(پی این این)
چھپرہ:جے ڈی یو نہایت پسماندہ سیل کے سابق ریاستی سکریٹری ساجد عالم نے اقلیتی کمیشن کی تشکیل پر ناراضگی ظاہر کی ہے۔انہوں نے کہا کہ بہار حکومت نے آئندہ اسمبلی انتخابات کے پیش نظر اقلیتی کمیشن تشکیل دیا ہے۔این ڈی اے کی اتحادی جماعتوں کے 11 کارکنوں اور عہدیداروں کو کمیشن میں جگہ دی گئی ہے۔لیکن تمام رہنما شیخ،پٹھان،انصاری،سائیں اور دیگر ذاتوں سے تعلق رکھتے ہیں۔اس کمیٹی کی تشکیل میں مسلمانوں میں تیسری بڑی آبادی رکھنے والی دھنیہ منصوری برادری کو نظر انداز کیا گیا ہے۔ریاست میں ان کی آبادی 19 لاکھ بتائی جاتی ہے۔بہار میں 10 لاکھ سے زیادہ ووٹر رکھنے والی دھنیا منصوری برادری کو اقلیتی کمیشن میں جگہ نہ دینا ان کے ساتھ ناانصافی ہے۔
عالم نے کہا کہ بہار کی این ڈی اے حکومت ذات کی مردم شماری اور سماجی انصاف کی بات کرتی ہے۔مگر دھونیہ منصوری برادری کے حصے کو یقینی نہیں بنا سکی۔جے ڈی یو پارٹی اور نتیش حکومت کی اس نظر اندازی سے دھنیہ منصوری برادری کافی برہم اور مایوس ہے۔انہوں نے کہا کہ اس کا اثر آنے والے بہار اسمبلی انتخابات پر پڑے گا۔

(پی این این)
چھپرہ :شمال مشرقی ریلوے کے گونڈا۔بارہ بنکی سیکشن پر بدھوال۔گونڈہ کی تیسری لائن کی تعمیر کی وجہ سے چھپرہ سے روانہ ہونے والی تین ٹرینیں مختلف تاریخوں کو منسوخ کر دی گئ ہیں۔جبکہ 40 ٹرینیں روٹ تبدیل کرکے چلائی جائیں گی۔وہیں چار کو ری شیڈول کیا جائے گا۔مذکورہ معلومات وارانسی ڈویژن کے تعلقات عامہ افسر اشوک کمار نے دی۔انہوں نے بتایا کہ آپریشنل سہولت کے لیے بنیادی ڈھانچے کی توسیع اور ترقی کے لیے کرنایل گنج. سریو۔جروال روڈ. گھاگھرا گھاٹ کے درمیان تیسری لائن بنائی جا رہی ہے۔اس کی وجہ سے 24 سے 30 جون تک پری نان انٹرلاکنگ کا کام،1 سے 4 جولائی تک نان انٹرلاکنگ کا کام اور 3 اور 4 جولائی کو ریلوے سیفٹی کمشنر کے ذریعہ معائنہ کیا جائے گا۔اس کے مدنظر ٹرینیں منسوخ،روٹ تبدیل،ری شیڈول کیا جائے گا۔
پی آر او مسٹر کمار نے بتایا کہ چھپرہ سے آنند وہار جانے والی ٹرین 23،26،30 جون اور 3 جولائی کو منسوخ رہے گی اور وہاں سے واپسی والی 25،28 جون اور 2 اور 5 جولائی کو منسوخ رہے گی۔اسی طرح چھپرہ۔امرتسر اسپیشل ٹرین 27 جون اور 4 جولائی کو نہیں چلے گی اور 28 جون اور 5 جولائی کو بھی واپس نہیں آئے گی۔چھپرہ سے گزرنے والی لکھنؤ.. پاٹلی پترا ٹرین یکم اور 4 جولائی کو منسوخ رہے گی۔آنند وہار۔باپودھام موتیہاری ایکسپریس وہاں سے25،28،30 جون اور 2 جولائی کو نہیں چلے گی اور 26،29 جون اور 1 اور 3 جولائی کو وہاں سے واپس بھی نہیں آئے گی۔
24 جون سے 4 جولائی کے درمیان روٹ ڈائورٹ کر چلنے والی ٹرینوں میں ایرناکلم۔برونی ایکسپریس،امرتسر. دربھنگہ ایکسپریس،دربھنگہ۔امرتسر ایکسپریس،امرتسر۔سہرسا ایکسپریس،متھرا۔چھپرہ ایکسپریس،چنڈی گڑھ۔ڈبروگڑھ ایکسپریس،دربھنگہ۔جالندھر سٹی ایکسپریس،جموں توی۔برونی ایکسپریس،دربھنگہ۔برونی ایکسپریس،دہلی اسپیشل ایکسپریس،دربھنگہ۔دہلی اسپیشل ٹرین،نئی دہلی۔دربھنگہ اسپیشل ٹرین،گومتی نگر۔کامکھیا ایکسپریس،کٹیہار۔امرتسر ایکسپریس،گوہاٹی۔جموتوی ایکسپریس،لکھنؤ. برونی ایکسپریس،دربھنگہ۔نئی دہلی ایکسپریس،برونی۔نئی دہلی ایکسپریس،مظفر پور۔آنند وہار ایکسپریس،لال گڑھ۔دہلی ایکسپریس،ہاوڑہ۔کاٹھگودام ایکسپریس،پورنیہ. امرتسر ایکسپریس،نئی دہلی۔برونی ایکسپریس،امرتسر۔جے نگر ایکسپریس،جئے نگر۔امرتسر ایکسپریس،جموں توی۔بھاگلپور ایکسپریس،جموں توی۔گوہاٹی ایکسپریس،گورکھپور۔آنند وہار ایکسپریس،گورکھپور۔تروننت پور ایکسپریس،گومتی نگر. گوڈا ایکسپریس،گورکھپور۔چھترپتی شیواجی مہاراج ٹرمینس ایکسپریس،سہرسہ۔آنند وہار اسپیشل ٹرین وغیرہ کو طے شدہ روٹ تبدیل کرکے چلایا جائے گا۔اس دوران مذکورہ ٹرینیں کئی اہم اسٹیشنوں پر نہیں رکیں گی۔اس کے علاوہ کٹیہار۔امرتسر ایکسپریس،چنڈی گڑھ۔ڈبروگڑھ ایکسپریس،برونی۔باندرہ ٹرمینس ایکسپریس،رکسول۔آنند وہار ایکسپریس کو ری شیڈول کیا جائے گا اور کنٹرول میں چلایا جائے گا۔

(پی این این)
جالے :دربھنگہ ضلع کے سنگھواڑہ بلاک کے تحت ناصرگنج پرائمری اسکول کے اردو ٹیچر حافظ منصور عالم کو گولی مار کر قتل کیے جانے کے واقعے میں پولیس نے نامعلوم مجرموں کے خلاف قتل کا مقدمہ درج کر لیا ہے۔ مقتول کی اہلیہ خیرالنساء کی تحریری درخواست پر سنگھواڑہ تھانہ میں بھارتیہ نیائے سنہتا (BNS) کی دفعہ 103(1) (قتل) اور 27 آرمس ایکٹ کے تحت ایف آئی آر 25/133 درج کی گئی ہے۔
درخواست کے مطابق، حافظ منصور عالم 28 مئی کی صبح تقریباً 5:30 بجے شکرپور میں واقع اپنے کرائے کے مکان سے سائیکل پر اسکول کے لیے روانہ ہوئے تھے۔ اہل خانہ کے مطابق، صبح 7:40 بجے ان کی بیٹی ذکرہ خاتون کے موبائل پر ایک نامعلوم کال موصول ہوئی، جس میں اطلاع دی گئی کہ ان کے والد کو بھرواڑہ-کمتول سڑک پر ناصرگنج کے قریب گولی مار کر ہلاک کر دیا گیا ہے۔
جب مقتول کی اہلیہ موقع واردات پر اپنے رشتہ داروں کے ہمراہ پہنچیں تو دیکھا کہ حافظ منصور عالم سڑک کے شمالی کنارے پر پیٹ کے بل خون میں لت پت مردہ حالت میں پڑے تھے۔ ان کی پیشانی اور پیٹ سے خون بہہ رہا تھا، اور ان کا اسکرین ٹچ موبائل ان کی سائیکل کے قریب ہی پڑا ہوا تھا۔
واقعے کی اطلاع ملتے ہی سنگھواڑہ تھانہ صدر رنجیت کمار چودھری موقع پر تکنیکی ٹیم کے ساتھ پہنچے اور تفتیش شروع کر دی۔ وہ شکرپور، بھرواڑہ اور کمتول جانے والی سڑکوں پر نصب سی سی ٹی وی کیمروں کی فوٹیج کا باریکی سے جائزہ لے رہے ہیں۔ عینی شاہدین اور مقامی لوگوں سے بھی پوچھ گچھ جاری ہے۔
ابتدائی فوٹیج میں دیکھا گیا ہے کہ واقعہ کے وقت پلسر بائیک پر سوار تین مشتبہ نوجوان مین روڈ پر مشکوک حالت میں گھومتے نظر آئے۔ پولیس اس پہلو پر بھی غور کر رہی ہے کہ واقعے کی اطلاع مقتول کی بیٹی کے موبائل پر کس نے دی اور کیسے دی گئی۔
ڈی ایس پی جیوتی کماری کی قیادت میں ایک خصوصی تفتیشی ٹیم تشکیل دی گئی ہے، جو لگاتار چھاپے ماری کر رہی ہے اور شواہد جمع کرنے میں مصروف ہے۔ پولیس کا کہنا ہے کہ جلد ہی ملزمین کی شناخت کرکے انہیں گرفتار کر لیا جائے گا۔