تازہ ترین
اسی سیاہ سمندر سے نور نکلے گاتنظیمی مضبوطی کے مد نظر ارریہ ضلع کانگریس کمیٹی کی میٹنگ، میٹنگ میں مستقبل کے پروگرام کے لئے نئی حکمت عملی پر کیا گیاتبادلہ خیال ، بٹو یادو اور شکیب رضا کانگریس میں شاملدعوت و تبلیغ کے مخلص خادم اور بہار شوریٰ کے معزز رکن محمد شمشیر کا انتقال، دینی و سماجی حلقوں میں رنج و غم کی لہرآئی آئی ایم بودھ گیا میں بدھونومکس 2026 کا آغاز، اخلاقیات، رحم دلی اور پائیدار ترقی پر ملکی و غیر ملکی ماہرین کا اظہار خیال، 11 ممالک کے 96 اداروں کی شرکتایک صاحب کردار انسان تھے حاجی جمیل منظر: امیر شریعتجیتنے کی صلاحیت رکھنے والے امیدوار کو ہی دیا جائے گاٹکٹ، اکھلیش یادو نے طے کیا سماجوادی پارٹی اور کانگریس کے درمیان سیٹوں کی تقسیم کا فارمولہاے ایم یو کے ایس ٹی ایس اسکول میں طلبہ کو سرکاری ملازمت کیلئے تیار کرنے کے موضوع پر اجلاس کا انعقاداے ایم یو کے اساتذہ اور ریزیڈنٹس کی’ نیپکون‘ میں شاندار کارکردگی
Bihar

کالج آف کامرس میں عالمی یومِ ماحولیات کے موقع پر شجرکاری اور حیاتیاتی تنوع کے تحفظ سے متعلق بیداری پروگرام کا انعقاد

(پی این این)
پٹنہ:عالمی یومِ ماحولیات کے موقع پر جمعہ کے روز کالج آف کامرس، آرٹس اینڈ سائنس، پٹنہ میں ماحولیات کے تحفظ اور فروغ کے تئیں بیداری پیدا کرنے کے مقصد سے مختلف پروگراموں کا انعقاد کیا گیا۔
اس موقع پر شعبۂ حیوانیات کی صدر ڈاکٹر وندنا کماری کی قیادت میں کالج کیمپس کے مختلف مقامات پر شجرکاری اور پودا لگانے کی مہم چلائی گئی۔اس موقع پر یہ بھی بتایا گیا کہ کالج کے شعبۂ حیوانیات، شعبۂ نباتیات اور شعبۂ جغرافیہ کی جانب سے پٹنہ کے شہری علاقوں میں حیاتیاتی تنوع کے مطالعہ اور دستاویزی کام انجام دیا جا رہا ہے۔ اس اہم اقدام کی حوصلہ افزائی کے لیے بہار اسٹیٹ بایو ڈائیورسٹی کونسل نے کالج کو ایک تحقیقی منصوبہ بھی فراہم کیا ہے۔
عالمی یومِ ماحولیات کے موقع پر طلبہ و طالبات کو اپنے گھر اور آس پاس کے علاقوں میں موجود حیاتیاتی تنوع کا مطالعہ کرکے ایک مختصر رپورٹ پیش کرنے کی ترغیب دی گئی۔ اس کے لیے گوگل فارم کے ذریعے ایک مقررہ فارمیٹ فراہم کیا گیا ہے۔ طلبہ اپنی رپورٹس 20 جون تک جمع کرا سکتے ہیں۔موصول ہونے والی تمام رپورٹس کا ماہرین کی کمیٹی کے ذریعے جائزہ لیا جائے گا اور 21 جون کو عالمی یومِ یوگا کے موقع پر منعقد ہونے والے خصوصی پروگرام میں بہترین تین رپورٹس کو انعامات سے نوازا جائے گا۔
کالج کی پرنسپل پروفیسر سنیتا رائے نے اس موقع پر اساتذہ اور طلبہ کی جانب سے ماحولیات کے تحفظ کے لیے کی جانے والی کوششوں کو سراہتے ہوئے کہا کہ ماحولیات کے تحفظ اور حیاتیاتی تنوع کے فروغ کے لیے اجتماعی کوششیں وقت کی اہم ضرورت ہیں۔
اس پروگرام میں آئی کیو اے سی کے رابطہ کار پروفیسر سنتوش کمار، برسر ڈاکٹر مکیش کمار مدھوکر، پروکٹر پروفیسر منور فضل، ڈاکٹر کے۔ بی۔ پدم دیو، ڈاکٹر اکبر علی، ڈاکٹر رجنیش کمار اور ڈاکٹر شمبھو شرن سمیت بڑی تعداد میں اساتذہ اور طلبہ و طالبات نے جوش و خروش کے ساتھ شرکت کی۔

متعلقہ خبریں

اپنی رائے دیں

آپ کا ای میل شائع نہیں کیا جائے گا۔