(پی این این)
حاجی پور:پورے بہار کے اردو بنگلہ ٹی ای ٹی امیدواروں کی ایک ہنگامی میٹنگ پٹنہ شہر واقع گاندھی میدان میں ہوئی۔ جس میں پورے بہار کے امیدوار کثیر تعداد میں شریک ہوئے تمام امیدواروں نے یہ فیصلہ لیا کہ سپریم کورٹ اور ہائی کورٹ میں ایک مقدمہ دائر کیا جائے کیونکہ سپریم کورٹ کے مختلف فیصلوں میں غلط سوالوں کا نمبر دینے کا حکم دیا گیا ہے ایسے ہی ہائی کورٹ کے مختلف فیصلوں میں غلط سوالوں کا نمبر دینے کا حکم دیا گیا ہے۔
یونین کے ریاستی صدر مفتی حسن رضا امجدی نے کہا کہ سپریم کورٹ اور ہائی کورٹ کے وہ تمام فیصلے جس میں غلط سوالوں کا نمبر دینے کا حکم ہے وہ سارے فیصلے ہمارے پاس موجود ہیں ابھی جو سپریم کورٹ اور ہائی کورٹ کا فیصلہ اردو اساتذہ کے لیے آیا ہے ہم اسی کو بنیاد بناتے ہوئے سپریم کورٹ جائیں گے کیونکہ پورے بہار میں 12 ہزار اردو ٹی ای ٹی امیدواروں سے زیادہ کوئی مظلوم نہیں ہے حکومت نے لیگل اوپینین لیے لیا جو امیدواروں کے حق میں آیا محکمہ تعلیم نے رزلٹ جاری کرنے کے لیے لیٹر جاری کیا۔ پھر بھی 10 سالوں سے اردو ٹی ای ٹی کا رزلٹ جاری نہیں ہوا درجنوں بار سابق وزیر اعلی نتیش کمار نے یقین دلایا پھر بھی آج تک ہم انصاف کے ہی انتظار میں بیٹھے ہیں اردو بنگلہ ٹی ای ٹی سنگھ کے ریاستی صدر مفتی حسن رضا امجدی نے یہ بھی کہا کہ اب لڑائی کرو یا مرو کی ہوگی ۔
روڈ اور کورٹ دونوں سے لڑائی لڑیں گے ہمارا مطالبہ ہے کہ حکومت ایس ٹی ای ٹی کے طرز پر اردو ٹی ای ٹی کا رزلٹ جاری کرے میٹنگ میں مولانا حشم الدین ، انعام الحق ، شبانہ اظمی ، غزالہ پروین ، عادل حسین ،امن ایوبی ، امتیاز عالم ، محمد ریاض الدین ،زینت پروین عنایت اللہ سہراب وغیرہ موجود تھے۔
