را جگیر سے ہاوڑہ جانے والی ٹرین کوہری جھنڈی دکھائیں گے کوشلیندر کمار

(پی این این)
بہار شریف:نالندہ کے رکن پارلیمان کی کوشش رنگ لائی، راجگیر سے ہاوڑہ کولکاتا جانے والی ٹرین کو رکن پارلیمان کوشلیندر کمار راجگیر اسٹیشن سے ہری جھنڈی دکھائیں گے۔
نالندہ کے لوگوں کا بہت پرانا مطالبہ راجگیر-ہاوڑہ ٹرین جو کورونا دور سے بند ہو گئی تھی، رکن پارلیمان کی کوشش سے نالندہ کے لوگوں کے لیے ایک بار پھر یہ ٹرین راجگیر سے کھل کر بہار شریف، استھاواں، شیخ پورہ، کیول، سلطان گنج، بھاگل پور، رام پور ہاٹ ہوتے ہوئے ہاوڑہ تک جائے گی۔
رکن پارلیمان جناب کمار نے بتایا کہ راجگیر بین الاقوامی سیاحتی مقام ہونے کے ساتھ ساتھ بہت سارے سیاح بنگال سے اس مل ماس میلے میں اور سال بھر راجگیر آتے ہیں۔
یہ ٹرین بند ہو جانے سے ہاوڑہ سے راجگیر کا براہ راست رابطہ ٹوٹ گیا تھا جسے دوبارہ بحال کیا جا رہا ہے۔رکن پارلیمان جناب کمار نے بتایا کہ بہار اور بنگال کی تہذیب، ثقافت، تجارت کا تبادلہ اور زیادہ سے زیادہ سیاحوں کا نالندہ راجگیر آمد بآسانی ہوگا۔
رکن پارلیمان جناب کمار نے بتایا کہ ہر 3 سال پر لگنے والے اس مل ماس میلے میں شیخ پورہ، لکھی سرائے، بھاگل پور اور دیگر اضلاع سے آنے والے لوگوں کے لیے یہ ٹرین مفید ثابت ہوگی۔ نالندہ کے رکن پارلیمان نے میلے کے افتتاح سے پہلے راجگیر میلا علاقے کا دورہ کر کے لوگوں کو بتایا کہ میلے کا انتظام کافی اچھا ہے۔ عقیدت مندوں کے رہنے کے لیے ٹینٹ سٹی کی تعمیر کرائی گئی ہے۔
جیویکا دیدی کے سستے روٹی کا اسٹال، بچوں کیلئے تفریح کیلئے جھولے، سرکس، جادوگر کا لطف لے سکتے ہیں۔ ضلع انتظامیہ کی طرف سے اچھا انتظام کیا گیا ہے جس کا لطف لوگ آرام سے لے سکتے ہیں اور میلے کا دورہ بے خوف ہو کر کر سکتے ہیں۔