت ہے۔انہوں نے کہا کہ جب بھی انتخابات آتے ہیں پی ایم مودی کو بہار یاد آتا ہے۔اگر مودی جی واقعی بہار کے خیر خواہ ہوتے تو بہت پہلے بہار کو خصوصی ریاست کا درجہ اور پٹنہ یونیورسٹی کو مرکزی یونیورسٹی کا درجہ مل جاتا۔انہیں صرف گجرات کی ترقی کی فکر ہے۔انہیں بہار سے بے روزگاری اور نقل مکانی روکنے سے کوئی سروکار نہیں۔