تازہ ترین
میٹا کو یوتھ کانگریس کی سات دن کی مہلت، اکاؤنٹس پر پابندی کے معاملے میں جواب طلبایس کے پوری میموریل بین الاقوامی موٹ کورٹ مقابلے میں 57 ٹیمیں شریکصدیوں سے علم و حکمت کا سرچشمہ رہا ہےہندوستان: پروفیسر مظہر آصفکملا نہرو کالج میں وندے ماترم اکیڈمک بلڈنگ کاافتتاح:ریکھا گپتامتنازع شعر عمران پرتاپ گڑھی کی نظم میں شامل ہی نہیں : تابش پٹیل، بغیر تحقیق کے فتویٰ نما بیان دینا افسوسناک، سجادہ نشیں عوامی طور پر مانگیں معافیگیاجی:ریلوے ٹریک سے نوجوان کی لاش برآمد، عوام نے کیا سڑک جاممدر انٹرنیشنل اکیڈمی میں انور احمد میموریل بین مدارس والی بال ٹورنامنٹ کا شاندار انعقادنشے کا کاروبار کرنے والی خاتون سمیت 4 ملزم گرفتار، نانوتہ پولیس نے 655 گرام اسمیک اور چار موبائل فون کیےبرآمد ، پولیس کے مطابق بین الاقوامی بازار میں قیمت تقریباً ایک کروڑ 31 لاکھ روپےضبط شدہ سامان کی قیمت
دلی این سی آر

میٹا کو یوتھ کانگریس کی سات دن کی مہلت، اکاؤنٹس پر پابندی کے معاملے میں جواب طلب

نئی دہلی: انڈین یوتھ کانگریس نے سوشل میڈیا پلیٹ فارم میٹا کو سات دن کی مہلت دیتے ہوئے ہندوستانی سوشل میڈیا اکاؤنٹس پر مبینہ من مانی پابندیاں عائد کرنے اور پوسٹس بلاک کیے جانے کے معاملات پر جواب طلب کیا ہے۔تنظیم نے خبردار کیا ہے کہ اگر میٹا نے سات دن کے اندر اس کے مطالبات کا جواب نہیں دیا تو ڈیجیٹل اظہار رائے کی آزادی کی لڑائی عدالتوں سے لے کر سڑکوں تک لڑی جائے گی۔یوتھ کانگریس نے یہ انتباہ حیدرآباد، گروگرام اور ممبئی میں میٹا کے دفاتر کے باہر احتجاجی مظاہروں کے بعد دیا ہے۔ تنظیم نے چار اہم مطالبات پیش کرتے ہوئے کہا کہ میٹا گزشتہ چھ ماہ کے دوران حکومت کے حکم پر پابندی کا سامنا کرنے والے ہندوستانی سوشل میڈیا اکاؤنٹس کی تعداد اور اب تک عائد کی گئی پابندیوں کی مکمل تفصیلات عام کرے۔ تنظیم نے یہ سوال بھی اٹھایا کہ کانگریس رہنما راہل گاندھی کا ذکر کرنے والی یا وزیر اعظم نریندر مودی اور بھارتیہ جنتا پارٹی (بی جے پی) حکومت پر تنقید کرنے والی پوسٹس کو مبینہ طور پر خودکار طریقے سے کیوں بلاک کیا جا رہا ہے۔ تنظیم نے اپوزیشن رہنماؤں، صحافیوں اور مواد تخلیق کرنے والوں کی آواز پر عائد تمام غیر قانونی پابندیاں فوری طور پر ہٹانے کا مطالبہ کیا۔ اس کے ساتھ ہی میٹا سے ہندوستان کے آئین کا احترام کرنے اور کسی سیاسی جماعت کی ہدایات کے بجائے آئینی اقدار کے مطابق کام کرنے کو کہا۔
یوتھ کانگریس نے کہا کہ اس کی ڈیجیٹل آزادی مہم کے تحت گزشتہ کئی ماہ سے من مانی پابندیوں کا سامنا کرنے والے مواد تخلیق کاروں، سوشل میڈیا انفلوئنسرز اور آزاد صحافیوں کو قانونی مدد فراہم کی جا رہی ہے۔ تنظیم کا الزام ہے کہ بغیر پیشگی اطلاع اور وجہ بتائے سوشل میڈیا اکاؤنٹس پر پابندیاں عائد کی جا رہی ہیں اور لوگوں کی آواز دبائی جا رہی ہے۔یوتھ کانگریس نے کہا کہ کسی بھی کارپوریٹ کمپنی کو یہ طے کرنے کا حق نہیں ہے کہ ہندوستان کے کس شہری کو اپنی بات رکھنے کا حق حاصل ہوگا اور کس کو نہیں۔ تنظیم نے خبردار کیا کہ اگر میٹا کو ہندوستان میں کاروبار کرنا ہے تو اسے ہندوستانی آئین اور اظہار رائے کی آزادی کا احترام کرنا ہوگا۔ یوتھ کانگریس نے کہا کہ اس کے دلوں میں گاندھی کے اصول اور رگوں میں بھگت سنگھ کا حوصلہ ہے اور وہ ہر ہندوستانی کی ڈیجیٹل آواز کے تحفظ کے لیے اپنی جدوجہد جاری رکھے گی۔

متعلقہ خبریں