کینڈا میں بیف بنانے سے روکنے پر ہندو عورت گرفتار،جبراً گھر میں گھسنے ، بیف پھینکنے کا کرایہ دار نے لگایا الزام

اوٹاوا:کینڈا میں بیف بنانے سے روکنے کولیکر ایک ہند نژاد ہندو مکان مالکن اور کرایہ دار کے درمیان تنازعہ ہوگیا، کرایہ دار کا الزام ہے کہ مکان مالکن نے اس کا بیف پھینک دیا ۔
یہ ہندو عورت اس کی اجازت کے بغیر گھر میں گھسی اور ہنگامہ کیا۔ تنازعہ بڑھنے کے بعد پولیس نے ہند نژاد عورت کو گرفتار کرلیا ہے۔ اس معاملے کے بہت سارے ویڈیوز وائرل ہورہے ہیں جس میں یہ عورت ہنگامہ مچا رہی ہے۔ اور گئو ماتا کی دہائی دے رہی ہے۔ کرایہ دار نے بتایا کہ وہ اپنے ایک دوست کے ساتھ کھانا بنا رہا تھا۔ اسی دوران مکان مالکن وہاں پہنچ گئی اور ہنگامہ کرنے لگی۔ کرایہ دار نے ویڈیو شیئر کئے ہیں جس میں وہ عورت ہنگامہ کرتے ہوئے دیکھی جارہی ہے۔
کرایہ دار نے اس سے کہا کہ آپ چلی جائیں لیکن وہ جانے کو تیار نہیں ہوئی اور سارا کھانا پھینک دیا ، کرایہ دار کے دوست نے پورے معاملے کو ریکارڈ کرلیا اور پولیس کو دے دیا۔ جس کے پولیس نے عورت کو گرفتار کرلیا ہے۔
ویڈیو میں مکان مالکن یہ کہتے ہوئے سنائی دے رہی ہے کہ وہ اپنے مکان پر بیف بنانے کی اجازت نہیں دے سکتی۔ اس کے بعد راج دیوان نے پولیس بلانے کی بات کہی۔
مکان مالکن کے کئی ویڈیو وائرل ہورہے ہیں ایک ویڈیو میں کرایہ دار اور مکان مالکن کے درمیان دھکا مکی ہورہی ہے۔ اور وہ کھانے پھینک رہی ہے۔ بہرحال پولیس نے مکان مالکن کو حراست میں لے لیا ہے۔