سینی برادری اسمبلی انتخابات میں بی جے پی سے لے گی اپنی بے عزتی کا بدلہ: رام کشن سینی

(پی این این)
دیوبند: ایس پی پسماندہ طبقے سیل کے ضلع صدر رام کشن سینی ایڈوکیٹ نے کہا کہ بی جے پی حکومت میں سینی برادری کو سب سے زیادہ ظلم کا سامنا کرنا پڑا ہے اور سینی برادری کے ارکان کے خلاف درج مقدمات اس کا ثبوت ہیں۔
جمعرات کو مقامی دفتر میں منعقدہ میٹنگ میں رام کشن سینی نے کہا کہ بی جے پی حکومت کے تحت سینی برادری کے لوگوں کے خلاف جھوٹے مقدمات درج کرکے فوجیوں اور بچوں کا مستقبل تباہ کر دیا گیا ہے۔ بی جے پی کے کسی عوامی نمائندے نے سینی برادری کی مدد نہیں کی۔
جبکہ سینی برادری نے ایک ایک ووٹ بھارتیہ جنتا پارٹی کو دیا تھا۔ انہوں نے کہا کہ سینی برادری 2027 کے اسمبلی انتخابات میں اپنے ووٹ کی طاقت سے اپنی توہین کا بدلہ لے گی۔ میٹنگ میں رمیش سینی، بھوپال سینی، کیہر سنگھ سینی، جیا لال سینی، مہندر سینی، اوم پرکاش سینی، جوگندر وغیرہ موجود تھے۔