کانگریس کمیٹی نے ارریہ کے مختلف مسائل کے حل کیلئے ضلع مجسٹریٹ کوسونپا میمورنڈم

(پی این این)
ارریہ:گزشتہ کل کانگریس کمیٹی ارریہ کے صدر شری معصوم رضا نے شہر کے مختلف مسائل کے حل کے لئے ضلع مجسٹریٹ کو ایک میمورینڈم سونپا، جس میں مختلف مسائل کی تفصیلات قلمبند کرتے ہوئے لکھا گیا ہےکہ ارریہ شہر میں عام اور خاص لوگوں کو یومیہ سخت جام لگنے اور ٹرافک پولس نہ ہونے کی وجہ سے عام شہریوں کو آمد ورفت میں بڑی دقت اور پریشانیوں کا سامنا کرنا پڑ رہا ہے۔
اسی طرح شہر کی بہت سی سڑکیں خستہ حال ہونے کے سبب اور مولانا ابوالکلام آزاد چوک زیرو مائل میں اووربرج اور سگنل نہ ہونے سے ہمہ وقت حادثے کا خطرہ بنا رہتا ہے، بلکہ زیرو مائل میں اوربرج کی تعمیر اور سگنل نہ ہونے سے درجنوں حادثے رونما ہوچکے ہیں، اس لئے مفاد عامہ میں آپ سے مطالبہ ہے کہ شہر کی مین سڑک پر سگنل نصب کیا جائے یا ٹرافک نظام کو بحال کیا جائے۔
میمورینڈ ممیںکہا گیا ہے کہ زیرومائل شہر کا ایک انتہائی اہم اور مصروف چوراہا ہے، جہاں جام اور سڑک حادثات مسلسل ہو رہے ہیں۔ اس مسئلے کو مستقل طور پر حل کرنے کے لئے زیرومائل پر اوور برج/فلائی اوور کی تعمیر کے لیے ضروری اقدامات کئے جائیں اور جب تک اووربرج کی تعمیر ممکن نہ ہو، جدید ٹریفک لائٹس، سگنلز اور ایک مناسب ٹریفک کنٹرول نظام (سسٹم )کو فوری طور پر نافذ کیا جائے، اس کے علاوہ زیرومائل کی ترقی اور خوبصورتی کے حصے کے طور پر ابوالکلام صاحب کے توران گیٹ کی تنصیب کے لئے بھی ضروری اقدامات کیے جائیں! زیرومائل سے چاندنی چوک تک سڑک پر طویل ٹریفک جام اکثر نظر آتا ہے۔ اس سڑک پر صدر اسپتال کے علاوہ کئی نجی ہاسپیٹل اور تعلیمی ادارے ہیں، ایک پو لوگوں کی بھیڑ اور دوسرے تجاوزات اس پر ستم ٹرافک کا نظام بحال نہ ہونے سےسبب ایمبولینسز اور نازک مریضوں کو بروقت اسپتال پہنچنے اور پڑ نے طلبہ اور طالبات کو اسکول پہنچنے میںبڑے مشکلات کا سامنا کرنا پڑتا ہے جو کہ انتہائی سنگین مسئلہ ہے۔اس لئے اس روڈ پر تجاوزات کی چھان بین کی جائے اور ٹریفک جام کے مسئلے کے مستقل حل کو یقینی بنانے کے لیے ضروری کارروائی، ٹریفک کنٹرول اور دیگر ضروری اقدامات کئے جائیں۔