Bihar
گیا کے جنگل میں موت کا جال، 5 کلو آئی ای ڈی برآمد،نکسلیوں کی سازش ناکام
بانکے بازار (گیا): بہار کے ضلع گیا کے نکسل متاثرہ بانکے بازار کے گھنے جنگلات میں سیکورٹی فورسز نے ایک بار پھر نکسلیوں کی خونی سازش کو بروقت ناکام بنا دیا۔ لٹوا تھانہ علاقہ کے جنگلوں میں جمعہ کے روز سی آر پی ایف کی 215ویں بٹالین اور مقامی پولیس کی مشترکہ ٹیم نے پانچ کلو وزنی زندہ آئی ای ڈی برآمد کیا، جسے نکسلوں نے سیکورٹی فورسز کی پیٹرولنگ پارٹی کو نشانہ بنانے کے لیے نصب کیا تھا۔ بعد ازاں بم ڈسپوزل اسکواڈ نے موقع پر ہی دھماکہ خیز مواد کو محفوظ طریقے سے ناکارہ بنا دیا، جس سے ایک بڑے حادثے کو ٹال دیا گیا۔
ذرائع کے مطابق نکسل مخالف مہم کے تحت جنگلات میں وسیع پیمانے پر تلاشی مہم جاری تھی۔ اسی دوران جوانوں کی نظر ایک مشتبہ ڈبہ نما شے پر پڑی۔ شبہ ہونے پر پورے علاقے کو گھیرے میں لے لیا گیا اور جانچ کے دوران معلوم ہوا کہ وہ پانچ کلو گرام وزنی طاقتور آئی ای ڈی بم ہے۔ افسران کا کہنا ہے کہ اگر بروقت اس کی نشاندہی نہ ہوتی تو کئی سیکورٹی اہلکار اس کی زد میں آ سکتے تھے۔
قابلِ ذکر بات یہ ہے کہ محض چار روز قبل بھی لٹوا تھانہ علاقہ کے ڈمری جنگل میں سیکورٹی فورسز نے نکسلوں کے ایک ٹھکانے پر چھاپہ مار کر اسلحہ اور دھماکہ خیز مواد کا بڑا ذخیرہ برآمد کیا تھا۔ اس کارروائی میں ایک بھرمار بندوق، اے کے-47 کے پانچ زندہ کارتوس، دو ایس ایل آر کارتوس، ایک الیکٹرک ڈیٹونیٹر، 12 وولٹ کی بیٹری، 20 میٹر برقی تار اور دیگر نکسل مواد ضبط کیا گیا تھا۔
مسلسل دباؤ اور جنگلات میں جاری کومبنگ آپریشن کے باعث نکسل تنظیمیں کمزور ضرور ہوئی ہیں، لیکن ان کے عزائم اب بھی خطرناک ہیں۔ سیکورٹی ایجنسیوں کا ماننا ہے کہ براہِ راست تصادم سے بچنے کے لیے نکسل اب جنگلات میں آئی ای ڈی اور اسلحہ چھپا کر سیکورٹی فورسز کو نقصان پہنچانے کی حکمت عملی اختیار کر رہے ہیں۔ حالیہ برآمدگی اس بات کی طرف اشارہ کرتی ہے کہ وہ کسی بڑی واردات کی تیاری میں تھے۔
گیا کے ایس ایس پی سشیل کمار نے برآمدگی کی تصدیق کرتے ہوئے کہا کہ نکسل متاثرہ علاقوں میں سیکورٹی فورسز کی کارروائیاں پوری مستعدی کے ساتھ جاری ہیں۔ برآمد شدہ دھماکہ خیز مواد اور دیگر سامان کو ضبط کر لیا گیا ہے اور قانونی کارروائی عمل میں لائی جا رہی ہے۔ انہوں نے دو ٹوک انداز میں کہا کہ نکسلی سرگرمیوں کو کسی بھی قیمت پر کامیاب نہیں ہونے دیا جائے گا اور جنگلات میں سرچ آپریشن مزید تیز کیا جائے گا۔
سپول:صدر تھانہ علاقے کے چین سنگھ پٹی وارڈ نمبر 2 میں جمعہ کی صبح دھان کے کھیت (چور) سے 25 سالہ نوجوان کی لاش ملنے سے علاقے میں کہرام مچ گیا۔متوفی کی شناخت ڈوما سدا ولد نتھنی سدا کے طور پر ہوئی ہے۔اہل خانہ نے بتایا کہ ڈوما سدا ماہی گیری کے لئے جمعرات کی رات گھر سے نکلا تھا۔ رات تک جب وہ واپس نہ آیا تو اہل خانہ نے اس کی تلاش شروع کی لیکن اس کا کوئی سراغ نہیں ملا۔ جمعہ کی صبح گاؤں کی خواتین دھان لگانے کے لیے دھان کے کھیت میں گئیں۔ اسی دوران انہوں نے چور میں ایک نوجوان کو بے ہوش دیکھا۔ قریب جا کرپہچان کرنے پر ڈوما سدا نکلا۔ اس کے بعد اہل خانہ اور صدر پولیس کو فوری اطلاع دی گئی۔ اطلاع ملنے پر پولیس نے جائے وقوعہ پر پہنچ کرلاش قبضے میں لے کر ضروری قانونی کارروائی مکمل کر لی۔ اس کے بعد لاش کو پوسٹ مارٹم کے لیے صدر اسپتال بھیج دیا گیا۔ پوسٹ مارٹم کے بعد لاش لواحقین کے حوالے کر دی گئی۔
خاندان کے مطابق ڈوما سدا خاندان کا واحد کمانے والا فرد تھا۔ اس کا خاندان بیوی، ایک بیٹا اور ایک بیٹی پر مشتمل ہے۔ ان کی ناگہانی موت سے لواحقین میں غم کی لہر دوڑ گئی ہے۔ واقعے کے بعد پورے گاؤں میں سوگ پھیل گئی۔صدر تھانہ انچارج رام سیوک راوت نے بتایا کہ پوسٹ مارٹم کرایا گیا ہے۔ موت کی اصل وجہ پوسٹ مارٹم رپورٹ آنے کے بعد ہی معلوم ہو سکے گی۔ فی الحال پولیس تمام پہلوؤں کو مدنظر رکھتے ہوئے معاملے کی تحقیقات کر رہی ہے۔
تفتیش کے دوران اگر کوئی مشکوک صورتحال یا مجرمانہ حقائق سامنے آئے تو قانون کے مطابق مزید کارروائی کی جائے گی۔
بہار شریف: ادیتا سنگھ، ضلع افسر، نالندہ کی ہدایت پر راجیو رنجن کمار سنہا، اضافی کلکٹر، نالندہ کے ذریعے ضلع سہکاری وکاس کمیٹی اور بہار راج فصل سہایتا یوجنا کی ضلع سطحی کوآرڈینیشن کمیٹی کی میٹنگ کی گئی۔
میٹنگ میں ضلع سہکاری وکاس کمیٹی سے متعلق تمام ایجنڈوں پر تفصیلی گفتگو کی گئی۔ محکمہ جاتی ہدایات اور مقررہ اہداف کے مطابق تمام افسران کو کاموں میں پیش رفت لانے کی ہدایت دی گئی۔ ساتھ ہی بہار راج فصل سہایتا یوجنا پر بھی تفصیلی بحث کرتے ہوئے ضروری ہدایات دی گئیں۔
میٹنگ میں سینئر ڈپٹی کلکٹر بینکنگ برانچ، ضلع سہکاری افسر، ضلع زراعت افسر، ضلع پلاننگ افسر، ضلع لائیو اسٹاک افسر، ضلع فشریز افسر، ضلع گوویا وکاس افسر، ضلع ڈیولپمنٹ منیجر نابارڈ، ضلع لیڈ بینک منیجر، منیجنگ ڈائریکٹر ضلع سہکاری بینک نالندہ، جنرل منیجر ضلع انڈسٹری سینٹر اور دیگر متعلقہ ممبر افسران موجود تھے۔
سپول میں دھان کے کھیت سے نوجوان کی لاش برآمد
لوک جن شکتی پارٹی (پاسوان ) اسمبلی الیکشن میں اتارے گی امیدوار
پنک سہیلی کارڈ نہیں دے گاآپ کو ایک ہی بس کے دو مفت ٹکٹ
اقراءپبلک اسکول سونیا وہارمیں تقریب یومِ جمہوریہ کا انعقاد
دہلی میں غیر قانونی بنگلہ دیشیوں کے خلاف مہم تیز، 175 مشتبہ شہریوں کی شناخت
فوقانیہ اور مولوی کےامتحانات 19 سے 25 جنوری تک ہوں گے منعقد
-
دلی این سی آر1 year agoاقراءپبلک اسکول سونیا وہارمیں تقریب یومِ جمہوریہ کا انعقاد
-
دلی این سی آر2 years agoدہلی میں غیر قانونی بنگلہ دیشیوں کے خلاف مہم تیز، 175 مشتبہ شہریوں کی شناخت
-
بہار8 months agoفوقانیہ اور مولوی کےامتحانات 19 سے 25 جنوری تک ہوں گے منعقد
-
دلی این سی آر1 year agoاشتراک کے امکانات کی تلاش میں ہ ±کائیدو،جاپان کے وفد کا جامعہ ملیہ اسلامیہ کا دورہ
-
دلی این سی آر1 year agoجامعہ :ایران ۔ہندکے مابین سیاسی و تہذیبی تعلقات پر پروگرام
-
بہار1 year agoحافظ محمد منصور عالم کے قاتلوں کو فوراً گرفتار کرکے دی جائےسخت سزا : مفتی محمد سعید الرحمن قاسمی
-
محاسبہ2 years agoبیاد گار ہلال و دل سیوہاروی کے زیر اہتمام ساتواں آف لائن مشاعرہ
-
محاسبہ2 years agoجالے نگر پریشد اجلاس میں ہنگامہ، 22 اراکین نے کیا بائیکاٹ