(پی این این)
سنت کبیر نگر:ملک میں نفرت کی سیاست نے جہاں دو فرقوں میں خلیج پیدا کر فرقہ وارانہ ہم آہنگی کو سبوتاژ کر رہی ہے ،وہیں ملک کی شبیہ بیرونی ملکوں میں خراب ہو رہی ،مگر حکومت کو اس کی کوئی پرواہ نہیں ہے، وہ بلڈورز سے ان کی عبادت گاہوں و گھروں کو منہدم کر کے فخر محسوس کر رہی ہے اور اس کی حامی تنظیمیں مسلسل مسلمانوں کو ہراساں کرنے کا کام کر رہی ہیں۔حکومت پولرائزیشن کی سیاست کے علاوہ ملک کے مفاد میں کوئی مثبت قدم اٹھاتے ہوئے اس پر قدغن نہ لگایا تو یہ ملک کے لئے بہتر نہیں ہوگا اور دنیا میں اس کی شبیہ کو مزید نقصان پہنچے گا۔ پیس پارٹی کے قومی صدر ڈاکٹر ایوب سرجن نے دنیا میں ملک کی خراب ہوتی شبیہ پر تبصرہ کرتے ہوئے کہا کہ انصاف و انسانیت پر مبنی سیاست سے ہی ملک وشوا گرو بنے گا۔
ڈاکٹر ایوب سرجن نے کہا کہ ملک میں روز بروز انصاف و انسانیت کو مجروح کر ملک کے بھائی چارے کی فضا کو سبوتاژ کیا جا رہا ہے ،یہ محض اقتدار میں بنے رہنے کے لئے بی جے پی نفرت کی سیاست پر گامزن ہے ،اور حامی تنظیموں کے شرپسندوں کے ذریعہ کئے جا رہے ظلم پر خاموشی صرف پولرائشن کی راہ کو ہموار بنانے میں کوشاں ہے ۔انہوں نے کہا کہ جس طریقے سے بغیر کسی ثبوت کے مساجد و مزارات و گھروں کو غیرقانونی قرار دے کر منہدم کیا جارہا ہے، یہ غیر قانونی و غیر آئینی ۔ بی جے پی کے پاس صرف ہندو مسلم کی سیاست کے علاوہ ترقی کا کوئی ایشو نہیں ہے۔ ملک میں گھپلے کا سیلاب ہے۔
ڈاکٹر ایوب نے کہا کہ ملک میں ایک جانب بےروزگاری و مہنگائی عروج پر ہے، روزبروز مہنگائی کے اضافہ سے عام شخص پریشان ہے۔ کھانے پینے کی اشیاء کی قیمتوں میں بڑی خاموشی کے ساتھ اضافہ کیا جا رہا ہے ۔پکوان گیس کی قیمتوں میں اضافہ سے غریب و کمزور طبقے کو بھکمری کی دہلیز پر پہنچا دیا ہے۔ دہاڑی مزدور و اوسط درجہ کے لوگ مہنگائی کے سبب اپنے بچوں کی تعلیم دلانے سے قاصر ہیں۔
انہوں نے کہا کہ بڑی خاموشی کے ساتھ دواوں کی قیمتوں مزید اضافہ سے غریب و کمزور طبقہ کو علاج کرانے میں دشواری پیش آرہی ہے،لیکن حکومت اس مہنگائی و بے روزگاری پر قدغن لگانے کے برعکس اپنے اقتدار کی فکر ہے اور اقتدار پر قبضہ بنائے رکھنے کے مقصد سے وہ نفرت کی سیاست پر گامزن ہے ،اس کو عوام کی کوئی فکر نہیں ہے۔
انھوں نے کہا کہ اکثریت کو اب آہستہ آہستہ سمجھ میں آرہا ہے،مگر بی جے پی حامی نفرت کی سیاست کے سبب مسلسل اکثریت کو مذہب کی بنیاد پر گمراہ کر تاثر دیا جا رہا ہے کہ اگر بی جے پی اقدار پر برقرار نہ رہی تو ہندوتوا خطرے میں آجائے گا۔ انہوں نے کہا کہ مسلمان حالات حاضرہ پر غور فکر کے ساتھ اپنی قیادت پیس پارٹی کے پرچم کے نیچے جمع ہوکر اپنی سیاسی کامیابی کی راہ ہموار بنائیں ۔

(پی این این)
بجنور: دہلی کی معروف تنظیم شمع ایجوکیشنل اینڈ پولی ٹیکنیک سوسائٹی کے زیر اہتمام اور سکریٹری محمد صابر کی کوششوں سے، ضلع بجنور کے گاؤں کھیڑکی کے نوجوانوں کو انسانیت کی خدمت کے لیے سیلم پور اسمبلی کے رکن اسمبلی چودھری زبیر احمد کے ہاتھوں اچیورز ایوارڈ سے نوازا گیا۔
شمع این جی او کے قومی جنرل سکریٹری ڈاکٹر محمد فہیم بیگ نے بتایا کہ ضلع بجنور کے گاؤں کھیڑکی کے ایک غریب کسان کرپال سنگھ کے بیٹے ڈاکٹر اتل یادو نے غربت اور دیگر مشکلات کے باوجود اپنی ایم بی بی ایس ہڈیوں کے ماہر کی تعلیم مکمل کی اور سرکاری محکمہ میں ملازمت کے دوران بھی اپنے گاؤں اور اپنی دھرتی کو یاد رکھا اور آج وہ اپنے گاؤں کی خدمت کر رہے ہیں۔
سیلم پور کے رکن اسمبلی چودھری زبیر احمد نے ڈاکٹر اتل یادو کو اچیورز ایوارڈ ٹرافی، شال اور پھولوں سے نوازتے ہوئے کہا کہ یہ انتہائی خوشی کی بات ہے کہ بجنور کے کھیڑکی گاؤں کے غریب کسانوں کے بچوں نے اپنی تعلیم، ہنر اور اپنی کارکردگی سے اپنے گاؤں کا نام روشن کیا ہے اور آج بھی اپنی جڑوں سے جڑ کر اپنے لوگوں کی خدمت کر رہے ہیں۔ میں شمع این جی او کا شکریہ ادا کرتا ہوں کہ انہوں نے نوجوانوں کی حوصلہ افزائی کے لیے مجھے مدعو کیا اور انہیں اچیورز ایوارڈ سے نوازا۔ ساتھ ہی تنظیم کے سکریٹری محمد صابر فیمس بیکری والے، جو خود کھیڑکی گاؤں کے ہی بیٹے ہیں، انہوں نے اپنے گاؤں اور دہلی کو ایک لڑی میں پرویا ہے، یہ ان کے والد عبدالوہاب کی تربیت ہی ہے جس نے انہیں آج اتنا کامیاب بنایا ہے۔ ڈاکٹر اتل یادو نے تنظیم کا شکریہ ادا کرتے ہوئے کہا کہ آج مجھے بہت خوشی اور فخر محسوس ہو رہا ہے کہ میرے گاؤں میں دہلی سے چل کر شمع این جی او کے عہدیداران اور رکن اسمبلی تشریف لائے اور مجھے اعزاز سے نوازا۔ میں اپنے والدین اور پرمیشور کا شکریہ ادا کرتا ہوں، ساتھ ہی میں نے عہد کیا ہے کہ میں ہر ہفتے ایک دن اپنے گاؤں کے غریب لوگوں کی خدمت کروں گا تاکہ انہیں مفت علاج ملے اور انہیں کسی پریشانی کا سامنا نہ کرنا پڑے۔ڈاکٹر شکیل ہاشمی، نبیل احمد، حاجی عمران وغیرہ نے بھی اپنے خیالات کا اظہار کیا۔
شمع این جی او کے سکریٹری محمد صابر نے تمام مہمانوں، ساتھیوں اور گاؤں کے باشندوں کا شکریہ ادا کیا اور یہ عہد کیا کہ ہم ہمیشہ اپنے گاؤں کھیڑکی کی خدمت کرتے رہیں گے، جیسے طبی سہولیات، سردیوں میں کمبل تقسیم کرنا، یا ہمارے گاؤں کے نوجوانوں کی تعلیم میں مدد، یا نوجوانوں کی جانب سے کسی بھی میدان میں اچھے کام کرنے پر ان کی حوصلہ افزائی کی جائے گی۔ تقریب میں حاجی شفیق، سید شاہد راحت، افسر خان، محمد فہیم شاہد، ابو قمر، انس قریشی، فاضل، حافظ صالحین، عرفان منصوری، ضرار احمد، محمود ایڈوکیٹ، فیضان حسن وغیرہ کو بھی اعزاز سے نوازا گیا۔اس اعزازی تقریب کو نسیم احمد، نبیل احمد، محمد واجد، گل ستاب، محمد عمران، محمد عارف، محمد فیصل، محمد ندیم، کمال الدین، منشاد وغیرہ نے اپنی سخت محنت سے کامیاب بنایا۔تمام شرکاء کے لیے بجنور کے مسوری اڑد چاول کے ظہرانے کا اہتمام کیا گیا تھا۔

(پی این این)
دیوبند:آقائے نامدار حضرت محمد صلی اللہ علیہ وسلم اور حضرت امی عائشہ صدیقہ رضی اللہ تعالی عنہا کی شان مقدسہ میں کی گئی گستاخی اور نازیبا تبصرے کے خلاف جمعیۃ علماء ہند کے کارکنان نے ایک میمورنڈم پیش کرکے سخت کارروائی کا مطالبہ کیا۔
رام پور منیہاران میں جمعیۃ علمائے ہند کے کارکنان نے ضلع نائب صدر مولانا شمشیر قاسمی کی قیادت میں رام پور منیہارن پولیس اسٹیشن پہنچے اور سب ڈسٹرکٹ مجسٹریٹ کے نام ایک میمورنڈم پیش کیا۔میمورنڈم میں کہا گیا کہ نازیہ خان نامی ایک عورت نے ایک پوڈ کاسٹ میں محسن انسانیت حضرت محمد صلی اللہ علیہ وسلم اور حضرت امی عائشہ صدیقہ رضی اللہ تعالی عنہا کی شان میں گستاخانہ اور اشتعال انگیز گفتگو کی جس سے مسلمانوں کے مذہبی جذبات کو ٹھیس پہنچی۔
سوشل میڈیا پر گر دش کررہی ویڈیو میں نازیہ الٰہی خان نے توہین آمیز تبصرہ محسن انسانیت حضرت محمد صلی اللہ علیہ وسلم اور اماں عائشہ رضی اللہ عنہا کے بارے میں کیا ہے وہ انتہائی شرمناک ہے اوراسلامی عقائد کی رو سے ناقابل معافی ہے، اسکا یہ جارحانہ اور تکلیف دہ عمل ملک کے آئین و قانون کے خلاف ورزی ہے۔اس طرح کے دانستہ بیانات مذہب اور اس کے ارکان کے لیے ذہنی صدمے کا باعث بنتے ہیں۔ مولانا شمشیر قاسمی نے پولیس حکام کے سامنے اپنے تحفظات کا اظہار کرتے ہوئے کہا کہ اشتعال انگیز بیانات معاشرے میں بے چینی اور نفرت کے فروغ کا سبب بن سکتے ہیں، اس لیے ایسے معاملات کو سنجیدگی سے لینا ضروری ہے۔
مولانا شمشیر قاسمی نے کہا کہ ہندوستان کا آئین ہر شہری کو مذہبی آزادی اور احترام کے ساتھ زندگی گزارنے کاحق فراہم کرتا ہے ملک میں سماجی ہم آہنگی بھائی چارے اور قومی یکجہتی کے فروغ کے لئے تمام مذاہب مقدس ہستیوں مذہبی شعائر کا احترام ناگریزہے ۔ انہوں نے ملک کے امن و ہم آہنگی کو نقصان پہنچانے والوں کے خلاف سخت قانونی کارروائی کا مطالبہ کیا ۔
اس موقع پر مولانا وسیم احمد قاسمی،قاری مکرم حسین، قاری شوقین الحسنی، مفتی عمیر ناظمی، مولانا ثوبان، حاجی ایوب، مولانا قمر، مولانا عبدالقادر، مولانا منور، ماسٹر ارشد ماجری، حکیم اسلم، احسان ملک، قاری مزمل، قاری سالک، قاری شاداب، قاری تنویر، قاری مبارک، قاری اسجد، سرور، انتظار، شمشیر، نعیم احمد قاری انیس، قاری محمد سلمان قاری عابد حافظ ندیم، مرسلین حافظ سفیان، محمدعمار ،ثاقب، آیان، حاجی عمران، وغیرو موجود رہے۔