(پی این این)
گیاجی : بہار کے عوام نے ریاست میں اگلی مہاگٹھ بندھن حکومت بنانے کا فیصلہ کیا ہے، اس کے ساتھ ہی بیکار بی جے پی-جے ڈی یو حکومت کو برخاست کردیا جائے گا، یہ دعویٰ گیاجی کانگریس کے مقبول نوجوان لیڈر کنال اگروال نے کیا ہے۔ کنال نے کہا کہ بہار کے لوگ نتیش کے 20 سالہ دور اقتدار سے پوری طرح تنگ آچکے ہیں، اس لیے اب اس حکومت کا جانا یقینی ہے۔ اس بار بہار میں کانگریس لیڈر راہل گاندھی کی محنت رنگ لائے گی۔
کانگریس لیڈر نے کہا کہ بی جے پی اور جے ڈی یو اتحاد کی بہار حکومت ہر محاذ پر مکمل طور پر ناکام ہو چکی ہے، ریاست میں جرائم بھی عروج پر پہنچ چکے ہیں، لیکن نتیش کمار کوئی توجہ نہیں دے رہے ہیں، حکومت پریش کے بابوں کے ذریعے چلائی جا رہی ہے، جب کہ وزیر اعلی گہری نیند میں سو رہے ہیں۔ کنال نے کہا کہ بی جے پی-جے ڈی یو حکومت اب تک عوام سے صرف جھوٹے وعدوں کی خدمت کرتی رہی ہے، جب کہ کانگریس نے ہمیشہ اپنے وعدوں کو پورا کیا ہے اور پارٹی مستقبل میں بھی بہار میں ریاست کو ترقی کی راہ پر لے جانے کے لیے پوری طرح پر عزم ہے۔
کانگریس لیڈر کنال اگروال نے کہا کہ مرکز کی مودی حکومت نعروں کی حکومت ثابت ہوئی ہے، اسے عوام کے مسائل سے کوئی لینا دینا نہیں ہے۔ بی جے پی جھوٹی ضمانتیں دے کر اقتدار پر قبضہ کرتی ہے اور اس کے بعد اسے عوامی فلاح سے کوئی سروکار نہیں ہے۔ بہار میں نتیش بی جے پی کی تمام ضمانتیں کوڑے دان میں پھینک رہے ہیں اور حکومت کے وزراء ملائی کھانے میں مصروف ہیں۔
کنال نے کہا کہ کانگریس لیڈر راہل گاندھی کی حالیہ ووٹر رائٹس یاترا نے بی جے پی-جے ڈی یو کو پوری طرح سے کھوکھلا کر دیا ہے اور اب ریاست کے لوگ پوری طرح سمجھ چکے ہیں کہ بی جے پی ووٹ چوری کے ذریعے حکومت پر قبضہ کر رہی ہے، لیکن اب راہل گاندھی کے انکشافات کے بعد بی جے پی اور نتیش کمار بھی جواب دینے کے قابل نہیں ہیں۔ اس بار بہار میں نہ تو بی جے پی کی بیان بازی کام آئے گی اور نہ ہی ووٹ چوری، اس لیے بہار سے این ڈی اے کا مکمل صفایا ہو جائے گا۔

(پی این این)
ریول گنج:بہار کے سارن ضلع کے ریول گنج بلاک کی انئی پنچایت کی گرام کچہری میں محکمہ ریونیو اور لینڈ ریفارمس کے زیراہتمام ریونیو مہا ابھیان کے تحت 2 روزہ کیمپ کا آغاز ہوا۔حکومت کی طرف سے فراہم کردہ رعیت کے کاغذات کیمپ میں جمع کرائے گئے۔
بنیادی طور پر ملازم سلونی کماری کے ساتھ سروے کے اہلکار روی رنجن کمار،اپیندر کمار سہنی،رویند کمار پرجاپتی کے ساتھ سرپنچ کے نمائندے چندر کشور سنگھ،پنچ مکیش چوہان،راجو مانجھی پنچ نمائندہ اجے کمار وغیرہ نے کیمپ کی کارروائی میں تعاون کیا۔ اس موقع پر پرچیاں تقسیم کرنے والے ملازمین بھی موجود تھے۔ملازم سلونی کماری نے کہا کہ حکومت کا مقصد رعیت کو سہولت فراہم کرنا ہے۔20 نکاتی چیئرمین دھرمیندر سنگھ چوہان نے کہا کہ حکومت کا یہ پروگرام رعیت کے لیے آسان ہے۔جمع بندی کے کام میں بہتری آنے گی۔عوام سرکل آفس کے چکر لگاتے تھے۔انہیں پریشانی سے نجات مل جائے گی۔
زون کی طرف سے تقسیم کی گئی پرچیوں میں تضاد کی شکایت کرتے ہوئے انہوں نے کہا کہ میں نے 20 نکاتی اجلاس میں اس کو اٹھایا ہے۔بہت سے کسانوں کو ابھی تک جمع بندی کی پرچی نہیں ملی ہے۔گاؤں کی سطح پر جاننے والے لوگوں نے کسانوں نے بھی کیمپ میں مدد کی ان میں اکھلیشور سنگھ، راج کشور سنگھ،رمیش سنگھ،مکھیا کے سابق نمائندہ رام پرتاپ سنگھ،ویریشور سنگھ وغیرہ شامل ہیں۔

(پی این این)
چھپرہ:ڈسٹرکٹ الیکشن آفیسر کم ڈی ایم امن سمیر کی صدارت میں کلکٹریٹ آڈیٹوریم میں تمام اسمبلی حلقوں کے ریٹرننگ آفیسرس،اسسٹنٹ ریٹرننگ آفیسرس اور سیل کے نوڈل آفیسرس کی جائزہ میٹنگ کا انعقاد کیا گیا۔میٹنگ میں ڈی ایم نے تمام ریٹرننگ افسران کے ذریعے اب تک کی گئی تیاریوں کا جائزہ لیا۔انہوں نے کہا کہ سب سے پہلے اپنی سطح پر سیل بنائیں۔جس میں آر او سیل،نامزدگی سیل،بیلٹ پیپر سیل،ڈیٹا اپ لوڈنگ سیل،وہیکل سیل وغیرہ اہم ہیں۔انہوں نے کہا کہ سیل میں ایسے افسران اور اہلکاروں کی الگ الگ نشاندہی کی جانی چاہیے جو کاغزی کاروائی میں ماہر ہوں اور فیلڈ ورک میں ماہر ہوں۔
ڈی ایم نے ڈسپیچ سنٹر،ای وی ایم گودام،کمیشننگ سائٹ اور اسٹرانگ روم کے ساتھ کلیکشن سنٹر کا دورہ کر ضروریات کا جائزہ لے ریکوزیشن تیار کرنے کی ہدایت کی۔انہوں نے بتایا کہ ممکنہ طور پر چھپرہ،گرکھا،ایکما اور بنیا پور اسمبلی کا ڈسپیچ جے پی یونیورسٹی سے،مڑھوڑہ،تریاں اور امنور کو آئی ٹی آئی مڑھوڑہ سے،مانجھی کو راجندر کالج سے اور پرسا و سونپور کو گوگل سنگھ ہائی اسکول نیاگاؤں سے روانہ کرنے کی تجویز ہے۔نیز تمام اسمبلیوں کی ریسیونگ اور کاؤنٹنگ بازار سمیتی میں کرنے کی تجویز ہے۔انہوں نے کہا کہ آپ کی مدد کے لیے ضلع کی سطح پر کل 22 سیل بنائے گئے ہیں۔ریٹرننگ آفیسر اور اسسٹنٹ ریٹرننگ آفیسر کو آزادانہ طور پر تمام کام کرنا اور کروانا ہے۔وہ ڈسٹرکٹ سیل کے نوڈل آفیسر سے مسلسل رابطے میں رہ کر ضروری مدد حاصل کریں۔
ڈی ایم نے کہا کہ اگلے مہینے کے پہلے ہفتہ میں نوٹیفکیشن کا تصور لگا کر کام کیا جائے۔تاکہ آپ کو تمام تیاریوں کو مکمل کرنے میں کسی قسم کی دشواری کا سامنا نہ کرنا پڑے اور خاطر خواہ وقت ملے۔میٹنگ میں پی پی ٹی کے ذریعے اسٹیبلیشمنٹ،تربیت،ای وی ایم،اسٹرانگ روم،میٹریل،امن و امان،ماڈل ضابطہ اخلاق،بیلٹ پیپر،پوسٹل بیلٹ پیپر،نامزدگی،آبزرور،میڈیا،کمپیوٹرائزیشن،سائبر سیکیورٹی،شکایات ازالہ،کمیونیکیشن،سنگل ونڈو،سویپ،الیکشن سیل وغیرہ کے ایکشن پلان کا جائزہ لیا گیا اور ضروری ہدایات دی گئیں۔
اس موقع پر ایڈیشنل کلکٹر مکیش کمار،آر او کم اے ڈی ایم پی جی آر او شیو کمار پنڈت،ایس ڈی ایم صدر نتیش کمار،ایس ڈی ایم سونپور اسنیگدھا نیہا،ایس ڈی ایم مڑھوڑہ ندھی راج،ڈسٹرکٹ لینڈ ایکوزیشن آفیسر اوم پرکاش،پنچایت راج افسر ششی کمار،ڈی سی ایل آر صدر مسٹر آلوک کمار،ڈائرکٹر ڈی آر ڈی اے رادھے شیام کمار مشرا،ڈی سی ایل آر مڑھوڑہ،ڈپٹی الیکشن آفیسر جاوید اقبال،ڈی پی آر او روندر کمار اور دیگر موجود تھے۔