تازہ ترین
اسی سیاہ سمندر سے نور نکلے گاتنظیمی مضبوطی کے مد نظر ارریہ ضلع کانگریس کمیٹی کی میٹنگ، میٹنگ میں مستقبل کے پروگرام کے لئے نئی حکمت عملی پر کیا گیاتبادلہ خیال ، بٹو یادو اور شکیب رضا کانگریس میں شاملدعوت و تبلیغ کے مخلص خادم اور بہار شوریٰ کے معزز رکن محمد شمشیر کا انتقال، دینی و سماجی حلقوں میں رنج و غم کی لہرآئی آئی ایم بودھ گیا میں بدھونومکس 2026 کا آغاز، اخلاقیات، رحم دلی اور پائیدار ترقی پر ملکی و غیر ملکی ماہرین کا اظہار خیال، 11 ممالک کے 96 اداروں کی شرکتایک صاحب کردار انسان تھے حاجی جمیل منظر: امیر شریعتجیتنے کی صلاحیت رکھنے والے امیدوار کو ہی دیا جائے گاٹکٹ، اکھلیش یادو نے طے کیا سماجوادی پارٹی اور کانگریس کے درمیان سیٹوں کی تقسیم کا فارمولہاے ایم یو کے ایس ٹی ایس اسکول میں طلبہ کو سرکاری ملازمت کیلئے تیار کرنے کے موضوع پر اجلاس کا انعقاداے ایم یو کے اساتذہ اور ریزیڈنٹس کی’ نیپکون‘ میں شاندار کارکردگی
Bihar

بروقت مسئلہ حل نہ ہوا تو ہم دوبارہ احتجاج کرنے پرہوں گے مجبور:سنگھرش سمیتی،ایس ڈی ایم ارریہ کی یقین دہانی پر شہر کے بنیادی مسائل کو لے کر 6 روزہ احتجاجی مظاہرہ ملتوی

(پی این این)
ارریہ:ناگر سنگھرش سمیتی کی غیر معینہ مدت کی ہڑتال جو کہ ارریہ شہر کے بنیادی مسائل کو لے کر چل رہی تھی، ایس ڈی ایم شویتم ڈکشٹ کی یقین دہانی پر کل چھٹے دن ختم ہوگئی۔ایس ڈی ایم ارریہ نے کل احتجاجی مقام کا دورہ کیا اور تمام مطالبات کو بغور سنا۔
انہوں نے انہیں یقین دلایا کہ سڑکوں، نالوں، پارکنگ، صفائی وغیرہ کے مطالبات کو جلد از جلد پورا کیا جائے گا۔ وہ ان مطالبات کے حوالے سے متعلقہ محکموں سے بات کریں گے اور ان پر جلد از جلد کارروائی کی جائے گی۔نگر سنگھرش سمیتی کے صدر امتیاز انیس عرف لڈو نے کہا کہ ہم شہر کے بنیادی مسائل کے حل کے لیے گزشتہ چھ دنوں سے احتجاجی دھرنا دے رہے ہیں، آج ایس ڈی ایم نے ہمارے مطالبات سنے اور کارروائی کی یقین دہانی کراتے ہوئے ہمیں احتجاج ختم کرنے پر زور دیا۔ ان کی یقین دہانی کے بعد ہم احتجاج کو معطل کر رہے ہیں۔
سیکرٹری ودود عالم نے کہا کہ ہم ایس ڈی ایم کی یقین دہانی پر احتجاج کو فی الوقت معطل کر رہے ہیں، اگر بروقت حل نہ ہوا تو ہم دوبارہ احتجاج پر مجبور ہوں گے۔ اس احتجاجی مظاہرہ میں رضی انور، سبیاساچی سین، ثاقب رضا، قاصف عمر، ابھیشیک کمار، راشد مشتاق رومی، منا یادو، اجے کمار، ولی اللہ واصل، کویتا، رینا دیوی، مسکان، نفیس عالم، ساجد اقبال، عاقب عمر، راہبہ اور دیگر شامل تھے۔

متعلقہ خبریں