(پی این این)
چھپرہ :انٹرمیڈیٹ امتحان میں اول درجہ سے پاس ہونے والی ضلع کی کل ایک ہزار 346 مسلم طالبات کو وزیر اعلیٰ اقلیتی حوصلہ افزائی منصوبہ کے تحت 15-15 ہزار روپے فراہم کئے جائیں گے۔مذکورہ اطلاع ضلع اقلیت فلاح آفیسر روی پرکاش نے دیا۔
انہوں نے بتایا کہ حکومت بہار کی طرف سے سال 2025 کے لیے رقم ضلع کو فراہم کرا دی گئی ہے۔وہیں فرسٹ ڈویژن سے پاس ہونے والی طالبات کی فہرست بہار اسکول ایگزامینشن بورڈ پٹنہ کی جانب سے دستیاب ہو چکی ہے۔مذکورہ فہرست کے حوالے سے متعلقہ تعلیمی اداروں کو خط لکھا گیا ہے کہ وہ طالبات کے والدین کا اعلانیہ سرٹیفکیٹ پر کرا کر دفتر کو حاصل کرائیں۔وہیں منتخب طالبات کو انٹر میڈیٹ کی مارک شیٹ،ایڈمٹ کارڈ،سرٹیفکیٹ،آدھار سے لنک بینک پاس بک کے علاوہ اپ ٹو ڈیٹ رہائش سند کی کاپی متعلقہ اسکول کے پرنسپل کے معرفت ضلع اقلیتی فلاح کے دفتر میں جمع کرانا ہے۔
انہوں نے بتایا کہ حوصلہ افزائی رقم مسلم طلبات کو اعلیٰ تعلیم حاصل کرنے کے لیے دی جاتی ہے۔اس کے تحت حکومت کی طرف سے 15 ہزار روپے سی ایم ایف کے ذریعے فی طالبہ کے اکاؤنٹ میں بھیجے جائیں گے۔انہوں نے طالبات اور ان کے والدین سے کہا ہے کہ طالبات اپنے بینک اکاؤنٹ کو آدھار کارڈ سے لنک کرانے کے بعد ہی جمع کرائیں۔بصورت دیگر اکاؤنٹ میں رقم نہیں بھیجی جا سکے گی۔ڈی ایم ڈبلو او مسٹر پرکاش نے کہا کہ طالبات اور ان کے گارجین کو پریشانی سے بچانے کے لیے ضلع اقلیت فلاح دفتر میں کاونٹر کھولا گیا ہے۔جہاں طالبات یا گارجین براہ راست اپنے کاغذات جمع کرا سکتے ہیں۔
سارن کے ایک ہزار 346 انٹر پاس اقلیتی طالبات کو ملیں گے 15 ہزار روپے
متعلقہ خبریں
