(پی این این)
دیوبند:غیر اعلانیہ بجلی کٹوتی سے ناراض بھائیلہ گائوں کے باشندوں نے دیوبند ،نانوتہ روڑ پر احتجاج کرتے ہوئے 10؍ گھنٹے تک جام لگائے رکھا ۔جام لگنے کی وجہ سے سڑک کے دونوں جانب گاڑیوں کی لمبی لمبی قطاریں لگ گئیں اور راہگیروں کو بہت زیادہ پریشانیوں کا سامنا کرنا پڑا ۔افسران یقین دہانی کے بعد احتجاج کرنے والوں نے جام کھولا ۔
تفصیل کے مطابق گزشتہ رات تقریباً 10؍ بجے سابق وزیر مملکت آنجہانی راجندر رانا کے بیٹے اور سماجوادی پارٹی کے لیڈر کارتک رانا کی قیادت میں بڑی تعداد میں بھائیلہ گائوں کے باشندے سڑکوں پر اترآئے اور انہوں نے بجلی سپلائی کے نظام کو درست کئے جانے کے مطالبہ کو لے کر احتجاج کرتے ہوئے زبردست نعرے بازی شروع کردی اور سڑک پر جام لگادیا ۔احتجاج کرنے والے گائوں کے باشندوں کا کہنا تھا کہ مسلسل ہونے والی غیر اعلانیہ بجلی کٹوٹی سے گائوں میں رہنے والے لوگوں کی روز مرہ کی زندگی بری طرح متاثر ہوئی ہے کیونکہ شدید گرمی کے درمیان گھنٹوں تک بجلی غائب رہنے سے گائوں کے لوگوں میں پاور کارپوریشن اور حکومت کے خلاف سخت ناراضگی پیدا ہوگئی ہے ۔
جام لگائے جانے کی اطلاع ملتے ہی دیوبند کے سی او امت کمار اور کوتوالی انچارج کپل دیو پولیس فورس کے ساتھ موقع پر پہنچ گئے ان افسران نے جام لگانے والے اور احتجاج کرنے والے گائوں کے باشندوں کو سمجھا بجھاکر جام کھلوانے کی کوشش کی لیکن گائوں کے باشندے اپنے مطالبات پر بضد رہے ۔
دیر رات تک افسران اور احتجاج کرنے والوں کے درمیان بات چیت چلتی رہی لیکن اس کا کوئی نتیجہ نہیں نکل سکا ۔سنیچر کے روز صبح کے وقت بھی گائوں کے باشندے بڑی تعداد میں سڑکوں پر جام لگا کر بیٹھے رہے ۔تقریباً 7؍ بجے دیوبند کے سی او امت کمار دوبارہ موقع پر پہنچے اور جام لگانے والے بھائیلہ گائوں کے باشندوں سے انہوں نے بات چیت کی ۔اسی دوران سماجوادی پارٹی کے لیڈر کارتک رانا اور پولیس افسران کے بیچ کا فی تلخ کلامی اور نوک جھونک بھی ہوئی ۔
کارتک رانا نے کہا کہ عوام کی آواز کو دبانے کے بجائے ان کے مسائل کو حل کیا جانا چاہئے ۔تقریباً 10؍ گھنٹوں تک چلنے والے اس ہائی وولٹیج ڈرامہ کے بعد صبح کو تقریباً9؍بجے افسران اور گائوں کے باشندوں کے درمیان جام کھولنے پر اتفاق ہوگیا ۔احتجاج کرنے والوں نے ایکس ،ای ،این انکت وششٹھ کو مطالبات پر مبنی ایک میمورنڈم بھی دیا اور ان کی جانب سے یقین دہانی کرائے جانے کے بعد جام کھول دیا گیا جس کے بعد سڑک پر آمد ورفت شروع ہوگئی ۔

(پی این این)
لکھنؤ: شہرلکھنؤ کی تاریخی یکمنارہ مسجد اکبری گیٹ میں مرکزی جمعۃالحفّاظ کی جانب سے ہونے والے بارہ روزہ نبئ آخر الزّماںؐ کا آٹھواں جلسہ استاذ الحفّاظ حافظ عبدالرّشید صاحب صدر مرکزی جمعۃالحفّاظ کی سر پر ستی وقاری محمد حزقیل امام مسجد ایکمنارہ کی نگرانی وسیّد محمّد اقبال کے زیر انتظام منعقد ہوا جس کا آغاز مدرسہ عالیہ فرقانیہ چوک کے قاری محمّد حنظلہ وقاری محمد حسن کی تلاوت قرآن پاک سے ہوا ۔
جلسے کو خطاب کرتے ہوئے ادارۂ دارالمبلّغین پاٹانالہ چوک کےسینئر استاذ مولانا قاری محمد صدّیق امام و خطیب مسجد سبحانیہ پاٹانالہ نے کہا کہ حضرت محمّد مصطفٰیؐکی صحبت بہت بڑی چیز ہے اس امّت میں حضرات اہلبیت وصحابۂ کرامؓ کا رتبہ سب سے بڑا ھے ایک لمحہ کے لئے بھی جس کو رسول اللہؐ کی صحبت حاصل ہوگئ مابعد والوں میں بڑا سے بڑا بھی اس کے برابر نہیں ہوسکتا ۔
قاری محمّد صدّیق نے کہا کہ حضرات اہلبیت وصحابۂ کرامؓ عالم انسانیت کے لئے نجوم ہدائت ہیں خصوصا خلفائے راشدینؓ سیّدنا ابوبکر صدیقؓ سیّدنا فاروق اعظمؓ سیّدنا عثمان غنیؓ سیّدنا علیّ مرتضٰیؓ کا تذکرہ اور ان کے اوصاف وکمالات کا مطالعہ کر نے سے جو عظمت ورفعت رسولؐ خدا کی محبت جو دل میں پیدا ہوتی ہے وہ ہر گز کسی دوسرے طریقے سے نہیں ہو سکتی ان حضرات کی یاد میں ایمان کی قوّت وتازگی پیدا کرنے کی جو تاثیر ھے اس کو کسی اور چیز میں تلاش کر نا لا حاصل ھے۔
رسولؐ نے فرمایا کہ میرے اہلبیت وصحابۂؓ کی شان میں گستاخی مت کرو ان سے عقیدت اور محبت رکھو ان کے نقش قدم پر چلو یہ ایمان کی علامت ھے *** شعراء کرام جناب محمد سمیر محمّد بلال قاری محمد طہ محمّد کیف نے نعت ومدح صحابہؓ کا منظوم نذرانۂ عقیدت پیش کیا جلسے میں محمّد معروف خاں گہنہ پیلس ذیشان جویلرس عیاض احمد صدّیقی ثنا جویلرس قاری محمّد نعمان ابوبکر وغیرہ موجود تھے جلسے کا اختتام قاری محمّد صدّیق صاحب کی دعا پر ھوا ۔

بجنور :بجنور / بڑھاپور۔ آزاد امیدوار تانیہ ناگپال کی عوامی رابطہ مہم تیز، خواتین میں ساڑی و برقع اور نوجوانوں میں تقسیم کی کرکٹ کٹ۔بڑھاپور ودھان سبھا حلقے سے آزاد امیدوار کے طور پر انتخابی میدان میں اتری معروف سماج سیوی تانیہ ناگپال نے اپنی عوامی رابطہ مہم تیز کر دی ہے۔
وہ لگاتار گاؤں گاؤں جا کر عام عوام کے درمیان پہنچ رہی ہیں اور ان کے مقامی مسائل سن کر ان کے حل کی یقین دہانی کرا رہی ہیں۔علاقائی دورے اور مکالمے کے دوران تانیہ ناگپال نے خواتین کی مدد کے مقصد سے انہیں ساڑیاں تقسیم کیں، وہیں مسلم سماج کی خواتین کو برقعے پیش کیے۔
اس کے ساتھ ہی دیہی علاقوں کی نوجوان کھیل صلاحیتوں کی حوصلہ افزائی کے مقصد سے انہوں نے نوجوان کھلاڑیوں کو کرکٹ کٹ فراہم کر کے انہیں اعزاز سے نوازا۔تانیہ ناگپال کے اس طرح گاؤں گاؤں جا کر لوگوں کے مسائل سننے اور ضرورت مندوں کی مدد کرنے کی کوشش کو مقامی سطح پر کافی توجہ مل رہی ہے۔ سابق رکنِ پارلیمنٹ ہریش ناگپال کی زادی تانیہ ناگپال کی عوامی رابطہ مہم تیز، عوامی مسائل کے حل میں مصروف بڑھاپور ودھان سبھا حلقے سے آزاد امیدوار کے طور پر انتخابی میدان میں اتری سماج سیوی تانیہ ناگپال نے اپنی عوامی رابطہ مہم اور تیز کر دی ہے۔
سابق امروہہ رکنِ پارلیمنٹ ہریش ناگپال کی زادی تانیہ ناگپال پچھلے کئی مہینوں سے حلقے کے گاؤں گاؤں جا کر عام عوام کے درمیان پہنچ رہی ہیں اور ان کے مقامی مسائل سن کر ان کے حل کی لگاتار کوشش کر رہی ہیں۔علاقائی دورے اور عوامی مکالمے کے دوران تانیہ ناگپال ضرورت مندوں کی مدد اور نوجوانوں کی حوصلہ افزائی پر خصوصی زور دے رہی ہیں۔ انہوں نے حال ہی میں مختلف گاؤں کا دورہ کر کے خواتین کو ساڑیاں تقسیم کیں، وہیں مسلم سماج کی خواتین کو برقعے پیش کیے۔ اس کے علاوہ دیہی علاقوں کی نوجوان کھیل صلاحیتوں کو بڑھاوا دینے کے مقصد سے انہوں نے مقامی کھلاڑیوں کو کرکٹ کٹ دے کر اعزاز سے نوازا۔

لگاتار گاؤں گاؤں جا کر لوگوں کا حال چال پوچھنے، مسائل کا حل کرنے اور سماجی کاموں میں بڑھ چڑھ کر حصہ لینے کی وجہ سے بڑھاپور علاقے میں ان کی اس مہم کو مقامی لوگوں کی توجہ اور حمایت مل رہی ہے۔