تحریم فاطمہ نے نیٹ یوجی2026میں شاندار کامیابی حاصل کرکے علاقے کا نام کیاروشن

دربھنگہ: ضلع کی باصلاحیت طالبہ تحریم فاطمہ، دختر اعجاز احمد اور شبانہ پروین نے قومی اہلیت و داخلہ امتحان (نیٹ یوجی) 2026 میں شاندار کارکردگی کا مظاہرہ کرتے ہوئے نمایاں کامیابی حاصل کی ہے۔
تحریم فاطمہ نے 720 میں سے 601 نمبر حاصل کیے ہیں۔ انہیں 99.5092242 پرسنٹائل حاصل ہوا ہے جبکہ آل انڈیا رینک (اے آئی آر) 9503 حاصل کرکے اپنی قابلیت کا لوہا منوایا ہے۔ مضامین کے لحاظ سے انہوں نے حیاتیات (بایولوجی) میں 99.86 پرسنٹائل، کیمسٹری میں 99.71 پرسنٹائل اور فزکس میں 98.38 پرسنٹائل حاصل کیے ہیں۔
تحریم کی اس شاندار کامیابی پر ان کے اہلِ خانہ، اساتذہ اور پورے علاقے میں خوشی کی لہر دوڑ گئی ہے۔ تمام خیرخواہوں نے ان کے روشن مستقبل کے لیے نیک تمناؤں کا اظہار کرتے ہوئے امید ظاہر کی کہ وہ مستقبل میں ایک کامیاب ڈاکٹر بن کر انسانیت، معاشرے اور ملک کی خدمت کریں گی۔اس موقع پر اہلِ خانہ، اساتذہ، دوستوں اور علاقے کی معزز شخصیات نے تحریم فاطمہ کو دلی مبارکباد پیش کرتے ہوئے ان کی اس کامیابی کو ضلع کے لیے باعثِ فخر قرار دیا۔تحریم کے بھائی عبدالواسع نے کہا کہ تحریم نے یہ نمایاں کامیابی حاصل کرکے نہ صرف اپنے خاندان بلکہ پورے معاشرے کا سر فخر سے بلند کیا ہے۔ہم سب کی جانب سے تحریم فاطمہ کو اس شاندار کامیابی پر دلی مبارکباد اور ان کے روشن، کامیاب اور تابناک مستقبل کے لیے نیک خواہشات۔ اللہ تعالیٰ انہیں مزید کامیابیاں عطا فرمائے۔ آمین۔