سنٹرل بینک کے سکوں کا میلہ بنا توجہ کا مرکز

(پی این این)
چھپرہ :بینکنگ خدمات کو آسان بنانے اور ضلع میں سکوں کی دستیابی کو یقینی بنانے کے لیے سینٹرل بینک آف انڈیا نے ایک خصوصی ایکسچینج میلے کا اہتمام کیا۔کلکٹریٹ احاطے اور بھگوان بازار برانچ میں منعقدہ اس میلے کا باضابطہ افتتاح بینک کے لیڈ بینک منیجر پردیپ کمار نے کیا۔صارفین اور عام لوگوں کے درمیان تقریباً آٹھ لاکھ روپے مالیت کے چھوٹے نوٹوں اور سکوں کا تبادلہ ہوا۔
اس موقع پر ایل ڈی ایم کمار نے بینک کی مختلف فائدہ مند اسکیموں کے بارے میں جانکاری دی۔انہوں نے وضاحت کی کہ مرکزی اور ریاستی حکومت کے ملازمین کے لیے مرکزی بینک کے تنخواہ کھاتوں میں خصوصی مفت فوائد کی پیشکش کی جا رہی ہے۔ان میں پانچ سے پندرہ لاکھ روپے کا انشورنس کوریج،دو کروڑ روپے کا ٹرم انشورنس،دو کروڑ روپے تک کا حادثاتی بیمہ،لاکر کے کرایے پر 25 فیصد رعایت،زیرو بیلنس اکاؤنٹس اور دیگر رعایتی بینکنگ خدمات شامل ہیں۔
اس موقع پر کرنسی چیسٹ انچارج شری کانت سروج نے بتایا کہ بینک ہر ماہ اپنی مختلف شاخوں کے ذریعے چھوٹے نوٹ اور سکے باقائدگی سے تقسیم کرتا ہے تاکہ یہ یقینی بنایا جا سکے کہ بازار میں خودرہ کرنسی کی کوئی کمی نہ ہو۔سینئر منیجر راکیش کمار،برانچ منیجر سنجیو کمار،نکنج بسنت،جے رام سنگھ،مس شیتل،وکاس کمار اور جے شنکر پرساد سمیت دیگر بینک عملہ موجود سمیت نیلیش کمار،منیش کمار اور اجول سمیت بڑی تعداد میں صارفین نے میلے میں شرکت کی۔