جوہر شفیع آبادی، پروفیسر دویدی اور چندر کیتو نارائن متفقہ طور پر سرپرست نامزد

چھپرہ :سارن ضلع بھوجپوری ساہتیہ سمیلن کی ایگزیکٹو میٹنگ برجیندر کمار سنہا کی صدارت میں پربھوناتھ نگر میں واقع یموناپوری میں منعقد ہوئی۔مہمان خصوصی تنظیم کے سرپرست ڈاکٹر جوہر شفیع آبادی تھے ۔اس موقع پر کانفرنس کی نئی کمیٹی تشکیل دی گئی۔

ڈاکٹر جوہر شفیع آبادی، پروفیسر کے کے دویدی اور چندر کیتو نارائن سنگھ کو متفقہ طور پر سرپرست نامزد کیا گیا۔جبکہ برجیندر کمار سنہا کو صدر،شاعر ڈاکٹر عین البرولوی کو ایگزیکٹو صدر،ناگیندر گری،شیو جی سمن،اجے کمار،شوبھ نارائن سنگھ شبھ اور کامیشور پرساد سنگھ کو نائب صدر،سریش کمار چوبے کو جنرل سیکرٹری،پرینکا کماری کو جوائنٹ سیکرٹری، سوجیت کمار سنگھ کو نائب سیکرٹری،نربھئے نیر کو تنظیم و تشہیر سیکرٹری،ببن سنگھ کو خزانچی بنایا گیا اور وشنو شنکر اوجھا،چندر کانت تیواری، پروفیسر امر ناتھ پرساد ،کشمیرا سنگھ،کمل دیو سنگھ،ڈاکٹر روی کانت سنگھ،ڈاکٹر شویتا غزل،ڈاکٹر امریندر سنگھ بلٹ،معین الدین انصاری و موہت سنگھ کو ایگزیکٹو ممبر بنایا گیا۔

اس کے علاوہ ضمنی قوانین کی تیاری کے لیے ایک ذیلی کمیٹی کا انتخاب کیا گیا۔میٹنگ میں ہر مہینے کے آخری اتوار کو یمنا پوری میں میٹنگ کرنے ،سالانہ کنونشن منعقد کرنے ،جے پی یونیورسٹی میں بھوجپوری پڑھائی شروع کرنے کے لیے وی سی سے ملاقات کرنے اور ایک رسالہ شائع کرنے کی تجویز پیش کی گئی۔