آج کی سیاست میں نفرت اور جھوٹ کا غلبہ : اوم کار سنگھ

(پی این این )
رام پور:ضلع میں کارکنوں کے درمیان تنظیمی طاقت اور تال میل قائم کرنے کے مقصد سے ضلع اور سٹی کانگریس کمیٹی رام پور کے زیراہتمام تنظیم سازی مہم کے تحت ایک اہم میٹنگ کا انعقاد کیا گیا۔منعقدہ میٹنگ میں کانگریس کی تمام فرنٹل تنظیموں، سیلوں اور نو تشکیل شدہ ضلع کانگریس کمیٹی کے عہدیداروں نے شرکت کی۔میٹنگ کی صدارت ضلع صدر پرمل کمار شرما نِکو پنڈت نے کی۔نظامت ضلع جنرل سکریٹری اور میڈیا کوآرڈینیٹر امیش دوبے نے کی۔
سٹی کانگریس کوآرڈینیٹر اوم کار سنگھ نے کہا کہ آج کی سیاست میں نفرت اور جھوٹ کا غلبہ ہے۔اس کے جواب میں کانگریس سچائی، بھائی چارے اور آئین کی بات کے ساتھ آگے آئے گی۔سٹی کانگریس کوآرڈینیٹر اتم سنگھ نے کہا کہ صرف تنظیمی اتحاد اور کارکنوں کی لگن ہی آئندہ انتخابات میں پارٹی کو کامیابی دلا سکتی ہے۔
ضلع صدر پرمل کمار شرمانِکو پنڈت نے کہا کہ کانگریس ایک بار پھر رام پور میں مضبوط طور پر ابھرے گی۔ہم عوامی رابطہ اور عوامی تحریک کے ذریعے عوام کے مسائل کو اٹھائیں گے۔شہر کانگریس صدر ہارون خان نے کہا کہ کانگریس نوجوانوں، کسانوں، مزدوروں، اقلیتوں کی آواز بن کر آگے بڑھے گی اور تنظیم کو ہر سطح پر مضبوط کرے گی۔اجلاس میں واضح کیا گیا کہ اگر کوئی افسر کسی ناگزیر وجہ سے اجلاس میں شرکت نہ کر سکے تو پیشگی اطلاع دے کر تعاون کو یقینی بنائے۔