(پی این این)
نئی دہلی: دہلی کی وزیر اعلیٰ ریکھا گپتا نےشمالی دہلی میں آزاد پور منڈی کے قریب چل رہے ترقیاتی کاموں کا معائنہ کیا اور کھلے نالوں اور صفائی کی کمی کے لیے افسران کی سرزنش کی۔ گپتا نے دہلی میٹرو، محکمہ تعمیرات عامہ (پی ڈبلیو ڈی) اور میونسپل کارپوریشن آف دہلی (ایم سی ڈی) کے عہدیداروں کے ساتھ علاقے میں ہو رہے کام کا جائزہ لیا۔
وزیر اعلیٰ نے ایکس پر کہا، “ہم دہلی والوں کی ضروریات کے مطابق بہتر انفراسٹرکچر اور سہولیات تیار کر رہے ہیں۔” نئے ترقیاتی منصوبے برسوں سے نظر انداز کیے گئے علاقوں میں بھی شروع کیے گئے ہیں، اور ہماری حکومت انہیں وقت پر مکمل کرنے اور عوام کے لیے وقف کرنے کے لیے چوبیس گھنٹے مشن موڈ میں کام کر رہی ہے۔ انہوں نے مزید کہا کہ تمام متعلقہ محکموں کو ہدایت کی گئی ہے کہ وہ مقامی شہریوں کی آمدورفت اور سہولیات کو ترجیح دیں۔وزیر اعلیٰ کے مطابق تمام کاموں کو مکمل شفافیت کے ساتھ مقررہ مدت میں مکمل کرنے اور معیار پر سمجھوتہ کیے بغیر یقینی بنانے کی بھی واضح ہدایات دی گئی ہیں تاکہ عوام کو تمام ضروری سہولیات بروقت میسر آسکیں۔
وزیر اعلیٰ نے یہ بھی کہا کہ آس پاس کے علاقوں کا دورہ کرکے صفائی ستھرائی، کچرا اٹھانے اور بہتر انتظام کے حوالے سے متعلقہ حکام کو ضروری ہدایات دی گئی ہیں۔وزیراعلیٰ نے واضح ہدایات جاری کیں کہ تمام کام مکمل شفافیت اور مقررہ مدت میں مکمل کئے جائیں۔ معیار پر سمجھوتہ نہیں کیا جانا چاہیے تاکہ عوام بغیر کسی رکاوٹ کے ضروری خدمات تک رسائی حاصل کر سکیں۔تعمیراتی کاموں کے علاوہ آس پاس کے علاقوں کا بھی دورہ کیا اور صفائی ستھرائی، کچرا اٹھانے اور بہتر انتظام کے حوالے سے متعلقہ افسران کو ضروری ہدایات جاری کیں۔
سوشل میڈیا پلیٹ فارم ایکس پر اس بارے میں جانکاری دیتے ہوئے لکھا ہے کہ ہم دہلی کے لوگوں کی ضروریات کے مطابق بہتر انفراسٹرکچر اور سہولیات تیار کر رہے ہیں۔ برسوں سے نظر انداز کیے گئے علاقوں میں بھی نئے ترقیاتی کام شروع کیے گئے ہیں، اور ہماری حکومت انہیں وقت پر مکمل کرنے اور عوام کے لیے وقف کرنے کے لیے 24×7 مشن موڈ میں کام کر رہی ہے۔

(پی این این )
نئی د ہلی :دہلی میں 1,511 غیر مجاز کالونیوں میں رہنے والوں کے لیے اچھی خبر ہے۔ دہلی میونسپل کارپوریشن (ایم سی ڈی) ان غیر مجاز کالونیوں کو باقاعدہ بنانے کا عمل شروع کرنے کی تیاری کر رہی ہے۔ MCD فی الحال SWAGAMپورٹل کی ڈیمو ٹیسٹنگ کر رہا ہے، اور اسے جلد ہی حکومت کے مرکزی پورٹل کے ساتھ مربوط کر دیا جائے گا۔شناخت شدہ کالونیوں میں 50 فیصد سے زیادہ ڈرون سروے پہلے ہی مکمل ہو چکے ہیں، جو نقشوں، سڑکوں کے نیٹ ورکس اور پراپرٹی کی حدود پر ڈیٹا تیار کر رہے ہیں۔ ان سروے کے ڈیٹا کو پورٹل میں شامل کیا جائے گا۔
جس سے ان کالونیوں کے رہائشیوں کے لیے اپنی جائیدادوں کو ریگولرائز کرنے کے لیے درخواست دینا آسان ہو جائے گا۔ پورٹل بینکنگ موبائل ایپ کی طرح سادہ، بول چال کی زبان استعمال کرتا ہے، جس سے اسے استعمال کرنا آسان ہوتا ہے۔دہلی میونسپل کارپوریشن (ایم سی ڈی) کے ایک سینئر افسر نے کہا، پورٹل کو (مین پورٹل سے) جوڑنے کا کام فی الحال جاری ہے۔ ہم نے ایک ڈیمو کیا اور زبان کو آسان بنانے کے لیے کچھ تبدیلیاں کیں تاکہ ایک عام آدمی بھی درخواست دیتے وقت اس عمل، متعلقہ شعبوں اور اس کے فوائد اور اثرات کو آسانی سے سمجھ سکے۔
ہلکار کے مطابق، اگر تعمیرات ماسٹر پلان کے تحت فلور ایریا ریشو (FAR) سے زیادہ ہوتی ہیں۔
تو مالک کو عام اضافی چارج سے تین گنا جرمانہ ادا کرنا پڑے گا۔ حکام نے یہ بھی واضح کیا کہ جائیدادوں کو ریگولرائز کرنے کے لیے کوئی یکساں فیس نہیں ہے۔اس کے بجائے، اس میں درخواست کی فیس اور معائنہ کی فیس سمیت مختلف چارجز شامل ہوں گے۔ مثال کے طور پر، اگر معائنے کی فیس10 فی مربع میٹر ہے، تو 1,000 مربع میٹر کے تعمیر شدہ علاقے کے لیے، فیس 10,000 ہوگی۔
ریگولرائزیشن کا عمل 700 ایمپینلڈ آرکیٹیکٹس (حکومت کے ذریعہ تسلیم شدہ) کی مدد سے انجام دیا جائے گا۔ مالکانہ حقوق حاصل کرنے کے بعد، معمار موجودہ جائیدادوں کے نقشے تیار کریں گے اور انہیں پورٹل پر اپ لوڈ کریں گے۔ آرکیٹیکٹس پراپرٹی کی اصل حالت کو واضح کرنے کے لیے گراؤنڈ کا دورہ کریں گے، چاہے یہ ایک منزلہ عمارت ہو یا تین منزلہ۔ اس کے بعد نقشے پورٹل پر اپ لوڈ کیے جائیں گے۔ ریگولرائزیشن سرٹیفکیٹ ملنے کے بعد یہ نقشہ سرکاری ریکارڈ کا حصہ بن جائے گا۔
ایم سی ڈی کے ایک اور اہلکار نے کہا کہ جن لوگوں نے 2019 میں شروع کی گئی PM-UDAY اسکیم کے تحت ملکیتی حقوق حاصل نہیں کیے ہیں وہ ایک ماہ کے اندر انہیں حاصل کر سکتے ہیں۔ اس کے بعد، ایم سی ڈی ایک ماہ کے اندر ریگولرائزیشن کی درخواستوں پر بھی کارروائی کرے گی۔اہلکار نے مزید کہا، “ابتدائی مرحلے میں، تقریباً 40,000 رہائشی جنہوں نے مالکانہ حقوق حاصل کیے ہیں ،SWAGAMپورٹل پر براہ راست درخواست دے سکیں گے۔ انہوں نے یہ بھی وضاحت کی کہ ایک بار ریگولرائزیشن کا عمل مکمل ہونے کے بعد، کارپوریشن ان کالونیوں میں سڑکوں اور نالوں جیسے بنیادی ڈھانچے کی بہتری پر کام شروع کرے گی۔

(پی این این)
نئی د ہلی :شعبہ تاریخ و ثقافت، جامعہ ملیہ اسلامیہ نے شعبہ کے سیمینار روم میں ایک مذاکرہ اور انٹرایکٹو سیشن کا انعقاد کیا۔ اجلاس میں مالدیو جمہوریہ سے علا دیدی رسرچ انالسٹ، منسٹری آف آرٹس اینڈ ہیریٹیج، انڈین کونسل آف کلچرل ریلیشنز، وزارت برائے امور خارجہ،حکومت ہندکے اکیڈمک ویزیٹر نے شرکت کی۔
کیمپس پہنچنے پر، عبداللہ عاصم، ان کی سوشل میڈیا ٹیم اور آئی سی سی آر کے رابطہ اہل کار جناب دیپک کے ساتھ علا دیدی نے شعبہ کی سربراہ پروفیسر پریتی شرما اور فیکلٹی اراکین سے ملاقات کی۔ ڈین، فیکلٹی آف ہیومینیٹیز اینڈ لینگویجز پروفیسر اقتدار محمد۔ خان اور ڈین، بین الاقوامی تعلقات، جے ایم آئی، پروفیسر اشویندر کور پوپلی نے بھی بات چیت میں شرکت کی۔ مہمان کو جامعہ کی شاندار تاریخ اور اس کی موجودہ توسیع اور ترقی کے بارے میں بتایا گیا۔ جناب دیدی نے جامعہ اور مالدیپ کے روابط اور ماضی میں اعلیٰ تعلیم کے لیے جامعہ آنے والے مالدیپ کے طلبہ کے بارے میں دلچسپ حقائق اور معلومات بھی ساجھا کیے۔ وہ جامعہ ملیہ کے اس وقت کے شیخ الجامعہ اور ہندوستان کے سابق صدر ڈاکٹر ذاکر حسین کی طرف سے مالدیپ کے اسکالر کو لکھے گئے خط کی نقل بھی لائے تھے۔
ڈینز اور صدور شعبہ جات کے ساتھ ابتدائی ملاقات کے بعد دیدی نے طلبہ سے خطاب کیا اور ’ہند۔مالدیو تاریخی و تہذیبی وثقافتی روابط اور موجودہ اور مستقبل میں باہمی تعلقات کو بہتربنانے کے لیے ان روابط سے استفادہ کرنے‘ کے موضوع پر گفتگو کی۔پروگرام میں فیکلٹی اراکین، ریسر چ اسکالر اور طلبہ بڑی تعداد میں شریک ہوئے۔
جامعہ کی ثقافتی روایت کی عکاسی کرتے ہوئے پروگرام کا آغاز ڈاکٹر شاہ نواز فیاض، شعبہ اردو کی تلاوت کلام پاک اور جامعہ ترانی کی نغمہ سرائی سے ہوا۔ شعبہ کی سربراہ پروفیسر پریتی شرما نے خطبہ استقبالیہ پیش کیا۔ انہوں نے کہا کہ آئی سی سی آر کی طرف سے کئے گئے اس طرح کے اقدامات مشترکہ تعلیمی اہداف کو فروغ دینے اور باہمی تحقیق کے مواقع تلاش کرنے کے لیے سازگار ہیں۔ انہوں نے اس طرح کی تقریبات کے انعقاد کے لیے شیخ الجامعہ،جامعہ ملیہ اسلامیہ پروفیسر مظہر آصف اور پروفیسر محمد مہتاب عالم رضوی،مسجل جامعہ ملیہ اسلامیہ کی جانب سے فراہم کردہ فراخدلانہ تعاون اور حوصلہ افزائی کا بھی اعتراف کیا۔ اس کے بعد پروفیسر اقتدار محمد کی طرف سے دعائیہ کلمات کہے گئے۔ ڈین، فیکلٹی آف ہیومینٹیز اینڈ لینگویجز، پروفیسر خان نے اس طرح کی تعلیمی سرگرمیوں کی معنویت پر زور دیا۔
ڈین، آئی آر، پروفیسر اشویندر پوپلی نے بین الاقوامی دفتر، جامعہ ملیہ اسلامیہ کی طرف سے شروع کی گئی مختلف سرگرمیوں اور پروگراموں کے متعلق معلومات ساجھا کیں، جو اس کی عالمی موجودگی کی تصدیق کرتی ہیں۔ڈین،۔ایف ایچ ایل،ڈین۔آئی آر اور صدر شعبہ تاریخ نے مہمان مقرر کا باقاعدہ استقبال کیا۔ ڈاکٹر روہما جاوید رشید نے مہمان مقررکا باقاعدہ تعارف پیش کیا۔
دیدی نے لیکچر کے بعد پروفیسر مظہر آصف شیخ الجامعہ جامعہ ملیہ اسلامیہ سے ملاقات کی۔ ان کے ساتھ پروفیسر پریتی شرما اور پروفیسر اشویندر پوپلی بھی تھے۔ انہوں نے ہندوستان مالدیپ اور مغربی ایشیا سے متعلق مختلف علمی، تاریخی تعلقات، ثقافتی وابستگی اور عصری مسائل پر تبادلہ خیال کیا۔ شیخ الجامعہ نے مہمان کو مخطوطات سے مزین جامعہ سنٹرل لائبریری کے ذخیرے کے بارے میں معلومات ساجھا کیں۔ پروفیسر آصف نے مہمانوں کو لائبریری وسائل کے کیٹلاگ بھی تحفے میں دیے۔مجموعی طور پر علمی اعتبار سے یہ ایک بھرپور اور ثمر آور تجربہ ثابت ہوا۔