جامعہ کی قیو ایس ورلڈ یونیورسٹی رینکنگ میں نمایاں کارکردگی

نئی دہلی :جامعہ ملیہ اسلامیہ قیوورلڈ یونیورسٹی رینکنگ دوہزار ستائیس میں نمایاں کارکردگی کا مظاہرہ کرتے ہوئے پچھتر مقام کی چھلانک کے ساتھ چھ سے چھیاسویں عالمی پوزیشن پر پہنچ گیا۔کل شام جاری شدہ باوقار درجہ بندی میں جامعہ، بھارت کے بیس سرکردہ یونیورسٹیوں شامل ہوگئی ہے۔
عز ت مآب پروفیسر مظہر آصف ،شیخ الجامعہ ،جامعہ ملیہ اسلامیہ اور پروفیسر محمد مہتاب عالم رضوی مسجل ،جامعہ ملیہ اسلامیہ نے اس شان دار کارکردگی پر جامعہ برادری کو دل کی گہرائیوں سے مبارک بادپیش کی ہے ۔قیو ایس ورلڈ یونیورسٹی رینکنگ میں جامعہ کے اب تک کے مظاہرے سے اس کی پائے دار ترقی کا اندازہ ہوتاہے ۔دوہزار چار کی عالمی رینکنگ :ایک ہزار سے نوسو اکیاون ،دوہزار پچیس کی قیو ایس ورلڈ رینکنگ میں نو سے آٹھ سو اکیاون اور دوہزار چھبیس کی عالمی رینکنگ میں سات سو ستر سے سات سو ایکسٹھ میں اس کی موجودہ عالمی رینکنگ چھ سو چھیاسی اس کی کارکردگی میں مسلسل بہتری کے رجحانات سامنے آئے ہیں۔قیو ایس کی بہتر درجہ بندی جامعہ ملیہ اسلامیہ کی بڑھتی ہوئی بین الاقوامی ساکھ اور اس کی تعلیمی برادری کی اجتماعی مساعی کو اجاگر کرتی ہے۔جن شعبوں میں اہم کاکردگی رہی ان میں اعلی عالمی رینک( چھ سو چھیاسی) مجموعی بہتر اسکور ( پچیس اعشاریہ نو)بڑے پیمانے پر حوالہ جات کے توسط سے مضبوط تحقیقی اثر،بہتر تعلیمی ساکھ، بین الاقوامی طلبہ کے اندراج میں اضافہ ،گریجویٹ طلبہ کے پلیسمنٹ کے بہتر امکانات اور جملہ علوم وفنون سے متعلق تحقیق میں بڑے پیمانے پر توسیع شامل ہیں۔ پروفیسر مظہر آصف،شیخ الجامعہ ،جامعہ ملیہ اسلامیہ نے اس اہم سنگ میل پر مسرت اور فخر کا اظہارکرتے ہوئے کہا کہ’’ عالمی سطح کے اداروں میں جامعہ ملیہ اسلامیہ کانام آنا قیو ایس ورلڈ رینکنگ کے اہم اشارات میں اس کی بہترین ،اعلی ترین اورجامع کارکردگی کا ثبوت ہے ‘‘۔
پروفیسر آصف نے مزید کہا کہ ’’میں جامعہ کے تمام فیکلٹی اراکین ، محققین، سائنس دانوں اور طلبہ کو خراج تحسین پیش کرتاہوں جن کی شان دار علمی شراکت اور اعلی معیاری تحقیق نے اس بات کو یقینی بنایا کہ جامعہ نے اب تک کی قیو ایس رینکنگ میں اپنا سب اعلی مقام حاصل کرتے ہوئے ملک کے بیس اعلی اداروں میں اپنی جگہ بنائی ہے ۔آیندہ برسوں میں اپنی کارکردگی کو مزید بہتر کرنے کے لیے اور بھی تن دہی سے کام کریںگے۔‘‘پروفیسر محمد مہتاب عالم رضوی، مسجل ،جامعہ ملیہ اسلامیہ نے جامعہ کی شا ن دار بین الاقوامی رینکنگ کو اس کے تدریسی وغیرتدریسی عملہ کی کاوشوں سے منسوب کرتے ہوئے کہاکہ ’یونیورسٹی کا سات سو ایکسٹھ سے سات سو ستر سے عالمی سطح پر چھ سو چھیاسی ویں نمبر پر آنا اس کی تیزی سے جدید تحقیق، قومی اور بین الاقوامی سطح پر علمی شعبے میں اس کے مثبت اثر کو نشان زد کرتاہے۔یہ امر باعث اطمینان ہے کہ جامعہ قومی سطح پربیس سرکردہ اداروں میں شامل ہے۔میں اس موقع پر حکومت ہند ،خاص طورپر عزت مآب وزیر تعلیم کی جانب سے جامعہ کو حاصل ان کی غیر متزلزل حمایت کے لیے ان شکریہ اداکرتا ہوں۔پروفیسر آصف اور پروفیسر رضوی نے انٹرل کوالیٹی ایشورینس سیل(آئی قیو اے سی) کی ڈائریکٹر پروفیسر رفعت پروین اور ان کی ٹیم کے کام کو تمام اہم قومی اور بین الاقوامی درجہ بندیوں میں سال بھر میں جامعہ کی مسلسل اعلی کارکردگی کو یقینی بنانے کے لیے سراہا۔قیو ایس ورلڈ رینکنگ دوہزار ستائیس میں اس سال کی چھلانگ بڑی حدتک یونیورسٹی کے تحقیقی اثرات میں بہتری اور تعلیم و ملازمت و روزگار کے پیمانوں میں اس کی روزافزوں بین الاقوامی ساکھ کے باعث ہوئی ہے۔ڈائریکٹر قیو آئی اے سی نے کہاکہ یہ کامیابی یونیورسٹی کی تعلیمی فضیلت ،تحقیق، اختراع،ملازمت اور عالمی مصروفیت کے لیے مسلسل عزم کی عکاسی کرتی ہے۔قیو ایس ورلڈ رینکنگ دنیا بھر سے اپنی نوعیت کے سرکردہ اداروں کی سب سے جامع درجہ بندی ہے جس میں میں لاکھوں علمی مقالات کے ڈیٹا پوائنٹس کے ساتھ ساتھ لاکھوں ماہرین تعلیم اور آجروں کے رجحانات کا پیش کرتی ہے۔