واشنگٹن:ذہبی نفرت کی آگ امریکہ میں بھی پھیل گئی ہے۔ امریکہ کی اسلامک سینٹر آف سان ڈیاگو میں آج زبردست گولہ باری کی گئی۔ اسلامک سینٹر کی یہ سب سے بڑی مسجد ہے، جہاں بچوں کو عربی تعلیم کے ساتھ دین کی تعلیم بھی دی جاتی ہے۔ جس وقت حملہ ہوا بچے مسجد میں موجود تھے۔
بتایا جاتا ہے کہ امریکا کی ریاست کیلیفورنیا کے شہر سان ڈیاگو میں قائم بڑے اسلامی مرکز میں ہونے والی خوفناک فائرنگ نے علاقے میں خوف و ہراس پھیلا دیا جہاں حملے کے نتیجے میں سیکیورٹی گارڈ سمیت 3 افراد جان سے گئے جبکہ دو مبینہ حملہ آور بھی ہلاک ہو گئے۔امریکی حکام کے مطابق واقعہ سان ڈیاگو کے معروف اسلامک سینٹر میں پیش آیا، جہاں اچانک فائرنگ کی آوازیں گونج اٹھیں۔
اس دوران مسجد میں موجود نمازیوں اور بچوں میں بھگدڑ مچ گئی، جبکہ سیکیورٹی پر مامور گارڈ نے حملہ آوروں کو روکنے کی کوشش کرتے ہوئے جان قربان کر دی۔
پولیس کا کہنا ہے کہ حملے میں متعدد افراد زخمی بھی ہوئے جنہیں فوری طور پر قریبی اسپتال منتقل کیا گیا۔واقعے کے بعد پولیس، ایف بی آئی اور دیگر قانون نافذ کرنے والے اداروں نے علاقے کو گھیرے میں لے کر سرچ آپریشن کیا۔سان ڈیاگو پولیس چیف کے مطابق ابتدائی تحقیقات سے شبہ ظاہر کیا جا رہا ہے کہ واقعہ نفرت انگیزی پر مبنی حملہ ہو سکتا ہے۔
حکام نے بتایا کہ دونوں مشتبہ حملہ آور کم عمر تھے اور ان کی لاشیں مسجد کے قریب ایک گاڑی سے ملی ہیں۔اسلامک سینٹر انتظامیہ کے مطابق یہ مسجد سان ڈیاگو کاؤنٹی کا سب سے بڑا اسلامی مرکز ہے جہاں روزانہ سینکڑوں افراد عبادت کے لیے آتے ہیں جبکہ جمعہ اور مذہبی تقریبات کے دوران ہزاروں افراد یہاں موجود ہوتے ہیں۔اسی مرکز میں دینی و تعلیمی سرگرمیاں بھی جاری رہتی ہیں اور الراشد اسکول بھی قائم ہے۔
مسجد کے امام طحہٰ حسنیٰ نے میڈیا سے گفتگو کرتے ہوئے کہا کہ حملے کے باوجود بچوں کو محفوظ مقام پر منتقل کر دیا گیا تھا جس سے بڑا سانحہ ٹل گیا۔ انہوں نے سیکیورٹی گارڈ کی قربانی کو بہادری کی مثال قرار دیا۔

دوحہ۔آبنائے ہرمز کے بند ہوجانے سے قطر کی پوری گیس سپلائی متاثر ہوئی ہے۔ قطر سے گیس لے جانے کا واحد راستہ آبنائے ہرمز ہے۔ اس سے ہر سال اربوں ڈالر کی کمائی ہوتی ہے۔ جس کی وجہ سے وہ صرف 30 سال میں دنیا کے سب امیر ملکوں میں شامل ہوگیا۔ لیکن جنگ شروع ہونے کے بعد حالات بدل گئے ہیں۔ ہرمز کے بند ہونے سے قدرتی گیس جو دنیا بھر میں بھیجتا تھا اس کی پلائی پوری طرح ٹھپ ہوگئی ہے۔ نیویارک ٹائمز کے مطابق اس کے اقتصادیات پر آٹھ فیصد کی کمی آگئی ہے۔ غورطلب ہے کہ قطر سے سپلائی بند ہونے کے بعد ہندوستان پر بھی اس نے زبردست اثر ڈالا جس سے ملک میں مندی کا سایہ ہے۔ ہندوستان قطر سے بڑے مقدار میں گیس خریدتا ہے۔ ہندوستان کی کل ایل این جی ایکسپورٹ تقریبا چالیس سے 47 فیصد قطر سے آتا ہے۔ لیکن ایران نے قطر کو بین کررکھا ہے اور اسے امریکہ کا دوست سمجھتا ہے۔ایران کا دعویٰ ہے کہ قطر سے ایران پر حملے کئے جارہے ہیں۔

تہران۔ایران جنگ کے درمیان آبنائے ہرمز میں گجرات کا ایک اور مال بردار بحری جہاز غرقاب ہوگیا ہے۔اس سے قبل 7 مئی کو آبنائے ہرمز سے گزرنے والے گجرات کے ایک اور مال بردار جہاز ایم ایس وی اے ایل فیض نورسلیمانی بھی امریکہ ایران ٹکراوکے دوران فائرنگ کا شکار ہوگیا تھا اور اسے شدید نقصان پہنچا تھا۔
حاجی علی نام کے اس مال بردار جہاز 13مئی کی صبح بحری خطے سے گزر رہا تھا، تبھی ا س پر کوئی ڈرون یا میزائل آگرا اور وہ غرقاب ہونے لگا۔ حادثے کے بعد جہاز میں آگ لگ گئی ۔
فوری طور پر عمان کے کوسٹ گارڈن نے گجرات جہاز کے 14 ممبران کو بچا لیا۔ گجرات کے دوارکا کے رہنے والے جہاز مالک سلطان احمد انصار کے مطابق ایم ایس وی حاجی علی جہاز بیراپورٹ سے شارجہ جارہا تھا۔ صبح تقریبا 3 بج کر 30 منٹ پر عمان کے ساحلی علاقے میں جہاز حادثے کا شکار ہوگیا۔
کروممبرس نے بتایا کہ جہاز پر کسی میزائل یا ڈرون جیسے ٹکر کی آواز سنائی دی۔ جس کے بعد جہاز میں آگ لگ گئی۔ حالات کو بگڑتے دیکھ کر تمام 14 کرو ممبرس لائیوبوٹ کی مدد سے جہاز کو چھوڑ دیا۔ یہ میزائل یا ڈرون کس نے بھیجا اس پر کو ئی تصدیق نہیں ہوئی۔ عام طور پر ایران پر شبہ کیا جارہا ہے۔ کیونکہ آبنائے ہرمز میں آمدورفت پر پابندی ہے۔
ادھر ایران بڑی تیز ی سے تعمیراتی کام شروع کرچکا ہے۔ راجدھانی تہران میں 80 فیصد تباہ علاقوں میں مرمت کا کام پورا ہوگیا ہے۔ غورطلب ہے کہ جنگ میں 60 ہزار سے زائد رہائشی عمارتیں متاثر ہوئی تھیں۔