تازہ ترین
مدارسِ اسلامیہ کو تحفظ نہیں مزید ترقی کی ضرورت، جامعہ رحمانی خانقاہ مونگیر کا سالانہ اجلاس و سالانہ دعا کامیابی کے ساتھ اختتام پذیر، بارش کے باوجود ہزاروں عقیدت مندوں کی شرکتنتیش کمار کی دور حکومت کی کامیابیاں جے ڈی یو کا سب سے بڑا اثاثہ، جنتادل یو کے لیڈرمنا مشتاق نے بہار کے گورنر سے کی ملاقات،علاقائی مسائل سے کیا آگاہ،سیدعطا حسنین نے مسائل پر ہمدردی سے غور کرنے اور ان کے حل کے لئے پہل کرنے کی کرائی یقین دہانیارریہ: 42 یتیم بچوں میں تقسیم کئے گئے اسکالرشپ کے چیک، کیرئیر کاؤنسلنگ اور مفت ہیلتھ چیک اپ کیمپ کا بھی کیا گیا انعقادملائم سنگھ نے ہمیشہ لڑی پسماندہ طبقات کی لڑائی، یوم پیدائش کے موقع پر نیتاجی کو سماجوادی پارٹی کارکنان نے پیش کیا خراج عقیدتنامعلوم لنک پرنہ کریں کلک ، ذاتی معلومات انٹرنیٹ پر نہ کریںشیئر ،ئبر کرائم کے بارے میں بیداری پیدا کرنے کے لیے میپلس اکیڈمی میں سیمینار کا انعقادجل بورڈ کی قیمتی زمین فروخت کرنا چاہتی ہے دہلی حکومت:بھاردواجہندوستان میں غربت اور مساوات کی پیمائش: ورلڈ بینک کی رپورٹ پرآئی او ایس میںمباحثہدہلی کی ہوامزیدہو رہی ہے زہریلی
دلی این سی آر

جدید زندگی میں یوگا، صحت مند ذہن اور جسم کی بنیاد: کمشنرکیندریہ ودیالیہ سنگٹھن

نئی دہلی: پی ایم شری کیندریہ ودیالیہ اینڈریوز گنج میں 21 جون 2026 کو 12ویں بین الاقوامی یوگا ڈے کا شاندار انعقاد کیا گیا۔ اس سال یوگا ڈے کا موضوع ’’صحت مند بڑھاپے کے لیے یوگا‘‘ تھا۔ اس خصوصی پروگرام کا آغاز صبح 7 بجے مقدس منتروں کی گونج کے درمیان چراغ روشن کرکے کیا گیا۔اس سال کے یوگا اُتسو میں کیندریہ ودیالیہ سنگٹھن (KVS) ہیڈکوارٹر کے متعدد سینئر افسران نے خصوصی شرکت کی۔ پروگرام میں مہمانِ خصوصی کے طور پر کمشنر کیندریہ ودیالیہ سنگٹھن، وکاس گپتا (IAS) شریک ہوئے۔ ان کے ساتھ دونوں ایڈیشنل کمشنر، دیپیش گہلوت (ISS) اور چندنا منڈل بھی موجود رہیں۔ اس کے علاوہ KVS ہیڈکوارٹر کے جوائنٹ کمشنر ستیہ نارائن گولیا، سومت شریواستو، نگیندر گوئل، نیلم اور او ایس ڈی ڈیفنس کرنل دنیش شرما نے بھی اس تقریب میں شرکت کی۔اس شاندار پروگرام میں کیندریہ ودیالیہ دہلی سمبھاغ کے ڈپٹی کمشنر ورون متر اور اسسٹنٹ کمشنر گھنشیم پانڈے نے بھی باوقار موجودگی درج کرائی۔ ڈپٹی کمشنر ورون متر نے اپنے استقبالیہ خطاب میں یوگا کی اہمیت پر روشنی ڈالتے ہوئے تمام معزز مہمانوں کا خیرمقدم کیا اور روزانہ یوگا کی مشق اپنانے پر زور دیا۔اس موقع پر طلبہ، اساتذہ اور تمام معزز مہمانوں نے اجتماعی طور پر مختلف یوگا آسنوں اور پرانایام کی مشق کی۔ یوگا سیشن کے اختتام پر گونجنے والی ’’اوم شانتی‘‘ کی صدا نے ہر دل میں سکون اور طمانیت پیدا کر دی۔کمشنر نے اب تک منائے گئے بارہ یوگا ڈے کے نعروں کو انسانی زندگی سے جوڑتے ہوئے ’’یوگ: کرمسو کوشلم‘‘ اور ’’یوگا کے ذریعے چِتّ کی بے چینیوں پر قابو‘‘ جیسے گہرے پیغامات کے ذریعے جدید دور میں مکمل صحت کے لیے یوگا کی بڑھتی ہوئی اہمیت کو اجاگر کیا۔اسکول کے فعال پرنسپل وویک یادو نے تمام معزز مہمانوں کا شکریہ ادا کرتے ہوئے پروگرام کو کامیاب بنانے میں اساتذہ اور طلبہ کے تعاون کو سراہا۔ اس پروگرام کا بنیادی مقصد طلبہ اور معاشرے میں یوگا کے ذریعے صحت کے تئیں بیداری پیدا کرنا تھا۔ پروگرام کا اختتام سب کی بہترین صحت اور خوش حالی کی دعا کے ساتھ ہوا

 

متعلقہ خبریں

اپنی رائے دیں

آپ کا ای میل شائع نہیں کیا جائے گا۔