رام مندر چندہ پر کانگریس کا احتجاجی مارچ، کلکٹریٹ پر مظاہرہ

چھپرہ :ریاستی کانگریس کی کال پر سارن ضلع کانگریس کمیٹی نے رام مندر میں چندہ کی مبینہ چوری،مذہبی اداروں میں شفافیت اور بی جے پی-آر ایس ایس کے خلاف شہر بھر میں احتجاجی مارچ نکالا اور کلکٹریٹ پر مظاہرہ کیا۔مارچ کانگریس بھون سے شروع ہو کر سادھنا پوری،میونسپلٹی چوک،تھانہ چوک سے ہوتا ہوا کلکٹریٹ پہنچا۔ضلع صدر ڈاکٹر شنکر چودھری اور سونپور ضلع صدر سدھیر کمار رائے نے مشترکہ طور پر مارچ کی قیادت کی۔اجتماع سے خطاب کرتے ہوئے ڈاکٹر چودھری نے کہا کہ رام مندر کروڑوں لوگوں کے عقیدے کا مرکز ہے اور مندروں میں عطیات کی مبینہ چوری کے معاملات کی غیر جانبدارانہ،شفاف اور بروقت تحقیقات ہونی چاہیے۔انہوں نے مطالبہ کیا کہ عقیدت مندوں کی رقم کا مکمل حساب کتاب عام کیا جائے اور قصور واروں کے خلاف قانون کے مطابق کارروائی کی جائے۔سدھیر کمار رائے نے الزام لگایا کہ راہل گاندھی کے چھاتروں کی گونج پروگرام کو روکنے کی کوششیں جمہوری اقدار کے خلاف ہیں۔انہوں نے کہا کہ کانگریس مفاد عامہ کے مسائل کے لیے لڑتی رہے گی۔مظاہرے میں سینئر لیڈر کنہیا گری،ہریش یادو،للن پرساد سنگھ،ملک پرساد یادو،جتیندر سنگھ،فیروز اقبال،راہل کمار یادو،سنیل سنگھ،تارکیشور رام،کمار وشال سنگھ،کملیش کمار پاٹھک،ارون کمار سنگھ،راجو کمار یادو،شیلیندر کمار رائے،پروفیسر سمن پاٹھک،راجو کمار سنگھ،ہیپی یادو،وکاس کمار،دھرمیندر کمار دھرم،فیصل انور،راج بہاری ساہ،راجیش کمار شرما،جئے پرکاش مشرا،گرجا یادو،یاسین آزاد،محمد احساس،منوج کمار تیواری،شہود انصاری،نیاز حسین وغیرہ موجود تھے۔