تازہ ترین
مدارسِ اسلامیہ کو تحفظ نہیں مزید ترقی کی ضرورت، جامعہ رحمانی خانقاہ مونگیر کا سالانہ اجلاس و سالانہ دعا کامیابی کے ساتھ اختتام پذیر، بارش کے باوجود ہزاروں عقیدت مندوں کی شرکتنتیش کمار کی دور حکومت کی کامیابیاں جے ڈی یو کا سب سے بڑا اثاثہ، جنتادل یو کے لیڈرمنا مشتاق نے بہار کے گورنر سے کی ملاقات،علاقائی مسائل سے کیا آگاہ،سیدعطا حسنین نے مسائل پر ہمدردی سے غور کرنے اور ان کے حل کے لئے پہل کرنے کی کرائی یقین دہانیارریہ: 42 یتیم بچوں میں تقسیم کئے گئے اسکالرشپ کے چیک، کیرئیر کاؤنسلنگ اور مفت ہیلتھ چیک اپ کیمپ کا بھی کیا گیا انعقادملائم سنگھ نے ہمیشہ لڑی پسماندہ طبقات کی لڑائی، یوم پیدائش کے موقع پر نیتاجی کو سماجوادی پارٹی کارکنان نے پیش کیا خراج عقیدتنامعلوم لنک پرنہ کریں کلک ، ذاتی معلومات انٹرنیٹ پر نہ کریںشیئر ،ئبر کرائم کے بارے میں بیداری پیدا کرنے کے لیے میپلس اکیڈمی میں سیمینار کا انعقادجل بورڈ کی قیمتی زمین فروخت کرنا چاہتی ہے دہلی حکومت:بھاردواجہندوستان میں غربت اور مساوات کی پیمائش: ورلڈ بینک کی رپورٹ پرآئی او ایس میںمباحثہدہلی کی ہوامزیدہو رہی ہے زہریلی
اتر پردیش

زمین پرناجائزقبضہ کرنے والوں کوبھیجو جیل، جنتادربار میں اراضی پر قبضے کی شکایت پر وزیر اعلیٰ یوگی آدتیہ ناتھ کا حکم

(پی این این)
گورکھپور: وزیر اعلیٰ یوگی آدتیہ ناتھ نے پیر کے روز گورکھپور میں جنتادربار کے دوران لوگوں کی شکایات سنیں اور متعلقہ حکام کو ان کے بروقت ازالے کی ہدایت دی۔ گورکھ ناتھ مندر احاطے میں منعقدہ اس پروگرام میں وزیر اعلیٰ نے تقریباً 200 افراد کے مسائل سنے۔ انہوں نے کرسیوں پر بیٹھے فریادیوں کے پاس پہنچ کر ان کی شکایات سنیں اور ان کے حل کی یقین دہانی کرائی۔
اس موقع پر موجود افسران کو ہدایت دیتے ہوئے انہوں نے کہا کہ ہر متاثرہ شخص کی شکایت پر حساسیت کے ساتھ توجہ دی جائے اور اس کا مقررہ مدت کے اندر شفاف طریقے سے ازالہ یقینی بنایا جائے۔ زمین پر ناجائز قبضے کی شکایات پر وزیر اعلیٰ نے افسران کو ہدایت دی کہ اراضی مافیا کو جیل بھیجا جائے۔ ساتھ ہی انہوں نے کہا کہ زمین کو ناجائز قبضے سے آزاد کرانے کے علاوہ زبردستی قبضہ کرنے والوں کو قانونی سبق بھی سکھایا جائے۔ اس معاملے میں کسی بھی طرح کی لاپروائی برداشت نہیں کی جائے گی۔اس سے قبل ایک تقریب سے خطاب کرتے ہوئے وزیر اعلیٰ یوگی آدتیہ ناتھ نے سماج وادی پارٹی پر مافیا اور زمینوں پر ناجائز قبضہ کرنے والوں کو سرپرستی فراہم کرنے کا الزام عائد کیا۔ انہوں نے کہا کہ سماج وادی پارٹی کی روش غریبوں اور تاجروں کی زمینوں پر قبضہ کرنے کی رہی ہے۔ پارٹی کے لوگوں کی فطرت اب بھی نہیں بدلی ہے اور جب بھی انہیں موقع ملتا ہے، وہ زمینوں پر قبضہ کرنے نکل پڑتے ہیں۔ وزیر اعلیٰ اتوار کے روز بچھیا پل کے قریب 495 کروڑ روپے کی لاگت سے تعمیر ہونے والے گوڑ دھوئیا نالہ فیز-1 منصوبے کے افتتاح اور 880 کروڑ روپے کے فیز-2 اور سیوریج منصوبوں کے سنگِ بنیاد کی تقریب سے خطاب کر رہے تھے۔
سماج وادی پارٹی کی حکومت پر تنقید کرتے ہوئے وزیر اعلیٰ نے کہا کہ دس سال قبل گورکھپور میں ہر طرف ٹریفک جام، گندگی، پانی جمع ہونے اور مافیا کا خوف طاری تھا۔ جیل بائی پاس روڈ پر ایک معزز خاندان نے مافیا کے خوف سے راتوں رات اپنی دونوں حویلیاں خود ہی منہدم کردی تھیں، تاکہ کم از کم زمین ان کے قبضے میں محفوظ رہ سکے۔ اسی طرح آریہ نگر میں بھی ایک مافیا نے ایک معزز خاندان کی حویلی پر قبضہ کرنے کی کوشش کی تھی۔ اس وقت وہ رکن پارلیمنٹ کی حیثیت سے خود موقع پر پہنچے تھے۔
یوگی آدتیہ ناتھ نے کہا کہ آج کسی غریب، تاجر یا معزز شہری کی جائیداد پر قبضہ کرنے سے پہلے مجرموں کو دس بار سوچنا پڑے گا۔ 2017 سے قبل بیٹیاں غیر محفوظ تھیں اور تاجر خوف کے ماحول میں کاروبار کرنے پر مجبور تھے۔ امن و امان کی ناقص صورتحال کے باعث سرمایہ کاری بھی نہیں آتی تھی۔ حکومت نے جرائم پیشہ عناصر کے خلاف زیرو ٹالرنس کی پالیسی اختیار کی ہے۔ انہوں نے سخت لہجے میں کہا کہ بیٹیوں کے ساتھ چھیڑ چھاڑ کرنے یا نوجوانوں کی زندگی سے کھلواڑ کرنے والوں کو جیل یا جہنم میں سے ایک راستہ چننا ہوگا۔

متعلقہ خبریں