نافذ وقت پر کام مکمل نہ کرنے پر اہلکاروںپرکیا جائے گا جرمانہ

(پی این این)
نئی دہلی :دہلی حکومت نے سرکاری خدمات کو بروقت، شفاف اور جوابدہ بنانے کی سمت میں ایک بڑا قدم اٹھاتے ہوئے ایک نئے قانون کی اطلاع دی ہے۔ دہلی رائٹ ٹو سروس ڈیلیوری ایکٹ، 2026کو مطلع کر دیا گیا ہے۔ اس کا مقصد سرکاری خدمات کو بروقت، شفاف اور قابل رسائی بنانا ہے۔ یہ قانون 2011 کے پرانے اصول کی جگہ لے گا۔ اب مقررہ وقت میں کام مکمل نہ کرنے یا غیر معقول وجہ سے درخواست مسترد کرنے پر ذمہ دار افسر کو 250 روپے یومیہ کے حساب سے زیادہ سے زیادہ 5000 روپے تک جرمانہ کیا جائے گا۔ شہری دفاتر جانے کی ضرورت کو ختم کرتے ہوئے آن لائن اپنی درخواستوں کے اسٹیٹس کو ٹریک کر سکیں گے۔ دہلی سروس رائٹس کمیشن اس عمل کی ڈیجیٹل طور پر نگرانی کرے گا تاکہ یہ یقینی بنایا جا سکے کہ ہر شہری کو بلا تاخیر ان کے حقوق مل جائیں۔