وارانسی میں تمام گھاٹ زیر آب،چھتوں پر ہورہی ہے پوجا

نئی دہلیاترپردیش میں مسلسل بارش سے گنگا سمیت 6ندیوں کا سطح آب خطرے سے اوپر ہے۔ 13اضلاع میں سیلابی صورتحال ہے۔ وزیر اعظم مودی کا حلقہ انتخاب وارانسی کی بری حالت ہے۔ وہاں کے تمام 84 گھاٹ ڈوب گئے ہیں۔ مان کونیکا گھاٹ کے چھت پر انتم سنسکار وپوجا پاٹھ ہورہا ہے۔ دشا میگھ گھاٹ کے چھت پر بھی پوجا پاٹھ جاری ہے۔ ادھر راجستھان میں گرمی بڑھتی جارہی ہے۔ درجہ حرارت 40 پار کرچکا ہے۔ محکمہ موسمیات کے مطابق مدھیہ پردیش کے 22اور یوپی کے 28 اضلاع میں بارش کے سبب الرٹ جاری ہے۔
چھتیس گڑھ اور اڑیسہ میں تیز بارش کا امکان ہے۔مدھیہ پردیش کے ستنا میں صبری واٹر فال خطرناک روپ لے چکا ہے۔ لکھنؤ کے حسین گنج میں زبردست بارش کے سبب کئی دکانوں اور گھروں میں پانی داخل ہوگیا ہے۔میرٹھ میں بارش کی وجہ سے ایل ایل آر اے میڈیکل کالج میں آبی جمائو ہوگیا ہے۔