بجنور :بجنور / بڑھاپور۔ آزاد امیدوار تانیہ ناگپال کی عوامی رابطہ مہم تیز، خواتین میں ساڑی و برقع اور نوجوانوں میں تقسیم کی کرکٹ کٹ۔بڑھاپور ودھان سبھا حلقے سے آزاد امیدوار کے طور پر انتخابی میدان میں اتری معروف سماج سیوی تانیہ ناگپال نے اپنی عوامی رابطہ مہم تیز کر دی ہے۔
وہ لگاتار گاؤں گاؤں جا کر عام عوام کے درمیان پہنچ رہی ہیں اور ان کے مقامی مسائل سن کر ان کے حل کی یقین دہانی کرا رہی ہیں۔علاقائی دورے اور مکالمے کے دوران تانیہ ناگپال نے خواتین کی مدد کے مقصد سے انہیں ساڑیاں تقسیم کیں، وہیں مسلم سماج کی خواتین کو برقعے پیش کیے۔
اس کے ساتھ ہی دیہی علاقوں کی نوجوان کھیل صلاحیتوں کی حوصلہ افزائی کے مقصد سے انہوں نے نوجوان کھلاڑیوں کو کرکٹ کٹ فراہم کر کے انہیں اعزاز سے نوازا۔تانیہ ناگپال کے اس طرح گاؤں گاؤں جا کر لوگوں کے مسائل سننے اور ضرورت مندوں کی مدد کرنے کی کوشش کو مقامی سطح پر کافی توجہ مل رہی ہے۔ سابق رکنِ پارلیمنٹ ہریش ناگپال کی زادی تانیہ ناگپال کی عوامی رابطہ مہم تیز، عوامی مسائل کے حل میں مصروف بڑھاپور ودھان سبھا حلقے سے آزاد امیدوار کے طور پر انتخابی میدان میں اتری سماج سیوی تانیہ ناگپال نے اپنی عوامی رابطہ مہم اور تیز کر دی ہے۔
سابق امروہہ رکنِ پارلیمنٹ ہریش ناگپال کی زادی تانیہ ناگپال پچھلے کئی مہینوں سے حلقے کے گاؤں گاؤں جا کر عام عوام کے درمیان پہنچ رہی ہیں اور ان کے مقامی مسائل سن کر ان کے حل کی لگاتار کوشش کر رہی ہیں۔علاقائی دورے اور عوامی مکالمے کے دوران تانیہ ناگپال ضرورت مندوں کی مدد اور نوجوانوں کی حوصلہ افزائی پر خصوصی زور دے رہی ہیں۔ انہوں نے حال ہی میں مختلف گاؤں کا دورہ کر کے خواتین کو ساڑیاں تقسیم کیں، وہیں مسلم سماج کی خواتین کو برقعے پیش کیے۔ اس کے علاوہ دیہی علاقوں کی نوجوان کھیل صلاحیتوں کو بڑھاوا دینے کے مقصد سے انہوں نے مقامی کھلاڑیوں کو کرکٹ کٹ دے کر اعزاز سے نوازا۔

لگاتار گاؤں گاؤں جا کر لوگوں کا حال چال پوچھنے، مسائل کا حل کرنے اور سماجی کاموں میں بڑھ چڑھ کر حصہ لینے کی وجہ سے بڑھاپور علاقے میں ان کی اس مہم کو مقامی لوگوں کی توجہ اور حمایت مل رہی ہے۔

لکھنؤ: شہر کی تاریخی یکمنارہ مسجد اکبری گیٹ میں مرکزی جمعۃالحفّاظ کی جانب سے ہونے والے بارہ روزہ نبئ آخر الزّماں کا ساتواں جلسہ استاذ الحفّاظ حافظ عبدالرّشید صدر مرکزی جمعۃالحفّاظ کی سرپرستی و قاری محمّد حزقیل امام مسجد ایکمنارہ کی نگرانی وسیّد محمّد اقبال کے زیر انتظام منعقد ہوا جس کا آغاز مدرسہ عالیہ فرقانیہ کے قاری محمّد یوسف وقاری محمد علی کی تلاوت قرآن پاک سے ہوا ۔
جلسے کو خطاب کرتے ہوئے ادارۂ دارالمبلّغین پاٹانالہ کے سینئر استاد مولانا قاری محمد صدّیق امام و خطیب مسجد سبحانیہ پاٹانالہ نے کہا کہ نبی آخر الزماںؐ حضرت محمد مصطفٰی ؐ کی امّت کی رونق اور ذریعۂ افتخار قرآن پاک ھے قرآن پاک کی تلاوت کا اہتمام کرنا نور ھے اور آخرت میں ذخیرہ ھے جن گھروں میں قرآن پاک کی تلاوت کیجاتی ھے وہ گھر آسمان والوں کے لئے ایسے چمکدار ھوتے ہیں جیسا کہ زمین والوں کے لئے آسمان پر ستارے رسول اللہ ؐکی امّت کی رونق اور ذریعۂ افتخار قرآن پاک ھے قاری صدّیق نے کہا کہ ہر چیز کے لئے کوشرافت و افتخار ھوا کرتا ہے حضور اکرم ؐکی امّت کی شرافت و افتخار قرآن پاک ھے۔
رسول اللہ ؐ نے فرمایا کہ میری امّت میں بہترین لوگ وہ ہیں جو قرآن پاک پڑھیں اور پڑھائیں ، جناب محمد عرشی ، محمّد شعیب ، محمد بلال، قاری محمد طہ نے نعت ومدح صحابہ کا منظوم نذرانۂ عقیدت پیش کیا جلسے میں محمّد معروف خاں گہنہ پیلس مولانا محمد غیاث قاسمی قاری محمد یونس حافظ محمد یوسف محمّد ابوبکر ذیشان و دیگر معزّزین موجود تھے جلسے کا اختتام قاری محمّد صدّیق کی دعا پر ھوا ۔

(؍پی این این)
امروہہ: شہرمیں2019کے سی اے اے-این آر سی مظاہروں سے متعلق ایک معاملےکےملزمین کو مقامی پولیس انتظامیہ تصدیق کےنام پرمبینہ طور پر ہراساں کررہی ہے جس کی وجہ سے ملزمین اورانکے اہل خانہ میں خوف ہراس ہے۔ اس معاملے کو لیکر جمعرات کو ملزمین کےوکیل مراد عارف ایڈوکیٹ نےجمعرات کو امروہہ کے سپرنٹنڈنٹ آف پولیس کوایک میمورنڈم پیش کرتے ہوے مطالبہ کیا ہے کہ مقامی پولیس کو ہدایت کریں کہ وہ ملزمین کو غیر ضروری طور پر ہراساں نہ کرے جس میں ان کی مداخلت بہت ضروری ہے تاکہ لوگوں کی بے چینی کم ہو سکے- شہرکےمحلہ چاہ غوری کے رہائشی سینیر ایڈوکیٹ مراد عارف دیگر وکلاء کے ساتھ جمعرات کی دوپہر سپرنٹنڈنٹ آف پولیس کے دفتر پہنچے۔
انہوں نے بتایا کہ امروہہ سٹی پولیس اسٹیشن میں ایف آئی آر نمبر ٨١٤/٢٠١٩ کے تحت تقریباً ٨٥ مظاہرین کے خلاف مقدمہ درج کیا گیا تھا۔ اس کیس کے تقریباً تمام ملزمین ضمانت پر باہر ہیں اور یہ مقدمہ فی الحال ایڈیشنل ڈسٹرکٹ مجسٹریٹ ( فرسٹ) ڈسٹرکٹ مجسٹریٹ کی عدالت میں زیر التوا ہے۔
وکلاء کا الزام ہے کہ چارج شیٹ داخل کرنے اور مقدمے کی سماعت شروع ہونے کے باوجود امروہہ سٹی پولیس اسٹیشن ملزمین کے گھر-گھرجاکرتصدیق کے نام پر ذاتی معلومات جیسے بینک اسٹیٹمنٹس، جائیداد کی تفصیلات، پین کارڈ اور پاسپورٹ مانگ رہی ہےاب تک کہاں خان کا سفر کیا کاروبار کیا ہے اور کس پارٹی سے تعلق ہےجیسے سوالات بھی کے جا رہے ہیں۔
میمورسنڈم میں کہا گیا ہے کہ قانون کے تحت پولیس کو کسی بھی فرد یا کسی ملزم سے اس طریقے سے ذاتی معلومات طلب کرنےکا کوئی حق نہیں ہے۔
ایڈوکیٹ مراد عارف نےسپرنٹنڈنٹ آف پولیس پر زور دیا کہ وہ امروہہ سٹی پولیس اسٹیشن کو ہدایت دیں کہ وہ تصدیق کےنام پرملزمین کو ہراساں کرنےسے بازرہیں، اوریہ کہ اگر کوئی تصدیق ضروری ہے تواسےقانونی دائرے میں رہ کر کرایا جائےجس کی اطلاع پیشگی دی جائے اور ملزمین کو پریشان نہ کیا جائے-ایس پی نے وکلاء کےوفد کو یقین دلایا کہ وہ اس معاملے میں منصفانہ کا روائی کریں گیں اورکسی کو بے وجہ ہراساں نہیں کیا جاےگا ۔
فوٹو -وکلاء کے ساتھ ایس پی کو میمورنڈم دینے جاتے ایڈوکیٹ مراد عارف ۔