(پی این این)
نئی دہلی:برکس ایک مساوی اور متوازن کثیر قطبی ترتیب کی تشکیل کے لیے ابھرتی ہوئی معیشتوں کے درمیان تعاون کے لیے ایک اہم پلیٹ فارم ہے۔ وزیر اعظم نریندر مودی نے بدھ کے روز کہا کہ جب وہ ریو ڈی جنیرو میں برکس سربراہی اجلاس میں شرکت کے لیے پانچ ملکوں کے دورے پر روانہ ہوئے جس کا مقصدر گلوبل ساؤتھ میں کلیدی کھلاڑیوں کے ساتھ قریبی تعلقات استوار کرنا ہے۔مودی گھانا میں ہفتہ بھر کا دورہ شروع کریں گے، اور پھر ٹرینیڈاڈ اور ٹوباگو، ارجنٹائن، برازیل اور نمیبیا کا سفر کریں گے۔
عہدیداروں نے کہا ہے کہ برازیل میں برکس سمٹ میں قائدین کے اعلامیہ میں پہلگام حملے کی مذمت کی جائے گی اور دہشت گردی کے خلاف مربوط عالمی کارروائی کا مطالبہ کیا جائے گا۔ مودی نے سوشل میڈیا پر کہا اگلے چند دنوں میں، میں گھانا، ٹرینیڈاڈ اور ٹوباگو، ارجنٹائن، برازیل اور نمیبیا میں مختلف دو طرفہ، کثیر جہتی اور دیگر پروگراموں میں شرکت کروں گا۔ عالمی رہنماؤں کے ساتھ بات چیت کرنے اور اپنے سیارے کو بہتر بنانے کے طریقوں پر تبادلہ خیال کرنے کے منتظر ہوں۔
انہوں نے اپنی روانگی سے قبل ایک بیان میں کہا، مجھے یقین ہے کہ میرے پانچ ممالک کے دورے عالمی جنوب میں ہمارے دوستی کے رشتے کو مزید تقویت دیں گے، بحر اوقیانوس کے دونوں جانب ہماری شراکت داری کو مضبوط کریں گے، اور کثیرالجہتی پلیٹ فارمز جیسے برکس، افریقی یونین، ایکواس اور کیریکوم میں مصروفیات کو گہرا کریں گے۔گھانا میں 2-3 جولائی کے دوران مودی صدر جان ڈرامانی مہاما کے ساتھ بات چیت کریں گے جس کا مقصد سرمایہ کاری، توانائی، صحت، سلامتی اور ترقیاتی شراکت داری میں تعاون کی نئی راہیں کھولنا ہے۔گھانا گلوبل ساؤتھ میں ایک قابل قدر شراکت دار ہے اور افریقی یونین اور مغربی افریقی ریاستوں کی اقتصادی برادری میں ایک اہم کردار ادا کرتا ہے… ساتھی جمہوریتوں کے طور پر، گھانا کی پارلیمنٹ میں خطاب کرنا اعزاز کی بات ہو گی۔
مودی نے ٹرینیڈاڈ اور ٹوباگو کو بیان کیا، جس کا وہ 3-4 جولائی کے دوران دورہ کریں گے، ایک ایسے ملک کے طور پر جس کے ساتھ ہم گہرے تاریخی، ثقافتی اور لوگوں کے درمیان جڑے ہوئے ہیں۔وہ صدر کرسٹین کارلا کینگالو اور وزیر اعظم کملا پرساد۔بیسسر سے ملاقات کریں گے، جو دونوں ہندوستانی نژاد ہیں۔ ہندوستانی پہلی بار ٹرینیڈاڈ اور ٹوباگو میں 180 سال پہلے پہنچے تھے۔ یہ دورہ نسب اور رشتہ داری کے خصوصی رشتوں کو پھر سے جوان کرنے کا موقع فراہم کرے گا جو ہمیں متحد کرتے ہیں۔

(پی این این)
علی گڑھ:علی گڑھ مسلم یونیورسٹی (اے ایم یو) کے غیر ملکی زبانوں کے شعبہ کے 9 طلبہ کو عالمی شہرت یافتہ امریکی ملٹی نیشنل کمپنی ایمیزون نے منتخب کیا ہے۔ یہ بھرتی ٹریننگ اینڈ پلیسمنٹ آفس (جنرل) کے زیر اہتمام منعقدہ پلیسمنٹ مہم کے تحت عمل میں آئی۔ ایمیزون، جو ای-کامرس، کلاؤڈ کمپیوٹنگ، ڈیجیٹل مارکیٹنگ اور مصنوعی ذہانت کے شعبوں میں عالمی سطح کا ایک سرکردہ ادارہ ہے، نے کئی مراحل پر مشتمل ٹسٹ کے بعد طلبہ کو سینیئر ایسوسی ایٹ، کیٹلاگ ایسوسی ایٹ، اور ڈیٹا ایسوسی ایٹ کے عہدوں کے لیے منتخب کیا۔
صدر شعبہ پروفیسر محمد اظہر نے اس حصولیابی پر اظہار مسرت کرتے ہوئے کہا”یہ صرف شعبہ کے لئے نہیں بلکہ پوری یونیورسٹی کے لئے قابل فخر لمحہ ہے۔ ہمارے طلبہ نے یہ ثابت کیا ہے کہ غیرملکی زبانوں کے علم، اکادمک ڈسپلن اور تربیت کے ساتھ دنیا کی معروف کمپنیوں میں مواقع حاصل کئے جاسکتے ہیں۔ ہم اپنے کورس کو عالمی معیارات کے مطابق مزید بہتر بنانے کے تئیں پرعزم ہیں“۔
ٹریننگ و پلیسمنٹ آفیسر (جنرل) سعد حمید نے کہا کہ اس پلیسمنٹ سے اے ایم یو کے لینگویج کورسیز کی بین الاقوامی بازار میں مضبوط ہوتی ساکھ کا پتہ چلتا ہے۔ انھوں نے بتایا کہ منتخب شدہ طلبہ میں ایم اے،فرانسیسی زبان سے خوشبو یادو اور ثمرہ عقیل، ایم اے ہسپانوی سے طیبہ جیلانی، سخاویہ احمد اور احمد ظہیر خان، ایم اے جرمن سے رمشہ افضل، اور بی اے ہسپانوی سے محمد حارث، محمد عارض اور تبریز خان شامل ہیں۔

(پی این این)
علی گڑھ: ملک گیر ’نشہ مُکت بھارت پکھواڑہ‘ مہم کے تحت علیگڑھ مسلم یونیورسٹی کے عبداللہ اسکول نے منشیات کے نقصانات اوران کی غیر قانونی اسمگلنگ کے مضر اثرات سے آگہی کے لیے ایک بیداری پروگرام منعقد کیا۔
اسکول کی سپرنٹنڈنٹ عمرہ ظہیر نے طلبہ سے خطاب کرتے ہوئے منشیات کے استعمال سے وابستہ سنگین خطرات پر روشنی ڈالی۔ اُنہوں نے جسمانی و ذہنی صحت، سماجی تعلقات اور مجموعی فلاح و بہبود پر اس کے منفی اثرات کی وضاحت کی۔ انہوں نے 2047 تک ”منشیات سے پاک ہندوستان“ کے ہدف کو حاصل کرنے کے لیے اجتماعی اور فعال کوششوں کی ضرورت پر زور دیا۔
عمرہ ظہیر نے منشیات کے خلاف بچوں کو حلف بھی دلوایا تاکہ مہم کے مقاصد کے تئیں ان کی وابستگی کو مستحکم کیا جا سکے۔ طلبہ اور والدین کے لئے ایک آگہی ویڈیو کے ذریعہ اس مہم کے کلیدی پیغامات کو زیادہ سے زیادہ لوگوں تک پہنچانے پر زور دیا گیا۔
یہ پروگرام منشیات کی لت اور اس کی اسمگلنگ کے خلاف منائے جانے والے عالمی دن کی مناسبت سے منعقد کیا گیا۔