(پی این این)
نئی دہلی :دہلی کے ریلوے اسٹیشنوں سے صرف نیلے اور کالے بیگ ہی کیوں چوری ہو رہے تھے، فرار ہونے کا حیرت انگیز طریقہ نکلادہلی کے ریلوے اسٹیشنوں سے نیلے اور کالے رنگ کے تھیلے چوری ہونے لگے۔ آخر یہ دو رنگوں کے تھیلے ہی کیوں اور کیسے چوری ہو رہے تھے۔ دہلی پولیس کے لیے یہ بھی ایک بڑا معمہ تھا جو اب حل ہو گیا ہے۔ اور ان کا پردہ فاش بھی ہوگیا ہے ۔پولیس نے ان میں سے چار کو گرفتار کرنے کے بعد یہ انکشاف کیا ہے۔ چور اپنے آپ کو کپڑے کا سوداگر ظاہر کر کے مسافروں کے نیلے اور کالے بیگز بڑی چالاکی سے چوری کرتے تھے۔ جو طریقہ اختیار کیا گیا وہ ایسا تھا کہ وہ سی سی ٹی وی سے بھی بچ سکتے تھے۔
پولیس حکام نے بتایا کہ امیت کمار (37)، کرن کمار (27)، گورو (33) اور پنیت مہتو (38) کو ٹرینوں میں سوار ہونے اور اترنے والے مسافروں سے بیگ چرانے کے الزام میں گرفتار کیا گیا ہے۔ وہ رش کے اوقات میں اسٹیشنوں سے نیلے اور کالے بیگ چوری کرتے اور چوری شدہ تھیلوں کو اسی رنگ کے دوسرے بیگ سے بدل دیتے تاکہ سی سی ٹی وی سے بچ سکیں۔ گینگ کی چوری کے خلاف آخری شکایت 3 جولائی کو موصول ہوئی تھی۔ نئی دہلی ریلوے اسٹیشن پر ایک شکایت موصول ہوئی تھی کہ شری ماتا ویشنو دیوی کٹرا سپر فاسٹ ایکسپریس کے A-1 کوچ سے پانچ بیگ غائب ہو گئے تھے۔ ایک سینئر پولیس اہلکار نے بتایا کہ شکایت کی بنیاد پر ایف آئی آر درج کی گئی اور تحقیقات شروع کی گئی۔
اہلکار نے بتایا کہ سی سی ٹی وی فوٹیج کی جانچ کرتے ہوئے پولس ٹیم پہاڑ گنج کے ایک ہوٹل میں پہنچی۔ امیت، کرن اور گورو کو یہاں چھاپے میں گرفتار کیا گیا۔ سبھی بہار کے رہنے والے ہیں۔ پونیت کو بعد میں آنند وہار ریلوے اسٹیشن سے پکڑا گیا۔ گینگ کے ارکان، جو کپڑے کے تاجر ہونے کا دعویٰ کرتے تھے، ریلوے اسٹیشنوں کے قریب ہوٹلوں میں قیام کرتے تھے۔ وہ سیاہ اور نیلے رنگ کے کئی خالی تھیلے اپنے پاس رکھتے تھے اور ان کا استعمال جرم کو انجام دینے کے لیے کرتے تھے۔ چوری کے بعد وہ سامان اسی رنگ کے دوسرے تھیلے میں ڈال دیتے تھے تاکہ پکڑے جانے کا خطرہ کم ہو جائے۔
افسر نے کہا کہ ایسا کرتے ہوئے وہ ایک سے زیادہ بار ریلوے اسٹیشن سے نکل جاتے تھے اور سی سی ٹی وی آپریٹر یا ہوٹل کے عملے نے ان پر توجہ نہیں دی تھی، کیونکہ وہ انہیں ایک ہی رنگ کے بیگ سے دیکھتے تھے۔ گرفتار ملزمان کے قبضے سے تین ٹرالی بیگ (جن میں سے دو کے چوری ہونے کی تصدیق ہوئی ہے)، چار رکشے، پانچ ہینڈ بیگ، دو موبائل فون اور 47000 روپے نقدی برآمد ہوئی ہے۔ افسر نے بتایا کہ مہتو کے پاس چار اور ٹرالی بیگ ملے ہیں، جن کی کئی ریاستوں میں مجرمانہ تاریخ ہے۔ملزمان نے بدر پور فرید آباد سرحد کے قریب ایک ٹھکانا بھی بنا رکھا تھا جہاں وہ چوری کا سامان رکھتے تھے اور بعد میں فروخت کرتے تھے۔ افسر نے بتایا کہ ملزمان بہت منظم تھے۔ وہ بہت ہوشیاری سے کام لیتے تھے اور بار بار سم کارڈ اور موبائل بدلتے رہتے تھے۔

(پی این این)
نئی دہلی :دہلی کی وزیر اعلیٰ ریکھا گپتا کی زیر صدارت کابینہ کی میٹنگ میں سرکاری اسکولوں کی اپ گریڈیشن کے لیے 900 کروڑ روپے کے بجٹ کو منظوری دی گئی۔ اس میں 18966 اسمارٹ بلیک بورڈ لگائے جائیں گے اور اساتذہ کو تربیت دی جائے گی۔ حکومت کا کہنا ہے کہ اس کا مقصد سرکاری اسکولوں کو پرائیویٹ اسکولوں سے بہتر بنانا ہے۔ مفاد عامہ سے متعلق کئی دیگر فیصلے بھی کئے گئے۔دہلی کی وزیر اعلیٰ ریکھا گپتا کی صدارت میں آج کابینہ کی 10ویں میٹنگ ہوئی۔ اس میں مفاد عامہ سے متعلق کئی اہم فیصلے لیے گئے۔ اجلاس میں عوامی خدمت سے متعلق اہم موضوعات پر تفصیلی تبادلہ خیال کیا گیا اور دارالحکومت کی ترقی، انتظامی کارکردگی اور عوامی فلاح و بہبود کو ترجیح دیتے ہوئے کئی فیصلے کئے گئے۔
حکومت نے سرکاری سکولوں کو پرائیویٹ سکولوں سے بہتر بنانے کا فیصلہ کیا ہے۔ کابینہ میں 18966 سمارٹ بلیک بورڈز لگانے کا بجٹ منظور کر لیا گیا۔ یہ کام پانچ مرحلوں میں مکمل کیا جائے گا۔ سی ایم شری کے 75 اسکولوں میں 2446 اسمارٹ بلیک بورڈ لگائے جائیں گے۔ اساتذہ کو ان سمارٹ بلیک بورڈز کو چلانے اور بچوں کے لیے تربیت دی جائے گی۔ حکومت اسکولوں کی تبدیلی کے لیے 900 کروڑ روپے خرچ کرے گی۔
کابینہ کی میٹنگ کے بارے میں بات کرتے ہوئے وزیر آشیش سود نے کہا کہ پچھلی حکومت کی تعلیمی پالیسی کے بارے میں اکثر بات ہوئی تھی۔ آپ ہم سے سوال بھی کیا کرتے تھے۔ آج وزیر اعظم مودی کے آشیرواد سے ریکھا گپتا کی حکومت نے تعلیمی نظام کو یکسر تبدیل کرنے کا فیصلہ کیا ہے۔انہوں نے کہا کہ دہلی میں 37778 کلاس رومز میں سے صرف 799 سمارٹ کلاس روم تھے۔ یہ بھی CSR فنڈز سے کئے گئے تھے۔ اب دہلی حکومت نے 5 مرحلوں میں 9ویں سے 12ویں تک کے 18966 کلاس رومز میں اسمارٹ بلیک بورڈ لگانے کا فیصلہ کیا ہے۔ اساتذہ کو ان سمارٹ بلیک بورڈز کو چلانے اور بچوں کے لیے تربیت دی جائے گی۔بی جے پی لیڈر آشیش سود نے دہلی کے تعلیمی نظام کو لے کر بڑا بیان دیتے ہوئے پچھلی حکومت پر بدعنوانی کے سنگین الزامات لگائے ہیں۔ انہوں نے کہا کہ پچھلی حکومت نے تعلیم کے نام پر گھپلے کیے، اس کرپشن میں جو بھی ملوث ہوا اسے بخشا نہیں جائے گا۔ انہوں نے کہا کہ والدین ٹیچر میٹنگ کے بڑے بڑے اشتہارات دینے سے کچھ نہیں ہوگا۔
اگر کوئی غریب بچہ ہے تو ہم اسے ایک جگہ بٹھا کر ملک کے بہترین سائنس ٹیچرز سے سکھا سکتے ہیں۔ ٹیکنالوجی کے ذریعے پوری نصابی کتاب کو سمارٹ بلیک بورڈ پر دستیاب کیا جا سکتا ہے۔انہوں نے یہ بھی دعویٰ کیا کہ آنے والے وقت میں حکومت ‘سی ایم شری اسکولس’ میں ایک بڑی پہل کرنے جا رہی ہے۔ یہ سکول بہت جلد شروع کر کے ماڈل سکول بن جائیں گے۔ تعلیمی بجٹ میں کمی کے الزامات کا جواب دیتے ہوئے سود نے کہا کہ ہم پر تعلیمی بجٹ میں کمی کا الزام لگایا گیا۔ لیکن سچ یہ ہے کہ اسی رقم سے ہم 18000 نئے کلاس رومز تیار کر رہے ہیں۔ صرف اخبارات میں مضامین شائع کرنے سے نظام تعلیم بہتر نہیں ہوتا۔

(پی این این)
نئی دہلی : یونیورسٹی امتحانات اور انٹرنس کے نتائج کے اعلان کی کاروائی میں تیزی لانے کے مقصد سے جامعہ ملیہ اسلامیہ نے دفتر کنٹرولر امتحانات میں نیو ایوولوایشن ہال کا افتتاح کیا۔ پروفیسر مظہر آصف ،شیخ الجامعہ ،جامعہ ملیہ اسلامیہ اور پروفیسر محمد مہتاب عالم رضوی، مسجل ،جامعہ ملیہ اسلامیہ نے پون کمار شرما کنٹرولر امتحانات(سی او ای) جامعہ ملیہ اسلامیہ اور ڈپٹی کنٹرولر امتحانات،جامعہ ملیہ اسلامیہ پروفیسر احتشام الحق کی موجودگی میں نئے ایولوایشن ہال کا افتتاح کیا۔
قابل ذکر ہے کہ جاری داخلہ مرحلے کے دوران جامعہ ملیہ اسلامیہ اسی فی صد سے زیادہ انٹرنس امتحانات کے اعلان کے ساتھ دوسرے اداروں سے کافی آگے ہے۔ سی او ای آفس بلڈنگ کے دوسرے فلور پر واقع نیا افتتاح شدہ ملٹی پرپز ہال آبزرور اور جائزہ کنند گان کے لیے بنایا گیاہے۔ ہال پورا ایئر کنڈیشنڈ ہے اور سامان کے لیے الماریاں بھی ہیںاور ایک ہی چھت کے نیچے داخلے اورجائزے سے متعلق تمام سرگرمیوں کے لیے ایک خاص اور کافی کشادہ جگہ ہے۔
پروفیسرمظہر آصف نے امتحان کے نتائج کے جلد اعلان پر اظہار مسرت و اطمینان کے ساتھ جائزہ کی کاروائی کے لیے بہترین سہولت کی فراہمی کی ستائش کرتے ہوئے کہا ’میں سی اوای ،ڈپٹی سی او ای اور سی ای او کے دفتر میں مصروف کار دفتر کے اہل عملہ کا شکر گزار ہوں جس نے دوہزار پچیس کے داخلہ امتحانات کے اعلان کے بعد گزشتہ تین مہینوں میں سخت محنت کی ہے اور جن کی کوششوں کی وجہ سے یہ ممکن ہوسکا ہے۔ پروفیسر آصف نے مزید کہا”میں یونیورسٹی میں اثبات،سالمیت اور جامعہ ملیہ اسلامیہ کے ماحولیاتی نظام میں مسرت کی فضا تیار کرنا چاہتاہوں‘۔انھوں نے بتایاکہ قومی تعلیمی پالیسی کی مسودہ کمیٹی کے رکن کی حیثیت سے انھوں نے محسوس کیاہے۔
کہ ’ مناسب وقت پر تنخواہوں اور ترقیات کی ادائیگی دو ایسے عناصر ہیں جو یونیورسٹی فیکلٹی اراکین اور اسٹاف ممبران کو اپنی صلاحیتوں کو بھرپور بروئے کار لانے کے لیے انھیں ترغیب و تشویق دلاتے ہیں۔میری انتظامیہ اسی اصول پر عمل پیرا ہے۔اور ا س کے مثبت نتائج سامنے ہیں۔“
پروفیسر رضوی نے کہا’ہمار ا نصب العین ’ایک جامعہ ایک کنبہ‘ ہونا چاہیے جسے صحیح معنوں میں اسی وقت حاصل کیا جاسکتاہے جب ہمارا تدریسی و غیر تدریسی عملہ یونیورسٹی کی بہتری کے لیے ساتھ مل کر کام کرے تاکہ جامعہ این آئی آر ایف کی تیسری پوزیشن سے دوسری پوزیشن حاصل کرسکے۔‘پروفیسر رضوی نے اس یقین کا اظہار کیاکہ ’نئے افتتاح شدہ ہال کے ساتھ جائزہ کاروں کے لیے بہترین سہولیات دستیاب ہوں گی تاکہ امتحان کی جائزہ کاروائی میں تیزی کے ساتھ اسے باضابطہ اور منظم کیا جاسکے۔‘ پروفیسر رضوی نے داخلہ کاروائی میں انتہائی شفافیت برقرار رکھنے کے لیے جامعہ برادری کومبارک باد دی اور کہا کہ ”یہ غیر معمولی بات ہے کہ یونیورسٹی نے بغیر کسی کی مدد و اعانت کے صرف اپنی سہولیات کے استعمال اور اسٹاف کی مدد سے ملٹی سٹی انٹرنس امتحان کی کاروائی انجام دی ۔ پروفیسر رضوی نے دہراتے ہوئے کہا یہ صرف جامعہ کی اہم حصولیابی نہیں ہے بلکہ یہ بے نظیر کارنامہ ہے۔پروفیسر رضوی نے سی او ای ،ڈپٹی سی او ای اور تمام سی او ای دفتر کے عملہ کے ساتھ ساتھ ڈینز، صدور، ڈائریکٹرز، فیکلٹیز اور غیر تدریسی عملہ کی کاوشوںکی تعریف کی۔
پروفیسر شرما ،کنٹرولر امتحانات نے سی اوای کے دفتر میں داخلوں اور امتحانات سے متعلق دو سیکشن میں جاری سرگرمیوں کو مفصل خاکہ پیش کیا ۔انھوںنے جامعہ برادری کا شکریہ ادا کیا اورجواب کی کاپی اور نمبرات کو وقت پر جمع کرنے کی وجہ سے خاص طور سے فیکلٹی اراکین کا کا شکریہ ادا کیا جس کی وجہ سے نتائج کا جلداعلان ممکن ہوسکا ۔
پروفیسر احتشام الحق،ڈپٹی کنٹرولر امتحانات نے اپنی استقبالیہ تقریر میں سامعین کو بتایا کہ ایوے لوایشن ہال کے قیام اور اس کی تجدید کا آئیڈیا عزت مآب شیخ الجامعہ اور مسجل جامعہ ملیہ اسلامیہ کا تھااور ا ن کے مسلسل تعاون اور عہد کی وجہ سے یہ کام ریکارڈ وقت میں پایہ ¿ تکمیل کوپہنچا ہے۔پروفیسر حق نے شیخ الجامعہ اور مسجل جامعہ ملیہ اسلامیہ کی قیادت کی تعریف کی جن کی سرپرستی اور رہنمائی میں جامعہ کے مختلف شعبے ہمہ جہت ترقی کے گواہ بنے ہیں۔پروفیسر حق نے حاضرین کو بتایاکہ سال دوہزار پچیس اور چھبیس میں داخلہ کاروائی آخری مرحلے میں ہے اور جامعہ اس خصوص میں ملک کی دوسری یونیورسٹیوں سے کافی آگے ہے۔
ابتدا میں شیخ الجامعہ ،مسجل ،جامعہ ملیہ اسلامیہ ،سی او ای اور ڈپٹی سی او ای نے سی او ای دفتر کے احاطے میں شجر کاری کی۔ڈاکٹر سنیل نے پروگرام کی نظامت کے فرائض انجام دیے ۔اور ڈاکٹر خالد رضا کے اظہار تشکر کے ساتھ پروگرام اختتام پذیر ہوا۔