تازہ ترین
دبستانِ اہلِ قلم کے تحت عالمی یوم اردو پر شعری نشست کا انعقاددیوالی کی آتش بازی سے آب وہوا زہریلیعلم و فن کی شخصیت پروفیسر احسان شام کو چہلم پر کیا گیا یادعلامہ اقبال کے یومِ پیدائش پر اردو کی تہذیبی وراثت کے تحفظ کا عزمنافذ وقت پر کام مکمل نہ کرنے پر اہلکاروںپرکیا جائے گا جرمانہدیوالی کی رات آگ کاٹانڈو ، 257 ہنگامی کالیں ہوئیں موصولگروگرام کے دو دفاتر کے خلاف کارروائیایم ایل سی انتخابی نتائج پر جے ڈی یو میں کشمکش، منعقدہ جائزہ میٹنگ میں جے ڈی یوکی تمام ناراض لیڈران کو منانے اوراسے مطمئن کرکے معاملے کو ٹھنڈا کرنے کی کوشش
Bihar

جینیس اکیڈمی فار بس گنج میں ندا فاضلی کی ادبی خدمات کا اعتراف ،پرنسپل نوشاد عالم کوملی ان کی شاعری کی شاندار سوغات

(پی این این)
فاربس گنج:مشہور شاعر ندا فاضلی کی یومِ پیدائش پر جینیس اکیڈمی، کے پرنسپل نوشاد انصاری کو سماج سیوی ونود کمار تواری نے شاعر حشمت صدیقی کی لکھی اردو شاعری کی کتاب ” انداز ِ گفتگو ” پیش کی ۔ اس موقعے پر ادب ،تعلیم اور سماج سیوا سے جڑے لوگوں نے ندا فاضلی کی ادبی صلاحیتوں کو یادکیا ۔
پرنسپل نوشاد انصاری نے کہا کہ مشہور اردو اور ہندی کے شاعر ندا فاضلی کی پیدائش 12 اکتوبر 1938 کو دلی میں ہوئی تھی۔۔ انکا اصل نام مقتدا حسین تھا۔ انہوں نے اپنی شاعری کے ذریعہ عام آدمی کی زندگی کی جنگ۔ سماجی سروکار کو بہترین ڈھنگ سے پیش کیا۔
انہوں نے ندا فاضلی کا مشہور شعر’’ کبھی کسی کو مکمل جہاں نہیں ملتا ‘‘ سناتے ہوئے کہا کہ یہ لائن زندگی کی سچائیوں اور ادھورے پن کو بے حد سہل اور المناک طریقے سے سامنے رکھتی ہے۔ سماج سیوی ونود کمار تواری نے کہا کہ ندا فاضلی کی شاعری آج بھی لوگوں کو سنگھرش کرتے ہوئے آگے بڑھنے کی پریرنا دیتی ہے۔ اس موقعے پر اردو ادیب جناب ہرش نارائن داس، اسکول کے ٹیچر سنّی امام ، عنش رضوان ، عمر فاروق اور مولانا مجیب کے علاوہ دگر معلم و معلمات موجود رہیں۔

متعلقہ خبریں