مراد آباد میں امروہہ کے کھلاڑیوں نے بلند کیاپرچم، عمر نے چاندی اور وانیہ نے جیتا کانسی کا تمغہ

(پی این این)
امروہہ:مرادآباد تائیکوانڈو اسپورٹس ایسوسی ایشن نے مرادآباد کے کا نٹھ روڈ پر واقع سمر ولا اسکول میں انٹراسکول اوپن تائیکوانڈوچیمپئن شپ کا انعقاد کیا۔
امروہہ تائیکوانڈو فاؤنڈیشن کے کھلاڑیوں نے اپنی شاندار کارکردگی سے ضلع کا نام روشن کیا۔ امروہہ تائیکوانڈو فاؤنڈیشن کے ماسٹر اکبر الدین مغل کی قیادت میں کھلاڑیوں نے اپنی شاندار صلاحیتوں کا مظاہرہ کیا۔
سب جونیئر زمرے میں سخت مقابلے کے درمیان عمر خان نے چاندی کا تمغہ جیتا۔ اس دوران وانیہ خان نے بھی شاندار کارکردگی کا مظاہرہ کرتے ہوئے کانسی کا تمغہ حاصل کیا۔ تائیکوانڈو کے ماسٹراکبر الدین مغل نےاس شاندار کامیابی پر کھلاڑیوں کی حوصلہ افزائی کی۔
انہوں نے کہا کہ اس طرح کے کھیلوں کے مقابلوں سے کھلاڑیوں میں صحت مند مقابلے کا جذبہ پیدا ہوتا ہے اور انہیں آگے بڑھنے کی ترغیب ملتی ہے۔کھلاڑیوں کی کامیابی پر کھیل سے محبت کرنے والوں اور اہل خانہ نے خوشی کا اظہار کیا۔