اتر پردیش
اے ایم یو میں آرٹ کا رنگا رنگ میلہ منعقد
(پی این این)
علی گڑھ: علی گڑھ مسلم یونیورسٹی (اے ایم یو) کے شعبہ فائن آرٹس کی جانب سے ایک روزہ اوپن ایئر آرٹ نمائش اورپینٹنگ ڈسپلے کا اہتمام کیا گیا، جس میں ماسٹر آف ویژول آرٹس (ایم وی اے) کے فرسٹ سیمسٹر کے طلبہ و طالبات کے فن پاروں کو پیش کیا گیا۔ فائن آرٹس شعبہ کے احاطے میں منعقدہ اس نمائش میں طلبہ، اساتذہ اور آرٹ کے شائقین نے بھرپور شرکت کی۔
اوپن کورٹ یارڈ میں سجائی گئی اس نمائش میں اسکیچز، مکسڈ میڈیا کمپوزیشنز، تجریدی آرٹ، لینڈ اسکیپ اسٹڈیز، پورٹریٹس اور مختلف عصری سماجی و ثقافتی موضوعات پر مبنی تخلیقی پینٹنگز شامل تھیں۔ یہ نمائش نوجوان فنکاروں کے ارتقائی اسلوب، تکنیکی مہارتوں اور بصری اظہار کے نئے و تخلیقی طریقوں کی جھلک پیش کر رہی تھی۔
تقریب کا افتتاح شعبہ فائن آرٹس کے چیئرمین ڈاکٹر عابد ہادی نے کیا۔ انہوں نے طلبہ کی محنت، لگن اور ان کے تخلیقی نقطہ نظر کی تعریف کی۔ انہوں نے تجرباتی فنون کے ذریعے سیکھنے کی اہمیت پر زور دیتے ہوئے نو آموز فنکاروں کو آرٹ کی نئی جہتوں کو تلاش کرنے کی ترغیب دی۔
فیکلٹی آف آرٹس کے ڈین پروفیسر ٹی این ستھیسن نے بھی نمائش کا دورہ کیا۔ انہوں نے فن پاروں کے معیار کو سراہا اور تخلیقی ماحول کو فروغ دینے میں شعبے کی مستقل کوششوں کی تعریف کی۔ دونوں معززین نے طلبہ کی رہنمائی کے لیے اپنی قیمتی رائے بھی پیش کی۔
شعبہ فائن آرٹس کے اساتذہ نے نمائش میں بھرپور شرکت کی، طلبہ کی رہنمائی کی اور ان کے فن کو سراہا۔ طلبہ نے کہا کہ اس نمائش نے ان کا حوصلہ بلند کیا اور تنقیدی آراء حاصل کرنے اور عوامی نمائش کے عملی تجربے کا موقع بھی فراہم کیا،جو ان کے مستقبل کے تخلیقی کریئر کے لیے نہایت اہم ہے۔
اتر پردیش
ایڈیشنل ایس پی نے کیا معائنہ
اتر پردیش
اے ایم یو میں 2روزہ قومی ایجوکیشن فیسٹیول کا اہتمام
(پی این این)
علی گڑھ:علی گڑھ مسلم یونیورسٹی، ملاپورم سنٹر کے شعبہ تعلیم کی جانب سے دو روزہ قومی ایجوکیشن فیسٹیول ”ایجوکیئر 2026“ کے عنوان سے منعقد کیا گیا، جس کا مقصد علمی تبادلہ، تخلیقی صلاحیتوں اور تدریسی جدت کو فروغ دینا تھا۔
اس پروگرام میں مختلف مقابلے، علمی مباحث اور این ای پی-2020 کے مطابق از سر نو متعین تدریسی طریقہ کارکے موضوع پر ایک قومی ورکشاپ بھی شامل تھی۔ افتتاحی اجلاس سے خطاب کرتے ہوئے سنٹر کے ڈائرکٹر پروفیسر ایم شاہ الحمید نے مسلسل سیکھنے کی اہمیت اور جدید تعلیم کی تشکیل میں این ای پی 2020 کی معنویت پر روشنی ڈالی۔
یہ پروگرام ڈاکٹر عبدالباسط پی پی کی رہنمائی میں منعقد ہوا، جبکہ ڈاکٹر فیروز احمد کنوینر اور ڈاکٹر بلیسیتھا قمرالدین کے اور ڈاکٹر صدف جعفری شریک کنوینر تھے۔کوئز، بیسٹ ٹیچر اور ڈیجیٹل پوسٹر سازی مقابلوں میں طلبہ اور ٹیچر ٹرینیز نے بھرپور شرکت کی۔ ورکشاپ میں استعداد پر مبنی تعلیم، سبق کی منصوبہ بندی اور کلاس روم میں ٹکنالوجی کے استعمال پر توجہ مرکوز کی گئی۔
ریسورس پرسنز میں ریجنل انسٹی ٹیوٹ آف ایجوکیشن، میسور کی ڈاکٹر سجاتھا بی ہنچینالکر اور جامعہ ملیہ اسلامیہ کے ڈاکٹر سمیر بابو اور ڈاکٹر موسیٰ علی شامل تھے، جنہوں نے جدید تدریسی طریقوں اور تعلیمی ڈیجیٹل ٹولز پر اظہار خیال کیا۔ آخر میں پروگرام کے شرکاء میں اسناد تقسیم کی گئیں۔ شرکاء نے اپنے تاثرات کا بھی اظہار کیا۔
اتر پردیش
اے ایم یو کے وقار الملک ہال میں نصب شدہ بینچوں کا افتتاح
(پی این این)
علی گڑھ: علی گڑھ مسلم یونیورسٹی کے وقارالملک ہال کے چار ہاسٹلز اور ہال کینٹین میں نصب نئی بینچوں کا افتتاح ایک تقریب میں عمل میں آیا۔ انھیں عوامی عطیہ کی مدد سے نصب کیا گیا ہے۔ مجموعی طور پر 21 بینچوں کی تنصیب کراؤڈ فنڈنگ کے ذریعے کی گئی جس میں طلبہ، پرووسٹ، وارڈنز اور عملے کے اراکین کی معاونت شامل رہی ہے۔ یہ اقدام سماجی ذمہ داری کے جذبہ کی عکاسی کرتا ہے۔
تقریب میں ڈین اسٹوڈنٹس ویلفیئر پروفیسر محمد اطہر انصاری نے بطور مہمانِ خصوصی شرکت کرتے ہوئے ہال کے ذمہ داران اور طلبہ کی موجودگی میں بینچوں کا افتتاح کیا۔ انہوں نے اس پہل کی ستائش کی اور مشترکہ مالی تعاون کو کمیونٹی کی ترقی کے لیے ایک مؤثر ذریعہ قرار دیا، جو طلبہ میں اتحاد، ذمہ داری اور خدمت کے جذبہ کو مزید فروغ دے گا۔
پرووسٹ پروفیسر نوشاد علی پی ایم نے مہمانِ خصوصی کا خیرمقدم کیا اور طلبہ کی کاوشوں کو سراہتے ہوئے کہا کہ یہ اقدام دیگر اقامتی ہالوں کے لیے ایک نمونہ بن سکتا ہے۔ انہوں نے اس کامیابی میں ڈین اسٹوڈنٹس ویلفیئر کے تعاون کا بھی اعتراف کیا۔ دیگر مقررین بشمول ہال عہدیداران اور طلبہ نمائندگان نے اس طرح کی مشترکہ کوششوں کی اہمیت پر زور دیا اور کہا کہ اس سے طلبہ کی شمولیت، اجتماعی فلاح اور کیمپس میں پائیدار ترقی کو فروغ ملتا ہے۔
-
دلی این سی آر1 year agoاقراءپبلک اسکول سونیا وہارمیں تقریب یومِ جمہوریہ کا انعقاد
-
دلی این سی آر1 year agoدہلی میں غیر قانونی بنگلہ دیشیوں کے خلاف مہم تیز، 175 مشتبہ شہریوں کی شناخت
-
دلی این سی آر1 year agoاشتراک کے امکانات کی تلاش میں ہ ±کائیدو،جاپان کے وفد کا جامعہ ملیہ اسلامیہ کا دورہ
-
دلی این سی آر1 year agoجامعہ :ایران ۔ہندکے مابین سیاسی و تہذیبی تعلقات پر پروگرام
-
بہار6 months agoفوقانیہ اور مولوی کےامتحانات 19 سے 25 جنوری تک ہوں گے منعقد
-
بہار12 months agoحافظ محمد منصور عالم کے قاتلوں کو فوراً گرفتار کرکے دی جائےسخت سزا : مفتی محمد سعید الرحمن قاسمی
-
محاسبہ1 year agoبیاد گار ہلال و دل سیوہاروی کے زیر اہتمام ساتواں آف لائن مشاعرہ
-
دلی این سی آر9 months agoاردو اکادمی دہلی کے تعلیمی و ثقافتی مقابلے میں کثیر تعداد میں اسکولی بچوں نےلیا حصہ
