دہلی BJP لیجسلیچر پارٹی میٹنگ میں دو روزہ خصوصی اسمبلی اجلاس بلانے کا اعلان

(پی این این)
نئی دہلی :آج دہلی سکریٹریٹ میں دہلی بی جے پی کے تمام ایم ایل ایز کے ساتھ ایک اہم میٹنگ کی۔ یہ ملاقات باقاعدہ عوامی نمائندوںکا حصہ تھا، جس کا مقصد حکومت اور عوامی نمائندوں کے درمیان بات چیت کو مضبوط بنانا تھا۔

میٹنگ میں ممبران اسمبلی سے 20 روزہ مشن سوچھتا ابھیان کے موثر نفاذ کے لیے فعال شرکت کو یقینی بنانے کی اپیل کی گئی۔ اس کے ساتھ ہی دیگر عوامی فلاحی اسکیموں جیسے آیوشمان بھارت، وایا وندنا وغیرہ کو عوام تک پہنچانے کی ہدایت بھی دی گئی۔میٹنگ کے دوران مانسون سیشن کے پیش نظر پانی جمع ہونے، نکاسی آب کے نظام جیسے مسائل پر بھی تفصیلی تبادلہ خیال کیا گیا۔ اراکین اسمبلی نے اپنے متعلقہ اسمبلی حلقوں کے اہم مسائل کو سامنے رکھا اور ان کے مناسب اور جلد حل کی توقع ظاہر کی۔ اراکین اسمبلی کو یقین دلایا گیا کہ متعلقہ محکموں کو عوامی مفاد سے متعلق تمام مسائل کے ازالے کے لیے رہنما خطوط جاری کیے جا رہے ہیں اور مربوط کوششوں کے ذریعے ان کے حل کو یقینی بنایا جائے گا۔

دہلی سکریٹریٹ میں منعقدہ بی جے پی لیجسلیچر پارٹی کی میٹنگ میں دو روزہ خصوصی اسمبلی اجلاس بلانے اور پرائیویٹ اسکول فیس بل پیش کرنے کا فیصلہ کیا گیا۔ وزیر اعلیٰ ریکھا گپتا نے میڈیکل لیگل ایویڈینس اور پیشنٹ رپورٹنگ پورٹل کا آغاز کیا۔بی جے پی لیجسلیچر پارٹی کی میٹنگ دہلی سکریٹریٹ میں وزیر اعلیٰ ریکھا گپتا کی صدارت میں ہوئی۔ اجلاس میں اہم فیصلہ کرتے ہوئے 13-14 مئی کو دو روزہ خصوصی اسمبلی اجلاس بلانے کا فیصلہ کیا گیا۔ پرائیویٹ اسکول فیس بل اس اجلاس میں اسمبلی میں پیش کیا جائے گا۔دہلی حکومت کے وزیر آشیش سود نے کہا، ‘لیجسلیٹو پارٹی کی میٹنگ آئندہ اسمبلی اجلاس کی تیاری کے لیے تھی اور تمام ایم ایل ایز نےاپنے علاقوں کے مسائل اور اپنی حکومت کی کامیابیوں کے بارے میں آپس میں بات چیت کی۔

‘ انہوں نے مزید کہا، ‘125 سالوں میں دہلی میں مئی میں اتنی بارش کبھی نہیں ہوئی اور پانی بھرنے کا مسئلہ ایک گھنٹے میں حل ہو گیا۔ ہماری مانسون کی تیاریاں ٹھیک چل رہی ہیں اور ہم کامیاب ہوں گے۔اس کے ساتھ ہی وزیر اعلیٰ ریکھا گپتا نے دہلی سکریٹریٹ میں میڈیکل لیگل ایویڈینس اور پیشنٹ رپورٹنگ پورٹل کا آغاز کیا۔ اس ڈیجیٹل پلیٹ فارم کا مقصد طبی قانونی دستاویزات کے عمل میں شفافیت، کارکردگی اور جوابدہی کو بڑھانا ہے۔ اس موقع پر چیف سکریٹری دھرمیندر اور پولس کمشنر سنجے اروڑہ بھی موجود تھے۔

پروگرام کے دوران ایک وین بھی چلائی گئی۔دہلی میں اسکولوں کی فیسوں میں اضافے کو لے کر اکثر شکایات سامنے آتی رہی ہیں۔ اس کی وجہ سے دہلی کی بی جے پی حکومت ایک بڑا قدم اٹھانے جا رہی ہے۔ دہلی کی بی جے پی حکومت نے اسکولوں میں فیس کے تعین کے لیے بل لانے کا فیصلہ کیا ہے۔ دہلی حکومت اسکول ایجوکیشن فیس کے تعین اور ریگولیشن میں شفافیت کا بل لانے کی تیاری کر رہی ہے۔ اس کے لیے مئی میں بل لایا جائے گا۔