گرامین پتر کار ایسو سی ایشن کی جانب سے سمینار اور تقسیم ایوارڈ پروگرام منعقد

دیوبند:جنتا انٹر کالج کے میٹنگ ہال میں گرامین پتر کار ایسوسی ایشن کے بانی بابو بالیشور لال کے یوم وفات پر گرامین پترکار ایسوسی ایشن کی جانب سے ایک سمینار اورتقسیم ایوار ڈ کا پروگرام منعقد کیا گیا ۔اس پروگرام سے خطاب کرتے ہوئے بہٹ اسمبلی حلقہ کے ایم ایل اے عمر علی خاں اور سابق رکن اسمبلی نریش سینی نے کہا کہ بابو بالیشورلال اتر پردیش میں گرامین صحافت کے رہنما تھے ۔انہوں نے اپنی پوری زندگی دیہی علاقوں کے مسائل کو قومی سطح تک پہنچانے اور صحافیوں کو متحد کرنے کے لئے وقف کردی تھی ۔
اپنے خطاب کے دوران انہوںنے کہا کہ سبھی صحافیوں کو چاہئے کہ وہ تمام مسائل اور خبروں کو غیر جانبدارانہ طریقہ سے حکومت وانتظامیہ اور متعلقہ افراد کو بیدار کرنے کے لئے کام کریں کیوں کہ صحافت جمہوریت کا چھوتھا ستون ہے ۔انہوں نے کہا کہ جب کوئی شخص ہر جگہ سے پریشان ہوجاتا ہے تو آخر میں اس کو صحافیوں کی ہی یاد آتی ہے تاکہ ان کے مسائل کا حل ہوسکے کیوں کہ بہت سے مسائل ایسے ہوتے ہیں جو صحافت کے توسط سے ہی پرنٹ میڈیا یا الیکٹرانک میڈیا نیز سوشل میڈیا کے سہارے ہی لوگوں تک پہنچائے جاتے ہیں انہوں نے اپیل کی کہ صحافیوں کو مفاد عامہ کے مسائل کو زیادہ اجاگر کرنا چاہئے اور انہیں متعلقہ افسران تک پہونچانے کی کوشش کرنی چاہئے ۔
پروگرام کی صدارت کرنے والے آلوک تنیجا نے اپنے خطاب کے دوران اتحاد پر زور دیتے ہوئے کہا کہ صحافیوں کے حقوق ان کا عزت ووقار کی حفاظت کے لئے گرامین پتر کار ایسوسی ایشن ہمیشہ سرگرم رہے گی ۔ان کے علاوہ بی جے پی لیڈر صاحب سنگھ پنڈیر جنتا انٹر کالج کے پر نسپل سبھاس ساگر ،سابق چیئرمین دلشاد پنوار ،سنجیو عرف بابی ،سید فیضان حسین اور سونیندر رانا نے بھی خطاب کیا ۔پروگرام میں شریک تمام مہمانوں ،سماجی اور سیاسی شخصیات کو پھولوں کے گلدستے پیش کرکے استقبال کیا گیا اور توصیفی اسناد پیش کی گئیں ۔اس دوران پروگرام میں شریک مہمانوں نے بھی صحافیوں کو توصیفی اسناد دے کر اعزاز سے نواز ا ۔
پروگرام کی نظامت کے فرائض تنظیم کے تحصیل صدر ایس ایم حسین زیدی نے انجام دیئے ۔پروگرام میں ضلع سکریٹری ستیش آزاد ،سنیل جیسوال ،سینئر صحافی انیس صدیقی ،ناصر حسین زیدی ایڈکیٹ ،نریندر کامبوج ،مظفر آباد بلاک کے صدر فرقان ملک ،ڈاکٹر سندر لال ،عبد الباری ،افضل علی ،کلدیپ سنگھ ،نیٹو سینی ،امجد حسین ،آصف خان ،سوم پال کشیپ ،نتن سینی ،ڈاکٹر سندیپ ،معروف مرزا ،گڈو پیر زادہ ،عثمان علی ،نیلم سینی ،اشفاق عنبر ،نوشاد علی ،سنجے بے درد ،نواب ملک ،اکرم ملک ،ممتاز احمد ،ڈاکٹر مرغوب الحق اور دیگر صحافی ومعززشخصیات موجودرہی۔