(پی این این)
غازی پور: اتر پردیش کے وزیر اعلیٰ یوگی آدتیہ ناتھ نے جمعرات کے روز غازی پور میں ترقیاتی منصوبوں کے افتتاح اور سنگ بنیاد کی تقریب سے خطاب کرتے ہوئے سماجوادی پارٹی (ایس پی) پر سخت حملہ بولا اور کہا کہ کسی بھی علاقے کی ترقی تبھی ممکن ہے جب وہاں سے اچھے رکن پارلیمنٹ (ایم پی) اور رکن اسمبلی (ایم ایل اے) منتخب کیے جائیں۔
وزیر اعلیٰ نے کہا کہ “اچھے ایم پی اور اچھے ایم ایل اے منتخب کر کے بھیجیں گے، تبھی ترقیاتی کام ہوں گے۔ جہاں ایم پی غیر قانونی اسلحے کے لائسنس بنانے میں مصروف ہوں اور ترقیاتی کاموں کے لیے وقت ہی نہ ہو، وہاں بھگوان ہی مالک ہے۔ وہاں سب کچھ بھگوان بھروسے چل رہا ہے۔” انہوں نے امن و امان کا ذکر کرتے ہوئے کہا کہ ایک وقت میں اقتدار کی سرپرستی میں بی جے پی ایم ایل اے کرشنانند رائے کو قتل کر دیا گیا تھا اور مجرم سرعام گھومتے تھے۔ انہوں نے کہا کہ ڈبل انجن کی حکومت نے مجرموں کو ان کی صحیح جگہ پہنچانے اور قانون کی بالادستی قائم کرنے کا کام کیا ہے۔
وزیر اعلیٰ نے غازی پور کو حب الوطنی کی سرزمین قرار دیتے ہوئے کہا کہ اسی دھرتی نے پرم ویر چکر یافتہ عبدالحمید جیسے بہادر سپوت کو جنم دیا۔ انہوں نے کہا کہ حب الوطنی اور ملک کا دفاع غازی پور کی روایت رہی ہے اور بھارتیہ جنتا پارٹی کی حکومت قومی ہیروز کا احترام کرتی ہے۔ یوگی نے الزام لگایا کہ سماجوادی پارٹی نے مہاراجہ سہیل دیو جیسے قومی ہیروز کو نظر انداز کیا اور غیر ملکی حملہ آوروں کی شان میں قصیدے پڑھے۔ انہوں نے کہا کہ پہلے سالار مسعود کے نام پر میلے لگائے جاتے تھے، جبکہ اب مہاراجہ سہیل دیو کے نام پر میلے لگتے ہیں۔ انہوں نے بتایا کہ مہاراجہ سہیل دیو کے نام پر میڈیکل کالج قائم کیا گیا ہے اور ان کی شاندار یادگار بھی بنائی جا رہی ہے۔ وزیر اعلیٰ نے کہا کہ سابقہ حکومتوں کے دور میں ریاست میں دنگے، ہنگامے اور خوف کا ماحول تھا اور بیٹیاں و تاجر خود کو غیر محفوظ محسوس کرتے تھے۔
انہوں نے الزام لگایا کہ “چاچا اور بھتیجے کی جوڑی” وصولی میں لگی رہتی تھی، جبکہ موجودہ حکومت نے امن و امان کو مضبوط بنا کر ریاست میں تحفظ کا ماحول قائم کیا ہے۔ انہوں نے بھرتی کے عمل میں ہیرا پھیری کرنے والوں کو بھی انتباہ دیتے ہوئے کہا کہ جو کوئی بھی ملازمتوں میں نقب لگانے کی کوشش کرے گا، اس کی جگہ “جہنم” میں ہوگی۔

(پی این این)
امروہہ: اتر پردیش بی ٹی سی ٹیچرز ایسوسی ایشن کے زیر اہتمام گرو پورنیما کے موقع پر، بلاک ایجوکیشن آفیسر آفس، یحییٰ پور (امروہہ) میں نو منتخب بلاک ایجوکیشن آفیسر (BEO) جناب ارون کمار جی کے استقبالیہ پروگرام کا انعقاد کیا گیا۔ اس تقریب میں بلاک کے تمام اساتذہ، معلمات اور شکشا متروں نے بڑھ چڑھ کر حصہ لیا۔اس موقع پر اتر پردیش بی ٹی سی ٹیچرز ایسوسی ایشن کے صوبائی جنرل سکریٹری و ضلع صدر جناب جمشید شریف جی نے تمام اساتذہ کو گرو پورنیما کی مبارکباد دی۔ انہوں نے اساتذہ کو حکومت کی منشا کے مطابق کام کرنے اور اپنے بلاک کو محکمہ جاتی و تعلیمی سرگرمیوں میں ریاست بھر میں پہلے نمبر پر لانے کی ترغیب دی۔
​بلاک ایجوکیشن آفیسر جناب ارون کمار جی نے اس شاندار نظم و ضبط اور تقریب کے انعقاد پر بلاک باڈی کا شکریہ ادا کرتے ہوئے کہا:​”میں تمام معزز اساتذہ کی توقعات پر پورا اترنے کی ہر ممکن کوشش کروں گا۔”​بلاک صدر یونس علی نے ضلع کے کونے کونے سے آئے تمام اساتذہ اور معلمات کا شکریہ ادا کیا۔تقریب کے دوران بلاک ایجوکیشن آفیسر جناب ارون کمار جی اور صوبائی جنرل سکریٹری/ضلع صدر جناب جمشید شریف جی۔​تمام ARP ٹیم، BEO دفتر کا عملہ، ملازمین۔​سینئر ٹیچرز سنکل اور اساتذہ کے بلاک صدر جناب سرویش کمار جی۔​دیگر بلاکس سے آئے ہوئے عہدیداران اور سینئر اساتذہ کو شال، بکے (گلدستہ) اور مٹھائی پیش کر کے ان کی گلپوشی و پذیرائی کی گئی۔
پروگرام میں نسرین فاطمہ صفی عباس، لوکیشن کمار آریہ، نشی بھوشن، سہیل اختر، نکہت پروین، عمرانہ بی بی، راجیش کمار ارجن، ازرا پروین، سعدیہ پروین، عشرا عتیق، دھرمیندر کمار، کاویندر سنگھ، نصرت نقوی، شیبان قادری، تزئین رفعت،سشیل شرما، شمیم احمد، تنو، پریتی، اشتیاق حسین، وجیندر سنگھ، رینو سنگھ، محمد وسیم، نندرام، جیت سنگھ، ریکھا ساگر، منجو دیوی، راکیش کمار روی، ششی کانت گوتم، سردار بلوان سنگھ، عمران، کپِل چوہان، راشد علی، پریتی، نیلم، نوید عثمانی، وسیم، حیدر، آکاش گپتا، دھرم پال سنگھ، کنول سنگھ، کاشف نقوی، سنجے کمار، امِت کمار، امن، شہاب علی، محمد دلشاد، سیما خان، روپ چند، پنکج کمار یادو، لو کمار، وویک کمار، سنجیو کمار، اروند کمار، دَیارام (سابق ARP دھنورا)، ستویر سنگھ، خسرود حیدر، رینو، شیام دیو، سلیم جاوید، انیس علی، پرویز خان، محمد شمی، انیس احمد (سابق AVRC)، مہتاب حسین، عامر عثمانی، ہرویر سنگھ، مکیش کمار، ستویر سنگھ، شمیم احمد، ببلی، کنول سنگھ، جنید مسعود زیدی، ریتو گپتا اور دیگر معزز اساتذہ موجود رہے۔

دیوبند:ضلع مجسٹریٹ اروند کمار چوہان کی صدارت میں منگل کو کلکٹریٹ کے اجلاس گاہ میں ضلع سطحی صحافی مستقل کمیٹی کا اجلاس منعقد ہوا، جس میں صحافیوں سے متعلق مختلف امور، ان کے مسائل اور فلاحی اقدامات پر تفصیلی تبادلہ خیال کیا گیا۔ اس موقع پر ضلع مجسٹریٹ اروند کمار چوہان نے کہا کہ صحافیوں سے متعلق کسی بھی معاملے میں کارروائی مکمل جانچ کے بعد ہی عمل میں لائی جائے گی اور بلاوجہ کسی بھی صحافی کو ہراساں نہیں ہونے دیا جائے گا۔
انہوں نے کہا کہ صحافی معاشرے کا اہم ستون ہیں اور ان کے مسائل کو ترجیحی بنیادوں پر مقررہ مدت میں حل کرنے کی ہر ممکن کوشش کی جائے گی۔ ضلع مجسٹریٹ نے ذرائع ابلاغ کے کردار کو سراہتے ہوئے کہا کہ اخبارات اور دیگر میڈیا پلیٹ فارمز پر اہم، تعمیری اور حوصلہ افزا خبروں کی اشاعت سے معاشرے میں مثبت پیغام پہنچتا ہے۔ انہوں نے صحافیوں سے اپیل کی کہ عوامی مفاد اور ترقیاتی منصوبوں سے متعلق مثبت خبروں کو بھی مناسب اہمیت دی جائے تاکہ زیادہ سے زیادہ لوگ سرکاری فلاحی اسکیموں سے مستفید ہو سکیں۔
اس دوران منظور شدہ صحافیوں کو ٹول پلازہ پر بلا ٹول ٹیکس آمد و رفت کی سہولت فراہم کرنے کے مطالبے پر ضلع مجسٹریٹ نے ضابطوں کے مطابق فیصلہ کرنے کا یقین دلایا۔ اس کے علاوہ انفارمیشن کمپلیکس کے قیام کے لیے زمین فراہم کرنے کے سلسلے میں انہوں نے یقین دہانی کرائی کہ جلد ہی مناسب اراضی کی نشاندہی کا عمل مکمل کیا جائے گا۔ اس دوران ضلع اطلاعاتی افسر دلیپ کمار گپتا نے بتایا کہ منظور شدہ صحافیوں کے آیوشمان کارڈ بنانے کا عمل جاری ہے۔
تاکہ وہ حکومت کی صحت سے متعلق سہولیات سے فائدہ اٹھا سکیں۔ اس دوران سی او سٹی فرسٹ روی کانت، ضلع اطلاعاتی افسر دلیپ کمار گپتا، سینئر صحافی سریندر سنگھل، یش پربھاکر، محمد آصف، مدعو خصوصی رکن آلوک تنیجا سمیت متعدد صحافی موجود تھے۔