دلی این سی آر

سیلم پور قتل کیس میں لیڈی ڈان سمیت 3 افراد گرفتار, حالات کشیدہ

Published

on

نئی دہلی:  دہلی کے سیلم پور علاقے میں نوجوان کے قتل کے بعد حالات بدستور کشیدہ ہیں، حالانکہ پولس انتظامیہ کی جانب سے سخت حفاظتی انتظامات کیے گئے ہیں۔ حکام نے جمعہ کو بتایا کہ پولیس نے شمال مشرقی دہلی کے سیلم پور علاقے میں سیکورٹی بڑھا دی ہے۔

ادھر سیلم پور قتل کیس کی ملزمہ لیڈی ڈان ذکرا کو گرفتار کر لیا گیا ہے۔۔ وہ فی الحال پولیس کی حراست میں ہے۔ ان کے ساتھ تین دیگر افراد کو بھی پولیس نے حراست میں لے لیا ہے۔ سیلم پور میں 17 سالہ لڑکے کے قتل کے معاملے میں لیڈی ڈان ذکرا کا نام آ رہا تھا۔ بتایا جا رہا تھا کہ ذکرا اور اس کے بھائی ساحل نے مل کر یہ کام انجام دیا تھا۔ ذکرا اب پولیس کی حراست میں ہے۔ ساحل بھی پولیس سے مسلسل رابطے میں ہے۔
شام 7.38 بجے کنال دودھ لینے سیالپور کے جے بلاک جا رہا تھا۔ اس دوران اسے چاقو کے وار کر کے قتل کر دیا گیا۔ اس کے قتل کے بعد سے علاقے میں کشیدگی ہے۔ پولیس ذرائع کے مطابق قتل کی سازش ‘لیڈی ڈان کے نام سے مشہور ذکرا نے رچی تھی۔ معلومات کے مطابق وہ اپنے بھائی کے چھرا گھونپنے اور حملے کا بدلہ لینا چاہتی تھی۔

"وہ اپنا گینگ چلا رہی تھی۔ وہ حال ہی میں ایک کیس میں جیل بھی گئی تھی،” ذرائع نے بتایا۔  اس قتل کے بعد علاقے میں احتجاجی مظاہرے شروع ہو گئے، پولیس نے سکیورٹی بڑھا دی۔

ایک سینئر افسر نے کہا، "ہم نے سیکورٹی بڑھا دی ہے اور لوگوں کو سڑکوں سے ہٹا دیا ہے۔ ہم امن و امان کو برقرار رکھنے کو یقینی بنا رہے ہیں۔” جمعرات کو لڑکے کی موت کی اطلاع ملتے ہی سیلم پور پولیس اسٹیشن کی ایک ٹیم اسپتال پہنچی۔ کرائم ٹیم کو جائے وقوعہ کا معائنہ کرنے کے لیے بلایا گیا۔

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

رجحان ساز

Copyright © 2025 Probitas News Network