انوراگ کمار کی دہلی پولیس کوامن و امان کو برقرار رکھنے کی ہدایت

(پی این این)
نئی دہلی: انوراگ کمار نے افسران کو واضح ہدایات دی ہیں کہ قومی دارالحکومت میں امن و امان کو برقرار رکھنا ان کی اولین ترجیح ہوگی۔ ذرائع نے بتایا کہ پولیس کمشنر نے تمام ضلع اور یونٹ کے سربراہوں کو ہدایت دی ہے کہ وہ اس بات کو یقینی بنائیں کہ شہر کے کسی بھی حصے میں امن و امان میں خلل نہ پڑے۔ انوراگ کمار اس سے قبل انٹیلی جنس بیورو (آئی بی) میں خصوصی ڈائریکٹر کے طور پر خدمات انجام دے چکے ہیں۔ انہیں ایجنسی میں تقریباً دو دہائیوں کا تجربہ ہے۔ اس دوران انہوں نے کشمیر، وی آئی پی سیکورٹی اور بائیں بازو کی انتہا پسندی سے متعلق اہم معاملات کو سنبھالا۔وہ واشنگٹن میں ہندوستانی مشن میں بھی خدمات انجام دے چکے ہیں۔ انہیں ان کی شاندار خدمات پر پولیس میڈل (میرٹوریس سروس) اور صدر پولیس میڈل (ممتاز خدمت) سے نوازا گیا ہے۔ انوراگ کمار نے ستیش گولچہ کی جگہ لی، جو اگست 2025 سے دہلی پولیس کمشنر کے عہدے پر فائز تھے۔سونم وانگچک این ای ای ٹی امتحان میں مبینہ بے ضابطگیوں کے خلاف کاکروچ جنتا پارٹی (سی جے پی) کے زیرقیادت احتجاج کی حمایت میں 28 جون سے غیر معینہ بھوک ہڑتال پر ہیں۔
ان کی صحت کی نگرانی کرنے والے ڈاکٹروں کے مطابق ہڑتال کے دوران ان کا تقریباً 9.5 کلو گرام وزن کم ہوا اور ان کے بلڈ پریشر اور بلڈ شوگر کی سطح کو مسلسل مانیٹر کیا جا رہا ہے۔دہلی پولیس نے ایک بیان میں کہا کہ وانگچک کو ڈاکٹروں کے مشورے اور ہائی کورٹ کے احکامات کی تعمیل میں ضروری طبی دیکھ بھال کے لیے اسپتال لے جایا گیا۔ پولیس نے مظاہرین سے اپیل کی کہ وہ اپنا احتجاج پرامن طریقے سے ختم کر کے احتجاج کی جگہ خالی کر دیں۔ پولیس کی کارروائی کے بعد، سی جے پی کے بانی ابھیجیت ڈپکے نے ایک سوشل میڈیا پوسٹ میں الزام لگایا کہ کارروائی کے دوران مظاہرین کو حراست میں لیا گیا اور ان کے خلاف پولیس کارروائی کی گئی۔