نگر پالیکارام پورمیںبدعنوانی عروج پر

(صدام حسین فیضی؍پی این این)
رام پور:نگر پالیکا پریشد کی بدعنوانیاں کم ہونے کا نام نہیں لے رہی ہیں۔ہر دن کوئ نیا مسئلہ درپیش ہے۔
حیرت کی بات یہ ہے باہری لوگوں کا جماوڑہ بھی یہاں ہر وقت لگاہواہے۔کوئ خود کو پالیکاکا ملازم بتارہاہے تو کوئ قانونی صلاح کار بتانے میں ہچک نہیں رہاہے۔
یہاں یہ بات بھی یاد رہنی چاہیے کہ ایک نئے نویلے نوجوان خود کو نگر پالیکا کا وکیل بتاکر خوب من مانی کر رہے ہیں با وثوق ذرائع سے معلوم ہوا ہے کہ ٹینڈرز کی فائلیں موصوف اپنے گھر لے جاتے ہیں اور پھر ٹھیکیداروں سے سودے بازی کی جاتی ہے۔بتایا جاتا ہے کہ چیرپرسن کے دفتر سے نجی طور پر ان کو نگر پالیکا کے وکیل کا تقرری نامہ جاری کیا گیا ہے جو سراسر غیر قانونی ہے۔اس کا ثبوت ایک آرٹی آی کے جواب سے حاصل کر لیا گیا ہے۔
اس طرح چیرپرسن نے تمام ضابطوں کو بالائے طاق رکھ دیا ہے۔ایسے میں نگر پالیکا کو دونوں ہاتھوں سے لوٹا جا رہا ہے۔عوام کے پیسوں کو برباد کیا جارہاہے۔امید ہے کہ لایق اور ایمان دارضلع مجسٹریٹ نگر پالیکا میں ہو رہی بدعنوانیوں کی طرف توجہ فرمائیں گےاور نگر پالیکا کو بدنام ہونے سے بچائیں گے۔