گورنمنٹ ماڈل ڈگری کالج کپوری گووند پور میں اے آئی ورکشاپ کا انعقاد

دیوبند:اے آئی کے ذریعہ سے صنعت کاری اور کاروبار کو ترقی دینے اور اسے موثر بنانے کی معلومات دینے کے مقصد سے گورنمنٹ ماڈل ڈگری کالج کپوری گووند پور میں گزشتہ روز ایک ورکشاپ کا انعقاد کیا گیا ۔اس ورکشاپ کے دوران پیسہ کو جمع کرنا اور سرمایہ کاری کرنے کی تیاری میں آرٹی فیشیل انٹلی جینس کا استعمال کرنے کے موضوع پر کالج کے پرنسپل ڈاکٹر راکیش کمار نے کہا کہ اے آئی کے استعمال اور اس کے ذریعہ سے تمام معاملات ،زبان اور اس کے استعمال کو پراثر بنانے کے لئے اقدامات کئے جاسکتے ہیں ۔یعنی اے آئی کے ذریعہ ہم صنعت کاری اور روزگار وسرمایہ کاری کو مزید مؤثر بناسکتے ہیں ۔ورکشاپ میں شریک اے آئی کے ماہرین نے طلبہ وطالبات کو نئے اقدامات اور سائنٹیفکٹ طریقوں سے ہرمیدان میں آگے بڑھنے اور نئے ایجاد کردہ طریقوں سے اپنے کاروبار کو بہتر سے بہتر بنانے کی کوشش کرسکتے ہیں ۔اے آئی کے ماہرین نے طلبہ کو اس بات کے لئے بھی تیار کیا کہ وہ اس جدید دور میں اے آئی کے ذریعہ سے اپنے مسائل کو حل کرنا سیکھیں ۔ڈاکٹر پورنیما سنگھ نے کہا کہ موجود ہ وقت میں اے آئی کی تعلیم اور تکنیکی میدان کے ساتھ ساتھ صنعت کاری ،سرمایہ کو جمع کرنا اور کاروبار وتجارتی منصوبہ کاری کرنا اور سرمایہ کاری کرنے کے لئے نہایت اہم رول ادا کئے جاسکتے ہیں ۔اس ورکشاپ میں ڈگری کالج کے اسٹاف ،مہمانوں واساتذہ کے علاوہ طلبہ وطالبات بڑی تعداد میں موجود رہے ۔