(پی این این)
چھپرہ:آپریشن سندور میں قوم کے لیے اپنی جان قربان کرنے والے سارن کے لعل بارڈر سیکیورٹی فورس کے ایس آئی شہید محمد امتیاز کی اہلیہ شہناز عظمیٰ کو اسٹیٹ بینک آف انڈیا نے ایک کروڑ 10 لاکھ روپے فراہم کیے۔مظفر پور سرکل کے ڈپٹی جنرل منیجر پرفل کمار جھا خود چیک لے کر شہید کے آبائی گاؤں نارائن پور پہنچے۔
انہوں نے شہید کے اہل خانہ سے ملاقات کی اور گہرے تعزیت کا اظہار کیا۔انہوں نے شہید کی تصویر پر جذباتی خراج عقیدت پیش کیا۔انہوں نے کہا کہ اسٹیٹ بینک آف انڈیا فیملی فوجیوں کی بے مثال قربانی کے جذبے کو خراج عقیدت پیش کرتا ہے۔ان کی اس عظیم قربانی کو کبھی فراموش نہیں کیا جائے گا۔دکھ کی اس گھڑی میں اسٹیٹ بینک آف انڈیا شہید کے خاندان کے ساتھ کندھے سے کندھا ملا کر کھڑا ہے۔
انہوں نے کہا کہ یہ رقم اسٹیٹ بینک آف انڈیا میں شہید کی سیلری اکاؤنٹ پر دستیاب سینٹرل آرمڈ پولیس سیلری پیکج (CAPS) کے تحت فراہم کردہ مفت حادثہ انشورنس اسکیم کا فائدہ ہے۔اسٹیٹ بینک آف انڈیا سینٹرل آرمڈ پولیس سیلری پیکج کے تحت یہ مفت ایکسیڈنٹ انشورنس کی سہولت فراہم کرتا ہے۔تاکہ شہید کے خاندان کو مالی مدد مل سکے۔اس جذباتی موقع پر چھپرہ آر بی او کی آر ایم پرینکا پریہ درشی،چیف مینیجر رام مہیش سنگھ اور گرکھا برانچ کی منیجر دامنی کماری بھی موجود تھیں۔اس موقع پر مقامی لوگوں نے بھی اپنی موجودگی درج کروائی۔لوگوں نے اسٹیٹ بینک آف انڈیا کے اس انسان دوست اقدام کی تہہ دل سے تعریف کی۔
شہید محمد امتیاز کی اہلیہ کو ایس بی آئی نے سونپا 1.10 کروڑ روپے کا چیک
متعلقہ خبریں
