علی گڑھ: علی گڑھ مسلم یونیورسٹی کے ویمنس کالج نے سوچھتا پکھواڑہ مہم کے تحت شجرکاری اور صفائی کا حلف لینے کی تقریب منعقد کی۔ویمنس کالج کی پرنسپل پروفیسر شگفتہ امتیاز نے شرکاء کو صفائی کاحلف دلایا۔ اس موقع پر طلبہ اور اساتذہ نے صاف ستھرے اور سرسبز ماحول کو برقرار رکھنے کے عزم کا اظہار کیا۔ طلبہ اور عملے کے ارکان نے لیموں، آملہ اور موسمی کے پودے لگائے۔شعبہ اراضی و باغات کے ممبر انچارج پروفیسر انور شہزاد نے طلبہ پر زور دیا کہ وہ ماحولیاتی تحفظ اور کیمپس میں پائیدار ماحولیات دوست سرگرمیوں کے فروغ میں جوش و خروش کے ساتھ حصہ لیں۔ یہ پروگرام ویمنس کالج کی اساتذہ ڈاکٹر نازش بیگم اور ڈاکٹر صدف فرید کی رہنمائی میں منعقد کیا گیا۔
