درزی،دھنیا،رنگریز آرٹیزن وکاس سمیتی کو جلد کیا جائے گا نافذ : نتیش مشرا

(پی این این)
پٹنہ: درزی،دھنیا،رنگریز جیسے پسماندہ سماج کے لئے ایک تاریخی کارنامہ انجام دیا گیا۔بہار سرکار کے ذریعے ان سماج کے لوگوں کو مین ایسٹریم میں لانے کے لیے ایک بہت بڑا کام محکمہ ادیوگ کے وزیر نتیش مشرا نے بہت ہی تاریخی پروگرام کا انعقاد کر یہ فیصلہ کیا ہے کہ بہت جلد درزی،دھنیا،رنگریز آرٹیزن وکاس سمیتی کو نافذ کیا جائے گا۔اس کو لیکر بہار کےوزیر اعلی نتیش کمار کافی سنجیدہ ہیں۔ان کے ہی پہل پر اس کو عملی جامہ پہنانے کی کوشش شروع ہوئ تھی۔
اس بارے میں جانکاری دیتے ہوئے ادریسیہ درزی فیڈریشن کے بانی و قومی صدر علی امام بھارتی نے میڈیا کو بتایا کہ محکمہ ادیوگ کے وزیر نتیش مشرا کی صدارت میں ایک اہم میٹنگ محکمہ ادیوگ کے کانفرنس ہال پٹنہ میں منعقد ہوئ۔اس موقع پر درزی،دھنیا،رنگریز آرٹیزن وکاس سمیتی کے سبھی عہدیداروں کو مدعو کیا گیا تھا۔جس میں وزیر نتیش مشرا اور ڈائریکٹر ہست کرگھا اور ریشم مع ممبر سکریٹری درزی،دھنیا،رنگریز آرٹیزن وکاس سمیتی بہار پٹنہ و دیگر اعلی افسران بھی موجود تھے۔جنہوں نے سالوں سے نظر انداز درزی،دھنیا،رنگریز جیسے پسماندہ سماج کے لوگوں کے لیے ایک تاریخی کارنامہ انجام دیا ہے جس کے لئے ہم سبھی بہار سرکار کے شکر گزار ہیں۔
اس موقع پر ادریسیہ درزی فیڈریشن کے بانی و قومی صدر علی امام بھارتی،مشتاق ادریسی،گلشن پروین،امجد رضا،لال محمد ممبر کے علاوہ ادریسیہ درزی فیڈریشن کے ریاستی جنرل سکریٹری راجو وارثی،ریاستی تنظیمی سکریٹری محمد جمشید عالم عرف پیارے،ریاستی ممبر حاجی محمد بشیر و دیگر معززین،افسران موجود تھے۔
ساتھ میں تصویر۔