وزیر اعظم نریندر مودی کی قیادت میں تیزی سے اقتصادی ترقی کررہا ہے ملک

(پی این این)
پٹنہ: بہار بھارتیہ جنتا پارٹی (بی جے پی) کے صدر مسٹر سنجے سراوگی نے ہفتہ کو کہا کہ وزیر اعظم نریندر مودی کی قیادت میں ملک تیزی سے اقتصادی طاقت بن رہا ہے۔ مسٹر سراوگی نے آج ملک کی اقتصادی صورتحال پر کہا کہ آج جب دنیا کے کئی بڑے ممالک اقتصادی چیلنجوں اور کساد بازاری کے خدشات کا سامنا کر رہے ہیں، تب ہندوستان کی معیشت مسلسل مضبوطی کے ساتھ آگے بڑھ رہی ہے۔
انہوں نے کہا کہ وزیر اعظم مسٹر مودی کی قیادت میں ہندوستان نے اقتصادی شعبے میں قابل ذکر کامیابیاں حاصل کی ہیں اور یہی وجہ ہے کہ عالمی سطح پر ہندوستان کا وقار مسلسل بڑھ رہا ہے۔بی جے پی کے ریاستی صدر نے کہا کہ سال 2025-26 کے لیے ہندوستان کی سالانہ جی ڈی پی شرح نمو 7.7 فیصد درج کی گئی ہے، جو دنیا کی اہم معیشتوں کے مقابلے میں کہیں زیادہ ہے۔
انہوں نے کہا کہ چین کی شرح نمو 4.9 فیصد، امریکہ کی 2.3 فیصد اور جی-7 ممالک کی اوسط شرح نمو 1.6 فیصد ہے، جبکہ ہندوستان 7.7 فیصد کی مضبوط ترقی کی شرح کے ساتھ آگے بڑھ رہا ہے۔ انہوں نے کہا کہ یہ ظاہر کرتا ہے کہ ہندوستان کی اقتصادی پالیسیاں صحیح سمت میں کام کر رہی ہیں اور ملک ترقی کے نئی جہت قائم کر رہا ہے۔
مسٹر سراوگی نے کہا کہ ہندوستان کی اقتصادی ترقی صرف اعداد و شمار تک محدود نہیں ہے، بلکہ اس کے پیچھے مضبوط صنعتی ترقی، بڑھتی ہوئی گھریلو مانگ، بنیادی ڈھانچے میں بڑی سرمایہ کاری اور اصلاحاتی پالیسیوں کا اہم کردار ہے۔
انہوں نے کہا کہ مرکزی حکومت کی جانب سے صنعت، زراعت، اسٹارٹ اپ، ڈیجیٹل معیشت اور مینوفیکچرنگ سیکٹر کو فروغ دینے کے لیے کی گئی کوششوں کے مثبت نتائج ملک کی شرح نمو میں واضح طور پر دکھائی دے رہے ہیں۔