سارن میں ‘مہیلا سمواد پروگرام’ میں اب تک 3.83 لاکھ خواتین نے لیا حصہ

(پی این این)
سارن :ضلع میں خواتین کو بااختیار بنانے کی سمت میں جاری ‘مہیلا سمواد پروگرام’ نے اپنے 40ویں دن میں داخل ہوتے ہوئے ایک نئی کامیابی درج کی۔اب تک ضلع کے 20 بلاکس کی تقریباً 3.83 لاکھ خواتین نے اس مہم میں حصہ لیا ہے۔جب کہ اب تک 39,647 خواتین کی خواہشات جمع کی جاچکی ہیں۔پروگرام کے تحت ہر مقام پر آگاہی گاڑیوں کے ذریعے ویڈیو فلمیں دکھائی جا رہی ہیں۔جن میں بہار حکومت کی خواتین دوست اسکیموں کے بارے میں معلومات دی جاتی ہیں۔اس کے ساتھ آسان زبان میں تیار کردہ کتابچہ بھی تقسیم کیے جارہے ہیں۔تاکہ اسکیموں کی معلومات ہر خاتون تک پہنچ سکیں۔
ڈی ایم امن سمیر گرکھا بلاک کے سرگٹی پنچایت میں واقع کاجل گرام سنگٹھن میں منعقدہ سمواد سیشن میں پہنچے اور خواتین سے بات چیت کی۔انہوں نے خواتین کے مسائل،خواہشات اور تجاویز کو سنجیدگی سے سنا اور انہیں قیادت اور سرکاری اسکیموں میں حصہ لینے کی ترغیب دی۔مکالمے کے دوران خواتین نے دیہی علاقوں میں چھوٹی اور کاٹیج انڈسٹریز،مستقل منڈی،فنی تربیتی مرکز،روایتی مصنوعات کی مارکیٹنگ کی سہولت جیسی اہم تجاویز دیں۔ساتھ ہی طالبات نے اسٹوڈنٹ کریڈٹ کارڈ اسکیم کی قرض کی حد کو 4 لاکھ روپے سے بڑھا کر 15 لاکھ روپے کرنے کا مطالبہ کیا۔تاکہ اعلیٰ تعلیم کا راستہ آسان بنایا جاسکے۔دیگر بلاکس میں منعقدہ سیشنوں میں خواتین نے نمایاں طور پر زمینی مسائل کو اٹھایا۔جیسے سڑکوں کی مرمت،نالوں کی صفائی،کمیونٹی بیت الخلاء،بیوہ پنشن میں اضافہ،راشن شاپس کا قیام،معذور الاؤنس اور گریجویٹ سطح کے کالج کی ضرورت۔
قابل ذکر ہے کہ یہ مکالمہ صرف جیویکا گروپوں تک محدود نہیں ہے بلکہ عام خواتین بھی بڑی تعداد میں اس میں حصہ لے رہی ہیں۔ڈی ایم سمیر کی سرگرمی اور حساسیت کی وجہ سے یہ پروگرام سارن میں خواتین کے لیے ایک متاثر کن اقدام بن گیا ہے۔اس سے ثابت ہوتا ہے کہ جب انتظامیہ شراکت دار اور معاون کردار ادا کرتی ہے تو سماجی تبدیلی کا عمل تیز اور موثر ہو جاتا ہے۔اس پروگرام میں ڈی پی ایم جیویکا ارون کمار،منیجر مائیکرو فائنانس منوج کمار،بی پی ایم ویمل کمار،کمیونٹی کوآرڈینیٹر جے پرکاش گپتا،شیو پرکاش کے ساتھ سینکڑوں جیویکا اور غیر جیویکا خواتین شریک تھیں۔