چھتیس گڑھ میں ڈی کے ایم ایس کے صدر سمیت 13نکسلیوں نے پولیس کے سامنے خودسپردگی

نارائن پور: چھتیس گڑھ کے نارائن پور ضلع میں جنتانا سرکار اور ڈی کے ایم ایس کے صدر سمیت 13نکسلیوں نے پولیس کے سامنے خودسپردگی کی۔پولیس سپرنٹنڈنٹ پربھات کمار نے کہا کہ ہتھیار ڈالنے والوں میں ایک لاکھ اور 2 لاکھ روپے کے انعام والے نکسلائیٹس بھی شامل ہیں۔ ان نکسلیوں نے بہت سارے ہتھیاروں اور کوکر بم کے ساتھ خودسپردگی کی۔دریں اثنا چھتیس گڑھ کے دنتے واڑہ ضلع میں ہفتہ کو دو انعامی نکسلیوں سمیت کل آٹھ نکسلیوں نے پولیس کے سامنے خودسپردگی کی۔تمام نکسلائٹس نے دنتے واڑہ کے پولیس سپرنٹنڈنٹ (ایس پی) گورو رائے کے سامنے خودسپردگی کی۔
پولیس کے مطابق ہتھیار ڈالنے والے دونوں نکسلیوں پر 50-50 ہزارروپے کے انعام کا اعلان تھا۔