تازہ ترین
مدارسِ اسلامیہ کو تحفظ نہیں مزید ترقی کی ضرورت، جامعہ رحمانی خانقاہ مونگیر کا سالانہ اجلاس و سالانہ دعا کامیابی کے ساتھ اختتام پذیر، بارش کے باوجود ہزاروں عقیدت مندوں کی شرکتنتیش کمار کی دور حکومت کی کامیابیاں جے ڈی یو کا سب سے بڑا اثاثہ، جنتادل یو کے لیڈرمنا مشتاق نے بہار کے گورنر سے کی ملاقات،علاقائی مسائل سے کیا آگاہ،سیدعطا حسنین نے مسائل پر ہمدردی سے غور کرنے اور ان کے حل کے لئے پہل کرنے کی کرائی یقین دہانیارریہ: 42 یتیم بچوں میں تقسیم کئے گئے اسکالرشپ کے چیک، کیرئیر کاؤنسلنگ اور مفت ہیلتھ چیک اپ کیمپ کا بھی کیا گیا انعقادملائم سنگھ نے ہمیشہ لڑی پسماندہ طبقات کی لڑائی، یوم پیدائش کے موقع پر نیتاجی کو سماجوادی پارٹی کارکنان نے پیش کیا خراج عقیدتنامعلوم لنک پرنہ کریں کلک ، ذاتی معلومات انٹرنیٹ پر نہ کریںشیئر ،ئبر کرائم کے بارے میں بیداری پیدا کرنے کے لیے میپلس اکیڈمی میں سیمینار کا انعقادجل بورڈ کی قیمتی زمین فروخت کرنا چاہتی ہے دہلی حکومت:بھاردواجہندوستان میں غربت اور مساوات کی پیمائش: ورلڈ بینک کی رپورٹ پرآئی او ایس میںمباحثہدہلی کی ہوامزیدہو رہی ہے زہریلی
دلی این سی آر

دہلی کے یمنا بازار میں بلڈوزر کارروائی شروع

(پی این این)
نئی دہلی : صبح دہلی کے یمنا بازار علاقے میں بلڈوزر کی کارروائی شروع ہوئی۔ میونسپل کارپوریشن غیر قانونی تعمیرات کو مسمار کر رہی ہے۔ اس کے پیش نظر انہدامی کارروائی سے قبل علاقے میں سیکورٹی بڑھا دی گئی ہے۔ حکام نے بتایا کہ دہلی ڈیولپمنٹ اتھارٹی نے کشمیری گیٹ علاقے کے یمنا بازار کے رہائشیوں کو اپنے گھر خالی کرنے کے لیے ایک نیا نوٹس جاری کیا ہے۔ نوٹس میں گھاٹ نمبر 2 اور 32 کے درمیان رہنے والے رہائشیوں سے کہا گیا ہے کہ وہ رضاکارانہ طور پر علاقہ خالی کریں۔ ایسا کرنے میں ناکامی کے نتیجے میں انہدام ہوگا۔
اس علاقے میں 310 مکانات ہیں جن میں تقریباً 1,100 افراد رہائش پذیر ہیں۔ کئی خاندان پہلے ہی اپنے گھر خالی کر چکے ہیں۔ مسماری کی کارروائی سے مکینوں میں خوف و ہراس پھیل گیا۔ مکینوں کا الزام ہے کہ ان کے پانی کے کنکشن پہلے ہی منقطع ہیں۔ انہیں بدھ کی رات تک اپنے گھر خالی کرنے کے لیے کہا گیا تھا۔
جبکہ کچھ رہائشیوں نے اپنا سامان ہٹا لیا ہے، بہت سے باقی ہیں۔ آنے والی کارروائی کو لے کر مکینوں میں خوف کی فضا ہے۔ مقامی رہائشی گنیش نے کہا کہ جن لوگوں کو بے دخل کیا جا رہا ہے انہیں دہلی اربن شیلٹر امپروومنٹ بورڈ کے ذریعہ چلائے جانے والے عارضی پناہ گاہوں میں رہنے کو کہا گیا ہے۔ اس نے کہا یہ کیسا انصاف ہے؟ ہمارے گھروں کو مسمار کیا جا رہا ہے اور ہمیں نائٹ شیلٹرز میں رہنے پر مجبور کیا جا رہا ہے۔ یمنا گھاٹ پانڈا ایسوسی ایشن کے خزانچی سنیل شرما نے کہا، “ہم نے عدالت سے رجوع کیا ہے، انہدام کا کوئی عدالتی حکم نہیں ہے، اس کے باوجود ہمیں بے دخل کیا جا رہا ہے۔”
پرانی دہلی کے ایڈیشنل ڈسٹرکٹ مجسٹریٹ (اے ڈی ایم) کی جانب سے جاری نوٹس میں کہا گیا تھا کہ جمنا بازار کے قریب تقریباً 310 مکانات ڈی ڈی اے کی ملکیت والی فلڈ پلین زمین پر غیر قانونی تجاوزات ہیں۔حکام کے مطابق جب بھی جمنا میں پانی کی سطح بلند ہوتی ہے تو یہ علاقہ ہر سال سیلاب کی زد میں آ جاتا ہے، جس سے انسانی جانوں، مویشیوں اور املاک کو خطرات لاحق ہو جاتے ہیں۔ اسی وجہ سے رہائشیوں کو 15 دن کے اندر علاقہ خالی کرنے اور اپنا سامان خود منتقل کرنے کی ہدایت دی گئی تھی۔
اس سے قبل مئی میں دہلی حکومت نے جمنا کے بار بار آنے والے سیلاب سے دارالحکومت کے تحفظ کے لیے رِنگ روڈ کے ایک حساس حصے کے ساتھ سیلابی حفاظتی دیوار کی تعمیر کی بھی منظوری دی تھی۔وزیر اعلیٰ ریکھا گپتا نے اعلان کیا تھا کہ مجنو کا ٹیلا سے اولڈ ریلوے برج (او آر بی) تک 4.72 کلومیٹر طویل دیوار تعمیر کی جائے گی، جسے اگلے مون سون سیزن سے قبل مکمل کرنے کا ہدف مقرر کیا گیا ہے۔
وزیر اعلیٰ نے کہا تھا کہ یہ فیصلہ، جسے بجٹ کے حصے کے طور پر منظوری دی گئی، شہر میں بار بار آنے والے شدید سیلاب کے تجربات کی بنیاد پر کیا گیا ہے۔ انہوں نے زور دیا کہ حکومت اب عارضی انتظامات کے بجائے ایک مستقل حل کی جانب عملی اقدامات کر رہی ہے۔حکام کے مطابق دیوار کی تعمیر مکمل ہونے کے بعد یہ ایک مضبوط حفاظتی رکاوٹ کا کام کرے گی اور جمنا کے پانی کو رہائشی علاقوں میں داخل ہونے سے روکے گی۔توقع ہے کہ یہ دیوار سول لائنز، کشمیری گیٹ، جمنا بازار اور مجنو کا ٹیلا جیسے ان علاقوں کو مؤثر تحفظ فراہم کرے گی ۔جو ماضی میں جمنا کے پانی کی سطح بلند ہونے پر سب سے زیادہ متاثر ہوتے رہے ہیں۔

متعلقہ خبریں

اپنی رائے دیں

آپ کا ای میل شائع نہیں کیا جائے گا۔